Исх.7.14-25. Знамения и чудеса в египте (2)
Разум без Бога
исх7:14 И рече Господь к моисею: отягчися сердце фараоне, еже не отпустити людий:
исх7:15 иди к фараону заутра: се, той исходит на воды, и буди сретая его на брезе речнем: и жезл обращейся в змия возми в руку твою,
исх7:16 и речеши к нему: Господь Бог еврейский посла мя к тебе, глаголя: отпусти люди моя, да ми послужат в пустыни: и се, не послушал еси доселе:
исх7:17 сия глаголет Господь: по сему увеси, яко аз Господь: се, аз ударю жезлом, иже в руце моей, по воде речней, и преложится в кровь:
исх7:18 и рыбы, яже в реце изомрут, и возсмердится река, и не возмогут египтяне пити воды от реки.
исх7:19 Рече же Господь к моисею: рцы аарону брату твоему: возми жезл твой в руку твою, и простри руку твою на воды египетския и на реки их и на кладязи их и на езера их и на всякое собрание вод их, и будет кровь, и бысть кровь по всей земли египетстей, в древесех же и в камениих.
исх7:20 И сотвориша тако моисей и аарон, якоже заповеда им Господь: и взем аарон жезл свой, удари воду речную пред фараоном и пред рабы его, и преложи всю воду речную в кровь:
исх7:21 и рыбы яже в реце изомроша, и возсмердеся река, и не можаху египтяне пити воды от реки, и бяше кровь по всей земли египетстей.
исх7:22 Сотвориша же и волсви египетстии волхвованиями своими такожде: и ожесточися сердце фараоново, и не послуша их, якоже рече Господь.
исх7:23 Возвратився же фараон вниде в дом свой, и не положи себе и сего во уме.
исх7:24 Ископаша же вси египтяне окрест реки, да пиют воду: и не можаху пити воды от реки.
исх7:25 И исполнишася седмь дний, по ударении Господни в реку.
*
Человек может действовать согласно божественных повелений (вода) или согласно человеческих мнений (кровь).
Во втором случае он не пользуется божественным светом (и рыбы, яже в реце изомрут).
Плоть и кровь будет руководить и его деланием (в древесех же) и устроением его сердечных навыков (и в камениих).
*
Лишить человека божественного света может не только Бог, но и атеистически настроенные ученые (сотвориша же и волсви египетстии волхвованиями своими такожде).
Могут лишить божественного света, но не могут возвратить его (ископаша же вси египтяне окрест реки, да пиют воду: и не можаху пити воды от реки).
*
Разум человека бывает поврежден во всех семи измерениях бытия (исполнишася седмь дний, по ударении Господни в реку).
*
Если человек не поймет преимущество божественного разума, то совсем лишится его.
**