Пророчества (Постная Триодь), седмица Пятая,
Святая Четыредесятница, седмица Пятая,
Понедельник
На 6-м часе:
Тропарь пророчества, глас 3:
Яко беззакония наша воссташа на ны,
воскресни, Господи, помози нам:
Ты бо еси Отец наш, кроме бо Тебе иного не знаем.
Прокимен, глас 4:
Олтари Твоя, Господи сил, Царю мой и Боже мой.
Стих: Коль возлюбленна селения Твоя, Господи сил.
Книга пророка Исаии
XXXVII, 33-XXXVIII, 6.
Тако глаголет Господь на царя Ассирийска:
не внидет в сей град, ниже пустит нань стрелу,
ниже возложит нань щита, ниже оградит окрест его ограждения: 34
но путем, имже прииде, темже возвратится,
и во град сей не внидет.
Сия глаголет Господь: 35
Защищу град сей, еже спасти его
Мене ради и ради Давида раба Моего. 36
И изыде Ангел Господень
и изби от полка ассирийска сто осмьдесят пять тысящ.
И воставше заутра, обретоша вся телеса мертва. 37
И отиде возвращься Сеннахирим царь ассирийский и вселися во Ниневии. 38
И внегда покланятися ему и в дому Насараху отечествоначалнику своему,
Адрамелех и Сарасар сынове его убиста его мечьми,
сами же убежаста во Армению.
И воцарися Асордан сын его вместо его. 1
Бысть же в то время, разболеся Езекиа до смерти.
И прииде к нему Исаиа пророк сын Амосов и рече к нему:
сия глаголет Господь:
устрой о доме твоем, умираеши бо ты и не будеши жив. 2
И обрати Езекиа лице свое ко стене и помолися ко Господеви глаголя: 3
помяни, Господи, како ходих пред Тобою со истиною и сердцем истинным,
и угодная пред Тобою сотворих.
И плакася Езекиа плачем великим. 4
И бысть слово Господне ко Исаии глаголя: 5
иди и рцы Езекии:
Тако глаголет Господь Бог Давида отца твоего:
услышах молитву твою и видех слезы твоя,
се, прилагаю к летом твоим лет пятьнадесять, 6
и от руки царя ассирийска избавлю тя и град сей,
и защищу о граде сем:
Прокимен, глас 8:
Яви нам, Господи, милость Твою, и спасение Твое даждь нам.
Стих: Благоволил еси, Господи,землю Твою, возвратил еси плен Иаковль.
https://i-malinin-a.livejournal.com/60470.html
*************************************
Святая Четыредесятница, седмица Пятая, Вторник :
На 6-м часе: Тропарь пророчества, глас 3:
Заступник наш Бог иаковль, и Защититель есть в день печали.
прокимен:, глас 6.
Нищь емь аз, и в трудех от юности моея.
стих:
Господи, Боже спасения моего, во дни воззвах, и в нощи пред Тобою.
....................................................................
пророчества Исаинна , чтение
Исаия 40:18-31
Тако глаголет Господь: Кому уподобисте Господа, и коему подобию уподобисте его?
19 Еда образ сотвори древоделатель, или златарь слияв злато позлати его, или подобием сотвори его?
20 Древо бо негниющее избирает древоделатель и мудре ищет, како поставит образ его, и да не поколеблется.
21 Не разуместе ли, не слышасте ли, не возвестися ли вам исперва? не разуместе ли основания земли?
22 Содержай круг земли, и живущии на ней аки прузи: поставивый небо яко камару и простер е, яко скинию обитати:
23 даяй князи аки ничтоже владети, и землю аки ничтоже сотвори.
24 Не насадят бо, ниже насеют, и не вкоренится в земли корение их: дхну на них ветр, и изсхоша, и буря аки стеблие возмет их.
25 Ныне убо кому мя уподобисте, и вознесуся? рече святый.
26 Воззрите на высоту очима вашима и видите, кто сотвори сия вся: носяй по числу утварь свою, и вся по имени прозовет от многия славы и в державе крепости своея: ничтоже утаися и тебе.
27 Еда бо речеши, иакове, и что глаголал еси, израилю: утаися путь мой от Бога, и Бог мой суд отя, и отступи?
28 И ныне не уразумел ли еси ни ли слышал еси? Бог вечный, Бог устроивый концы земли, не взалчет, ниже утрудится, ниже есть изобретение премудрости его,
29 даяй алчущым крепость и неболезненным печаль.
30 Взалчут бо юнейшии, и утрудятся юноты, и избраннии не крепцы будут:
31 терпящии же Господа изменят крепость.
------------------------------------------------------
Святая Четыредесятница, седмица Пятая,
Среда
На 6-м часе:
Тропарь пророчества, глас 1:
Болезньми святых, имиже о Тебе пострадаша, умолен буди, Господи,
и вся наша болезни исцели, Человеколюбче, молимся.
Прокимен, глас 4:
Благо есть исповедатися Господеви, и пети имени Твоему Вышний.
Стих: Возвещати заутра милость Твою, и истину Твою на всяку нощь.
книга пророка Исаии
41, 4-14.
Тако глаголет Господь: Аз Бог первый, и в грядущая Аз есмь. 5
Видеша языцы и убояшася,
концы земнии приближишася и приидоша вкупе. 6
Судяй кийждо ближнему, и брату помощи, и речет: 7
превозможе муж древоделатель и ковачь бияй млатом, вкупе проковаяй:
овогда убо речет:
спаяние добро есть, утвердиша я гвоздьми, положат я, и не подвигнутся. 8
Ты же, Израилю, рабе Мой, Иакове, егоже избрах,
семя Авраамле, егоже возлюбих, 9
егоже поях от конец земли, и от стражб ея призвах тя,
и рекох ти:
раб мой еси, избрах тя,
и не оставих тебе: 10
не бойся, с тобою бо Есмь, не прельщаю:
Аз бо есмь Бог твой, укрепивый тя,
и помогох ти,
и утвердих тя десницею Моею праведною: 11
се, постыдятся и посрамятся вси сопротивляющиися тебе,
будут бо яко не сущии, и погибнут вси соперницы твои: 12
взыщеши их, и не обрящеши человеков, иже поругаются тебе:
будут бо аки не бывшии и не будут ратующии тебе. 13
Яко Аз Бог твой держай десницу твою,
глаголяй тебе: 14 не бойся, Иакове, малый Израилю,
Аз помогох ти, глаголет Бог твой,
избавляяй тя Святый Израилев.
Прокимен, глас 6:
Господь воцарися, в лепоту облечеся
Стих: Облечеся Господь в силу и препоясася.
https://i-malinin-a.livejournal.com/60712.html
*******************************************************
Святая Четыредесятница, седмица Пятая,
Четверг
На 6-м часе:
Тропарь пророчества, глас 6:
Благоутробне, долготерпеливе Вседержителю, Господи, низпосли милость Твою на люди Твоя.
Прокиен, глас 6:
Господь воцарися, да радуется земля.
Стих: Да веселятся острови мнози.
книга пророка Исаии
42, 5-16.
Тако глаголет Господь Бог, сотворивый небо и водрузивый е,
утверждей землю и яже на ней,
и даяй дыхание людем, иже на ней,
и Дух ходящым на ней: 6
Аз Господь Бог призвах тя в правде,
и удержу за руку твою и укреплю тя:
и дах тя в завет рода Израилева, во свет языков, 7
Отверсти очи слепых,
извести от уз связанныя и из дому темницы и седящыя во тме. 8
Аз Господь Бог, сие Мое есть Имя,
Славы Моея иному не дам,
ниже добродетелей Моих истуканным. 9
Иже из начала, се, приидоша,
и новая, яже Аз возвещу,
и прежде неже возвестити, явишася вам. 10
Воспойте Господеви песнь нову:
началство Его, прославите Имя Его от конец земли,
сходящии в море и плавающии по нему,
острови и живущии на них. 11
Возвеселися, пустыне, и веси ея,
придвория, и живущии в Кидаре:
возвеселятся живущии на камени, от края гор возопиют, 12
Дадят Богу славу,
добродетели Его во островех возвестят. 13
Господь Бог сил изыдет и сокрушит рать,
воздвигнет рвение и возопиет на враги своя со крепостию. 14
Молчах, еда и всегда умолчу и потерплю?
Терпех яко раждающая, истреблю и изсушу вкупе, 15
опустошу горы и холмы, и всяку траву их изсушу,
и положу реки во островы, и луги изсушу: 16
и наведу слепыя на путь, егоже не видеша,
и по стезям, ихже не знаша, ходити сотворю им:
сотворю им тму во свет и стропотная в правая:
сия глаголы сотворю, и не оставлю их.
Прокимен , глас 6:
Воспойте Господеви песнь нову, яко дивна сотври Господь, спасе его десница Его.
Стих: Видеша вси концы земли спасение Бога нашего.
https://i-malinin-a.livejournal.com/61154.html
********************************************************************
Святая Четыредесятница, седмица Пятая,
Пятница
На 6-м часе:
Тропарь пророчества, глас 8:
Препетый еси, Христе Боже наш, поколебаяй землю, за еже обратити и спасти живушия на ней: и паки утверждаяй ю за Свою благость и неизреченное благоутробие, молитвами Богородицы помилуй нас.
Прокимен, глас 4:
Милость и суд воспою Тебе, Господи.
Стих: Пою и разумею в пути непорочне.
книга пророка Исаии
45, 11-17.
Тако глаголет Господь Бог, Святый Израилев, сотворивый грядущая:
вопросите Мене о сынех Моих и о дщерех Моих,
и о делех руку Моею заповедите Мне. 12
Аз сотворих землю и человека на ней,
Аз рукою Моею утвердих небо,
Аз всем звездам заповедах. 13
Аз возставих его со правдою царя, и вси путие его правы:
Сей созиждет град Мой и пленение людий Моих возвратит,
не по мзде, ни по даром, рече Господь Саваоф. 14
Тако глаголет Господь Саваоф:
утрудися Египет и купли ефиопския,
и саваимстии мужие высоцыи к тебе прейдут
и Тебе будут раби,
и вслед Тебе пойдут связани узами ручными,
и прейдут к Тебе и поклонятся Тебе, и в Тебе помолятся,
яко в Тебе Бог есть, и рекут:
несть Бога разве Тебе: 15
Ты бо еси Бог, и не ведехом,
Бог Израилев Спас. 16
Постыдятся и посрамятся вси противящиися Ему и пойдут в студе:
обновляйтеся ко мне, острови. 17
Израиль спасается от Господа спасением вечным:
не постыдятся, ни посрамятся даже до века ктому.
Прокимен, глас 4:
Господи, услыши молитву мою, и вопль мой к Тебе да приидет.
Стих: Не отврати лица твоего от мене.
Понедельник
На 6-м часе:
Тропарь пророчества, глас 3:
Яко беззакония наша воссташа на ны,
воскресни, Господи, помози нам:
Ты бо еси Отец наш, кроме бо Тебе иного не знаем.
Прокимен, глас 4:
Олтари Твоя, Господи сил, Царю мой и Боже мой.
Стих: Коль возлюбленна селения Твоя, Господи сил.
Книга пророка Исаии
XXXVII, 33-XXXVIII, 6.
Тако глаголет Господь на царя Ассирийска:
не внидет в сей град, ниже пустит нань стрелу,
ниже возложит нань щита, ниже оградит окрест его ограждения: 34
но путем, имже прииде, темже возвратится,
и во град сей не внидет.
Сия глаголет Господь: 35
Защищу град сей, еже спасти его
Мене ради и ради Давида раба Моего. 36
И изыде Ангел Господень
и изби от полка ассирийска сто осмьдесят пять тысящ.
И воставше заутра, обретоша вся телеса мертва. 37
И отиде возвращься Сеннахирим царь ассирийский и вселися во Ниневии. 38
И внегда покланятися ему и в дому Насараху отечествоначалнику своему,
Адрамелех и Сарасар сынове его убиста его мечьми,
сами же убежаста во Армению.
И воцарися Асордан сын его вместо его. 1
Бысть же в то время, разболеся Езекиа до смерти.
И прииде к нему Исаиа пророк сын Амосов и рече к нему:
сия глаголет Господь:
устрой о доме твоем, умираеши бо ты и не будеши жив. 2
И обрати Езекиа лице свое ко стене и помолися ко Господеви глаголя: 3
помяни, Господи, како ходих пред Тобою со истиною и сердцем истинным,
и угодная пред Тобою сотворих.
И плакася Езекиа плачем великим. 4
И бысть слово Господне ко Исаии глаголя: 5
иди и рцы Езекии:
Тако глаголет Господь Бог Давида отца твоего:
услышах молитву твою и видех слезы твоя,
се, прилагаю к летом твоим лет пятьнадесять, 6
и от руки царя ассирийска избавлю тя и град сей,
и защищу о граде сем:
Прокимен, глас 8:
Яви нам, Господи, милость Твою, и спасение Твое даждь нам.
Стих: Благоволил еси, Господи,землю Твою, возвратил еси плен Иаковль.
https://i-malinin-a.livejournal.com/60470.html
*************************************
Святая Четыредесятница, седмица Пятая, Вторник :
На 6-м часе: Тропарь пророчества, глас 3:
Заступник наш Бог иаковль, и Защититель есть в день печали.
прокимен:, глас 6.
Нищь емь аз, и в трудех от юности моея.
стих:
Господи, Боже спасения моего, во дни воззвах, и в нощи пред Тобою.
....................................................................
пророчества Исаинна , чтение
Исаия 40:18-31
Тако глаголет Господь: Кому уподобисте Господа, и коему подобию уподобисте его?
19 Еда образ сотвори древоделатель, или златарь слияв злато позлати его, или подобием сотвори его?
20 Древо бо негниющее избирает древоделатель и мудре ищет, како поставит образ его, и да не поколеблется.
21 Не разуместе ли, не слышасте ли, не возвестися ли вам исперва? не разуместе ли основания земли?
22 Содержай круг земли, и живущии на ней аки прузи: поставивый небо яко камару и простер е, яко скинию обитати:
23 даяй князи аки ничтоже владети, и землю аки ничтоже сотвори.
24 Не насадят бо, ниже насеют, и не вкоренится в земли корение их: дхну на них ветр, и изсхоша, и буря аки стеблие возмет их.
25 Ныне убо кому мя уподобисте, и вознесуся? рече святый.
26 Воззрите на высоту очима вашима и видите, кто сотвори сия вся: носяй по числу утварь свою, и вся по имени прозовет от многия славы и в державе крепости своея: ничтоже утаися и тебе.
27 Еда бо речеши, иакове, и что глаголал еси, израилю: утаися путь мой от Бога, и Бог мой суд отя, и отступи?
28 И ныне не уразумел ли еси ни ли слышал еси? Бог вечный, Бог устроивый концы земли, не взалчет, ниже утрудится, ниже есть изобретение премудрости его,
29 даяй алчущым крепость и неболезненным печаль.
30 Взалчут бо юнейшии, и утрудятся юноты, и избраннии не крепцы будут:
31 терпящии же Господа изменят крепость.
------------------------------------------------------
Святая Четыредесятница, седмица Пятая,
Среда
На 6-м часе:
Тропарь пророчества, глас 1:
Болезньми святых, имиже о Тебе пострадаша, умолен буди, Господи,
и вся наша болезни исцели, Человеколюбче, молимся.
Прокимен, глас 4:
Благо есть исповедатися Господеви, и пети имени Твоему Вышний.
Стих: Возвещати заутра милость Твою, и истину Твою на всяку нощь.
книга пророка Исаии
41, 4-14.
Тако глаголет Господь: Аз Бог первый, и в грядущая Аз есмь. 5
Видеша языцы и убояшася,
концы земнии приближишася и приидоша вкупе. 6
Судяй кийждо ближнему, и брату помощи, и речет: 7
превозможе муж древоделатель и ковачь бияй млатом, вкупе проковаяй:
овогда убо речет:
спаяние добро есть, утвердиша я гвоздьми, положат я, и не подвигнутся. 8
Ты же, Израилю, рабе Мой, Иакове, егоже избрах,
семя Авраамле, егоже возлюбих, 9
егоже поях от конец земли, и от стражб ея призвах тя,
и рекох ти:
раб мой еси, избрах тя,
и не оставих тебе: 10
не бойся, с тобою бо Есмь, не прельщаю:
Аз бо есмь Бог твой, укрепивый тя,
и помогох ти,
и утвердих тя десницею Моею праведною: 11
се, постыдятся и посрамятся вси сопротивляющиися тебе,
будут бо яко не сущии, и погибнут вси соперницы твои: 12
взыщеши их, и не обрящеши человеков, иже поругаются тебе:
будут бо аки не бывшии и не будут ратующии тебе. 13
Яко Аз Бог твой держай десницу твою,
глаголяй тебе: 14 не бойся, Иакове, малый Израилю,
Аз помогох ти, глаголет Бог твой,
избавляяй тя Святый Израилев.
Прокимен, глас 6:
Господь воцарися, в лепоту облечеся
Стих: Облечеся Господь в силу и препоясася.
https://i-malinin-a.livejournal.com/60712.html
*******************************************************
Святая Четыредесятница, седмица Пятая,
Четверг
На 6-м часе:
Тропарь пророчества, глас 6:
Благоутробне, долготерпеливе Вседержителю, Господи, низпосли милость Твою на люди Твоя.
Прокиен, глас 6:
Господь воцарися, да радуется земля.
Стих: Да веселятся острови мнози.
книга пророка Исаии
42, 5-16.
Тако глаголет Господь Бог, сотворивый небо и водрузивый е,
утверждей землю и яже на ней,
и даяй дыхание людем, иже на ней,
и Дух ходящым на ней: 6
Аз Господь Бог призвах тя в правде,
и удержу за руку твою и укреплю тя:
и дах тя в завет рода Израилева, во свет языков, 7
Отверсти очи слепых,
извести от уз связанныя и из дому темницы и седящыя во тме. 8
Аз Господь Бог, сие Мое есть Имя,
Славы Моея иному не дам,
ниже добродетелей Моих истуканным. 9
Иже из начала, се, приидоша,
и новая, яже Аз возвещу,
и прежде неже возвестити, явишася вам. 10
Воспойте Господеви песнь нову:
началство Его, прославите Имя Его от конец земли,
сходящии в море и плавающии по нему,
острови и живущии на них. 11
Возвеселися, пустыне, и веси ея,
придвория, и живущии в Кидаре:
возвеселятся живущии на камени, от края гор возопиют, 12
Дадят Богу славу,
добродетели Его во островех возвестят. 13
Господь Бог сил изыдет и сокрушит рать,
воздвигнет рвение и возопиет на враги своя со крепостию. 14
Молчах, еда и всегда умолчу и потерплю?
Терпех яко раждающая, истреблю и изсушу вкупе, 15
опустошу горы и холмы, и всяку траву их изсушу,
и положу реки во островы, и луги изсушу: 16
и наведу слепыя на путь, егоже не видеша,
и по стезям, ихже не знаша, ходити сотворю им:
сотворю им тму во свет и стропотная в правая:
сия глаголы сотворю, и не оставлю их.
Прокимен , глас 6:
Воспойте Господеви песнь нову, яко дивна сотври Господь, спасе его десница Его.
Стих: Видеша вси концы земли спасение Бога нашего.
https://i-malinin-a.livejournal.com/61154.html
********************************************************************
Святая Четыредесятница, седмица Пятая,
Пятница
На 6-м часе:
Тропарь пророчества, глас 8:
Препетый еси, Христе Боже наш, поколебаяй землю, за еже обратити и спасти живушия на ней: и паки утверждаяй ю за Свою благость и неизреченное благоутробие, молитвами Богородицы помилуй нас.
Прокимен, глас 4:
Милость и суд воспою Тебе, Господи.
Стих: Пою и разумею в пути непорочне.
книга пророка Исаии
45, 11-17.
Тако глаголет Господь Бог, Святый Израилев, сотворивый грядущая:
вопросите Мене о сынех Моих и о дщерех Моих,
и о делех руку Моею заповедите Мне. 12
Аз сотворих землю и человека на ней,
Аз рукою Моею утвердих небо,
Аз всем звездам заповедах. 13
Аз возставих его со правдою царя, и вси путие его правы:
Сей созиждет град Мой и пленение людий Моих возвратит,
не по мзде, ни по даром, рече Господь Саваоф. 14
Тако глаголет Господь Саваоф:
утрудися Египет и купли ефиопския,
и саваимстии мужие высоцыи к тебе прейдут
и Тебе будут раби,
и вслед Тебе пойдут связани узами ручными,
и прейдут к Тебе и поклонятся Тебе, и в Тебе помолятся,
яко в Тебе Бог есть, и рекут:
несть Бога разве Тебе: 15
Ты бо еси Бог, и не ведехом,
Бог Израилев Спас. 16
Постыдятся и посрамятся вси противящиися Ему и пойдут в студе:
обновляйтеся ко мне, острови. 17
Израиль спасается от Господа спасением вечным:
не постыдятся, ни посрамятся даже до века ктому.
Прокимен, глас 4:
Господи, услыши молитву мою, и вопль мой к Тебе да приидет.
Стих: Не отврати лица твоего от мене.