Исторія Подкарпатскоѣ Руси для народа #2
Продолжаю выкладывать главы «Исторіѣ По̂дкарпатскоѣ Руси для народа». В процессе перепечатывания текста бросается в глаза неустойчивость некоторых форм. Преставитель - представитель; територія - территорія; эти примеры можно объяснить ошибками наборщика. Но как быть с парой в мѣсяцѣ - в мѣсяци, или министерія - министерство? Также кажется не всегда последовательным употребление букв «ґ» и «о̂». Для каких-либо выводов необходимо проводить серьёзный анализ текста, причём не на одной книге, и нужно быть хорошо знакомым с историей языка. К сожалению, всё это не про меня, потому пока оставлю без развёрнутого комментария, хотя тема и любопытна весьма. Возможно, при случае пан Томаш сподобится написать комментарий по этой книге; тогда дам ссылку.
В этот раз будет глава «Америцкѣ Русины за свободу По̂дкарпатскоѣ Руси. Большевицка „Руська Краина“. Губернаторы Брейха и Жаткович», следом пойдёт «Новѣйшѣ економичнѣ и культурнѣ институціѣ».
2. Америцкѣ Русины за свободу По̂дкарпатскоѣ Руси. Большевицка „Руська Краина“. Губернаторы Брейха и Жаткович
Коли мы з початку мадярскоѣ революціѣ в первых днях новембра 1918 р. лиш з страхом роздумовали и радилася о том, що яку политику початы, абы и наш народ досяг дащо из плодо̂в переворота, тогды в Америцѣ наши роднѣ братя уже готовѣ были з планом освободженя нашоѣ По̂дкарпатскоѣ землѣ.
Америцка Руська Народна Рада з предсѣдателем о. Ниkолайом Чопейом уже в мѣсяцѣ юлія 1919 р. жадала самостойности або самоуправлѣня руським жупам: Шариша, Спиша, Земплина, Берега, Ужа, Угочѣ и Марамороша и се жаданя предложила 23. октобра 1918 р. на конвенціи „Середно-Европейского Демократичного Соєдиненя“ в Филаделфіи, де наши интересы заступовав Григорій Жатkович. Соєдиненіе приняло и нас в ряд освобожденых народо̂в и жаданѣ жупы досталисьме - на мапѣ. Первым по̂дписав заяву независомости професор Өома Масариk, як предсѣдатель конвенціѣ и преставитель ческословенского народа. Се рѣшеня потвержено было пото̂м и всенародным голосованєм америцких Русино̂в.
Що дѣялося в Америцѣ, о то̂м мы дома нич не знали, доки 31. януара 1919 р. не нащивив Ужгородску Раду Фердинанд Писецкій, посол Ө. Масарика, и предложив меморандум америцких Русино̂в о приключеню По̂дкарпатских Русино̂в к ческословенско̂й републицѣ.
Из сим рѣшенєм Григорій Жаткович и Юлій Ґардош, як представителѣ Америцкоѣ Угроруськоѣ Народноѣ Рады, отправилися до Парижа и на мирово̂й конференціи в'єдно с Дром Антонієм Бескидом, предсѣдателем Пряшевскоѣ Рады, заступали интересы нашого народа.
Дома в угорско̂й „Руськой Краинѣ“ в мѣсяцѣ марта одбылися выборы до національного сойму и до Мукачева скликаный сойм стояв за автономію в складѣ Угорщины.
21. марта в Угорщинѣ найвысша державна власть упала до рук большевико̂в-комунисто̂в. Из руськокраинскоѣ министеріѣ настало „Русько-краинскоє Народноє Комисарство“ по̂д управлѣнєм народного комисаря Августина Штефана. „Руська Краина“ як „самостойна губернія“, соєдинена з угорскою совѣтскою републикою, сейчас одержала свои идеальнѣ границѣ од Попрада аж до Тисы. Всѣ села и городы, де бывало найменьше 50% Русино̂в, принадлежали до Руськоѣ Краины. Для проуказаня руського характера руськоѣ губерніѣ, зачала выходити „Руська-Краинска Правда“, просвѣтна, политична тыжднева газета на народно̂й мовѣ.
В ко̂нцѣ мѣсяця апрѣля зачалася загальна офензива против мадярских большевико̂в, ческѣ и румунскѣ войска обсѣли руську губернію. Щобы парижска мирова конференція могла рѣшити о нашо̂м приключеню к ческословенско̂й републицѣ, 8. мая 1919 р. в ужгородско̂м жупно̂м домѣ зойшлися делеґаты Пряшевскоѣ, Ужгородскоѣ и Хустскоѣ Народноѣ Рады, соєдинилися в одно̂й Центрально̂й Радѣ и по бесѣдѣ америцких высланнико̂в, Жатковича и Гардоша, в велико̂м числѣ простого сельского народа и интелиґенціѣ одноголосно выповѣли, що Подкарпатскѣ Русины, як автономна одиниця, самовольно приключаються к ческословенской републицѣ з тым, що руська автономна краина в заграничных, воєнных и финансовых дѣлах спо̂льно управляєся, а в прочих дѣлах управляє собою самостойно, своим урядами и своим соймом Жадають, щобы до территоріѣ сеѣ краины принадлежали и западнѣ руськѣ жупы. Се рѣшеня и жаданя 120 членова депутація передела президенту Масарикови и через него ческословенско̂й републицѣ.
В мѣсяци августа провалилася мадярска бо̂льшевицка влада и в Будапештѣ основалася „Министерія для народностей“ з оддѣлом для Русино̂в (ruthén főosztály). Головою сего оддѣла быв Др. Николай Кутка.
В 1920 р. Угорщина по̂дписала мирный договор в Тріанонѣ и в наслѣдком сего розпустила и „министерство для народностей“ та стерла всѣ законы ухваленѣ режимом Каролѣя, межи прочим и X. народный закон о Руско̂й Краинѣ.
В мѣсяци септембрѣ 1919 р. чеськоє правительство выименовало дочасным администратором По̂дкарпатскоѣ Руси Дра Ивана Брейху, родом Чеха, котрый 18. новембра з найвысшим начальником По̂дкарпатскоѣ Руси, французким ґенералом Еноком, выдав прокламацію а в нѣй „Генеральный Статут“ для организаціѣ и администраціѣ По̂дкарпатскоѣ Руси. В генерально̂м статутѣ Чехословакія обязовалася „установити руську территорію южно од Карпат в границях опредѣленых головными союзными державами яко автономну одиницю и воздати ѣй найвисшоє самоуправлѣня и сойм, котрый буде мати законодатну власть у всѣх языковых, шко̂льных, релиґійных вопросах и в дѣлах мѣстноѣ администраціѣ. Губернатор Краины Русино̂в буде выименованый президентом и отвѣчательный буде Сойму. Урядники будуть выбранѣ из обывателѣв сеѣ территоріѣ и выбранѣ будуть послы до парламента чеськословенскоѣ републики, но сѣ послы не будуть мати права в чеськословенско̂м парламентѣ в таких вопросах, якѣ данѣ суть руському Сойму“.
К администратору Брейхѣ далася чотыричленна „Директорія“, котроѣ президентом быв Григорій Жаткович.
В мѣсяци мая выименованый быв первый руській губернатор Др. Григорій Жаткович, котрый по однорочно̂м правлѣнб резиґновав. Од 1921 р. порожный губернаторскій престол засѣв в новембрѣ 1923 р. представителѣ бывшоѣ Пряшевскоѣ Народноѣ Рады Др. Антоній Бескид.
Межи Жатковичем а Бескидом губернаторство дочасно водив вицегубернатор Др. Петро Еренфелд.
В мѣсяци марта 1924 рока одбылися первы выборы до пражского парламента.