Уҡы һәм тарат! Кем көй яҙа белә - көй яҙығыҙ, шаулап яңғыраһын йыр һәр ерҙә!
ҮҘ ИЛЕМДӘ - ҮҘ ТЕЛЕМДӘ
Телкәйебеҙ ярҙам һорай,
Һаҡлайыҡ телебеҙҙе.
Телде һаҡлау - илде һаҡлау,
Һаҡлайыҡ илебеҙҙе.
Ҡушымта:
Башҡорт йырҙарын йырлайыҡ,
Көйләйек башҡорт көйөн.
Тел йәшәһә, ил йәшәй тип,
Һөйөн, башҡортом, һөйөн.
Күңелеңдең ынйыларын
Үҙ милләтеңә өләш.
Үҙ илеңдә үҙ телеңдә
Һөйләш, башҡортом, һөйләш.
Башҡорт йырҙарын йырлайыҡ,
Көйләйек башҡорт көйөн.
Тел йәшәһә, ил йәшәй тип,
Һөйөн, башҡортом, һөйөн.
Ҡушымта.
Күңелеңдең ынйыларын
Үҙ милләтеңә өләш.
Үҙ илеңдә үҙ телеңдә
Һөйләш, башҡортом, һөйләш.
Ҡушымта.
Телебеҙгә, еребеҙгә
Килмәһен бәлә-ҡаза.
Телһеҙ ҡалыу - илһеҙ ҡалыу,
Юҡтыр шунан ҙур яза.
Ҡушымта.
Күкрәгеңдә уйнайҙыр бит,
Ҡайнайҙыр башҡорт ҡаны.
Үҙ илеңдең ҡоло булма,
Үҙ илеңдең бул ханы.
Ғәлиә Кәлимуллина