Գուսան Հավասու անհայտ երգերը Էդուարդ Թամարյանի մշակմամբ
Ջավախք Մեդիա » Հասարակություն, Մշակույթ, Ջավախքի լրահոս » Գուսան Հավասու անհայտ երգերը Էդուարդ Թամարյանի մշակմամբ
Գուսան Հավասու անհայտ երգերը Էդուարդ Թամարյանի մշակմամբ
Սեպտեմբեր 4, 2014
Մեծանուն աշուղ Հավասու ստեղծագործական ժառանգությունը շատ ծավալուն է: Նա գրել է մոտ 2000 երգ և 1500 քառյակ: Իսկ Հավասու ստեղծած մեղեդիների քանակն անցնում է 130-ից։
Հավասու երգերից շատերը հանրահայտ են ու տասնայակներ շարունակ կատարվում են աշուղների, ժողովրդական կատարողների եւտարբեր համույթների կողմից: Սակայն այլ է Հավասու այն երգերի ճակատագիրը, որոնք պակաս հայտնի են: Ճակատագրի դառը որոշմամբ զրկված լինելով տեսողությունից, Հավասին չէր կարող նոտագրել իր հորինած մեղեդիները: Ուստի նրա երաժշտությունը փոխանցվել է բերնե-բերան, կամ հազվադեպ հնարավորությունների դեպքում նոտագրվել ժողովրդական երգարվեստ հավաքող կոմպոզիտորների կողմից:
Այդ առումով յուրահատուկ արժեք ունի Էդուարդ Թամարյանի աշխատանքը: Լինելով Գուսան Հավասու համաերկրացին և աշակերտը, նա Հավասու երգեր բազմիցս լսել է անձամբ մեծ Գուսանից: Էդուարդ Թամարյանը ոչ միայն Հավասու ստեղծագործությունների անդավաճան կատարողն էմ, այլեւ իր նվիրական պարտքն է կատարում ի հայտ բերելով Գուսան Հավասու հին և նոր երգերը, որոնք մինչ այժմ անծանոթ էին ժողովրդին:
Թամարյանը օգտագործում է Հավասուց անձամբ լսած կատարումները եւ գոյություն ունեցող նոտագրությունները: Քանի որ եղած գրառումենրը մեծ մասամբ զուրկ են գործիքավորումից, նա նաեւ գործիքավորում եւ հանրության յուրովի է ներկայացնում Հավասու ժառանգությունը: Իր համերգների ժամանակ երգիչը անընդհատ թարմացնում է Հավասու երգացանկը:
Նշենք Թամարյանի կողմից պատրաստված երգերից մի քանիսը
«Ով որ ունի՝ երնեկ նրան»
Click to view«Էլ ո՞ւմ երգեմ»
«Խելքի բան չէ, բախտի բան է»
Այժմ Էդուարդ Թամարյանն աշխատում է Հավասու եւս մի քանի երգերի գործիքավորման եւ ձայնագրության վրա. «Ինչո՞ւսիրտդ սառն է, յար», «Կխոսի», «Ալագյազ», «Հայաստանցի», «Դարձյալ նազով», «Հարսանյաց երգ»: Հուսանք, որ այդ երգերը նույնպես շուտով հասնեն հայ լսարանին:
Այլ լինկեր՝
Գուսան Հավասի, կենսագրական
Բանաստեղծությունները
Ձայնագրություններ
Էդուարդ Թամարյանի Ջավախքի ղողանջներ համույթը
Ջավախք Մեդիա, Ծալկա-Ախալքալաք-Երեւան:
http://javakhkmedia.com/?p=3803 » Սա կարճացված հղում է:
Պիտակներ. Երաժշտություն, Ծալկա, Հավասի, Ջավախք