Пірог з вяндлінай, грыбамі і вяленымі памідорамі
Выхад: 6 порцый
60 г сметанковага масла,
1 ст. лыжка аліўкавага алею,
2 лука-парэя, абрэзаных, разрэзаных уздоўж напалову, тонка нарэзаных,
500 г шампіньёнаў, тонка нарэзаных,
1/3 шклянкі мукі,
2 шклянкі малака,
1 шклянка буйна цёртага сыра чэддэр,
2 ч. лыжкі дзіжонскай гарчыцы,
250 г браколі, разрэзанай на суквецці,
500 г вяндліны, буйна нарэзанай,
150 г вяленых памідораў, буйна нарэзаных,
соль і белы перац па гусце,
3 ліста (25 х 25 см) замарожанага слаёнага цеста, адталага,
1 яйка, узбітае,
насенне кунжуту для вобмешкі.
Нагрэць сметанковае масла і аліўкавы алей ў сатэйніку на ўмераным агні, пакуль сметанковае масла не распусціцца. Гатаваць лук-парэй і грыбы, памешваючы перыядычна, на працягу 8 хвілін да мяккасці. Дадаць муку і гатаваць, памешваючы, на працягу 1 хвіліны. Зняць з агню. Паступова ўліць малако, увесь час памешваючы драўлянай лыжкай да атрымання аднастайнай масы. Паставіць на ўмераны агонь. Размешваць драўлянай лыжкай на працягу 2-3 хвілін, пакуль соус не згусне і не дойдзе да кіпення. Дадаць сыр чэддэр і гарчыцу. Гатаваць, памешваючы, на працягу 1 хвіліны, пакуль сыр чэддэр не расплавіцца.
Пакласці браколі ў гарачатрывалую міску і заліць кіпячай вадой. Пакінуць на 1 хвіліну да ярка-зялёнага колеру і далікатнага храбусцення. Астудзіць пад бруёй халоднай вады. Зліць ваду. Дадаць браколі, вяндліну і вяленыя памідоры ў соус і перамяшаць. Заправіць соллю і белым перцам. Астудзіць трохі.
Зборка пірага. Выкарыстоўваючы шэсць гарачатрывалых формаў аб'ёмам 330 мл у якасці шаблону, выразаць 6 кругоў з 3 лістоў (25 х 25 см) адталага слаёнага цеста. Раскласці начынне па формах. Змазаць верхнія краі формаў узбітым яйкам, зверху пакласці выразаныя кругі з цеста і злёгку прыціснуць іх да краёў формы. Змазаць паверхню цеста яйкам. Пасыпаць зверху насеннем кунжуту. Паставіць пірогі на бляху. Выпякаць пры тэмпературы 200°С на працягу 20-25 хвілін, пакуль цеста не стане пышным і залацістага колеру.
© Святлана Калтовіч, 2011 г.