Пророчества (Постная Триодь), вторая седмица
Святая Четыредесятница, вторая седмица
Понедельник
https://i-malinin-a.livejournal.com/54830.html
На 6-м часе:
Тропарь пророчества, глас 5:
Создавый наедине сердца наша, помяни, яко персть есмы, не осуди нас в преисподних земли Безгрешне
Прокимен, глас 6: Боящиеся Господа восхвалите Его
Стих: Боже, Боже мой, вонми ми, вскую оставил мя еси;
книга пророка Исаии
IV, 2-6 V, 1-7.
Тако глаголет Господь: в День Оный
возсияет Бог в Совете со Славою на земли,
еже вознести и прославити останок Израиля. 3
И будет останок в Сионе и останок во Иерусалиме,
святи нарекутся вси написаннии в Жизнь во Иерусалиме: 4
яко отмыет Господь скверну сынов и дщерей сионских
и кровь Иерусалимску очистит от среды их
Духом суда и Духом зноя. 5
И приидет Господь,
и будет все место горы Сиони, и вся яже окрест ея
осенит облак во дни,
и яко дыма и света огненна горяща в нощи, всею славою покрыется: 6
и будет в сень
от зноя и в покров и в сокровение от жестости и дождя. 1
Воспою ныне возлюбленному
песнь возлюбленнаго моего винограду моему:
виноград бысть возлюбленному в розе, на месте тучне: 2
и ограждением оградих и окопах,
и насадих лозу избранну,
и создах столп посреде его,
и предточилие ископах в нем,
и ждах,
да сотворит гроздие,
и сотвори терние. 3
И ныне, живущии во Иерусалиме и человече иудин,
судите между Мною и виноградом Моим. 4
Что сотворю еще винограду Моему, и не сотворих Ему?
Занеже ждах, да сотворит гроздие, сотвори же терние. 5
Ныне убо возвещу вам,
что Аз сотворю винограду Моему:
отиму ограждение его, и будет в разграбление:
и разорю стену его, и будет в попрание. 6
И оставлю виноград Мой,
и ктому не обрежется, ниже покопается,
и взыдет на нем, якоже на лядине, терние:
и облаком заповем, еже не одождити на него дождя. 7
Виноград бо Господа Саваофа, Дом Израилев есть,
и человек иудин Новый Сад возлюбленный:
ждах, да сотворит суд,
сотвори же беззаконие, и не правду,
но вопль.
Прокимен глас 6: Жезл Твой палица Твоя, та мя утешиста.
Стих: Господь пасет мя, и ничтоже мя лишит
https://i-malinin-a.livejournal.com/54830.html
*******************************************************
Святая Четыредесятница, вторая седмица,
Вторник
https://i-malinin-a.livejournal.com/55150.html
На 6-м часе:
Тропарь пророчества, глас 6:
Достойно воспети Тя не можем, но просим молящеся:
не погуби нас со беззаконьми нашими, Благопременителю Господи
Прокимен, глас 4:
Господи, возлюбих благолепие Дому Твоего, и место селения Славы Твоея.
Стих: Суди ми, Господи, яко аз незлобою моею ходих.
Книга пророка Исаии V, 7-16.
Виноград Господа Саваофа, Дом Израилев есть,
и человек иудин новый сад возлюбленный:
ждах, да сотворит суд,
сотвори же беззаконие, и не правду, но вопль.8
Горе совокупляющым дом к дому и село к селу приближающым,
да ближнему отимут что:
еда вселитеся едини на земли? 9
Услышашася бо во ушесех Господа Саваофа сия:
аще бо будут домове мнози,
в запустение будут велицыи и добрии,
и не будут живущии в них: 10
Идеже бо возъорют (вспашут) десять супруг волов,
сотворит корчаг един,
и сеяй артавас шесть сотворит меры три. 11
Горе востающым заутра
и сикер гонящым, ждущым вечера:
вино бо сожжет я:12
С гусльми бо и певницами, и тимпаны и свирельми вино пиют,
на дела же Господня не взирают
и дел руку Его не помышляют. 13
Убо пленени быша людие Мои,
за еже не ведети им Господа,
и множество бысть мертвых глада ради
и жажди водныя. 14
И разшири ад душу свою и разверзе уста своя,
еже не престати:
и снидут
славнии и велицыи и богатии и губителие их и веселяйся в нем: 15
и смирится человек, и обезчестится муж,
и очи высокоглядающии смирятся.16
И вознесется Господь Саваоф в суде,
и Бог Святый прославится в правде.
Прокимен, глас 3:
Господь просвещение мое, и Спаситель мой, кого убоюся.
Стих: Господь Защитетель живота моего, кого устрашуся;
https://i-malinin-a.livejournal.com/55150.html
*****************************************************
Святая Четыредесятница, седмица вторая,
Среда
https://i-malinin-a.livejournal.com/55549.html
На 6-м часе:
Тропарь пророчества, глас 6:
Вышний на небесех живый: Создавый всякое дыхание,
спаси ны, Боже: на Тя бо уповахом Спасе наш.
Прокимен, глас 5:
К Тебе, Господи, воззову, и к Тебе, Богу моему помолюся.
Стих: Вознесу Тя, Господи, яко подъял мя еси.
Книга пророка Исаии V, 16-25.
Вознесется Господь Саваоф в суде,
и Бог святый прославится в правде: 17
и упасутся расхищеннии яко юнцы,
и пустыни плененных агнцы поядят. 18
Горе привлачающым грехи яко ужем долгим,
и яко ига юнична ременем беззакония своя, 19 глаголющым:
скоро да приближатся, яже сотворит,
да видим, и да приидет Cовет Cвятаго Bзраилева,
да разумеем. 20
Горе глаголющым лукавое доброе,
и доброе лукавое,
полагающым тму свет,
и свет тму,
полагающым горькое сладкое,
и сладкое горькое. 21
Горе, иже мудри в себе самих и пред собою разумни. 22
Горе крепким вашым, вино пиющым,
и вельможам растворяющым сикер, 23
оправдающым нечестива даров ради,
и еже есть праведное праведнаго вземлющым от него.24
Сего ради якоже сгорит трость от углия огненнаго
и сожжется от пламене разгоревшагося,
корень их яко персть будет,
и цвет их яко прах взыдет:
не восхотеша бо Закона Господа Саваофа,
но Слово Святаго Израилева раздражиша. 25
И возярися гневом Господь Саваоф на люди Своя,
и наложи руку Свою на них, и порази их:
и раздражишася горы,
и быша трупи их яко гной посреде пути.
И во всех сих не отвратися ярость Его,
но еще рука Его высока.
Прокимен, глас 6: На тя, Господи, уповах, да не постыжуся во век.
Стих: Правдою Твоею избави мя, и изми мя.
https://i-malinin-a.livejournal.com/55549.html
*************************************************************
Святая Четыредесятница, седмица вторая,
Четверг
https://i-malinin-a.livejournal.com/55596.html
На 6-м часе:
Тропарь пророчества, глас 1:
Падшия возстави ны, отвращшыяся обрати к Тебе, Боже, яко Человеколюбец, земныя содержай концы.
Прокимен, глас 6:
Взысках Господа, и услыша мя, и от всех скорбей моих избави мя.
Стих: Благословлю Глспода на всякое время.
Книга пророка Исаии VI, 1-12.
Бысть в лето, в неже умре Озиа царь,
видех Господа седяща
на престоле высоце и превознесенне, и исполнь Дом Славы Его. 2
И Серафими стояху окрест Его,
шесть крил единому и шесть крил другому:
и двема убо покрываху лица своя,
двема же покрываху ноги своя и двема летаху.3
И взываху друг ко другу и глаголаху:
Свят, Свят, Свят Господь Саваоф:
исполнь вся земля Славы Его. 4
И взяся наддверие от гласа, имже вопияху,
и Дом наполнися дыма. 5
И рекох:
о, окаянный аз, яко умилихся,
яко человек сый и нечисты устне имый,
посреде людий нечистыя устне имущих аз живу:
и Царя Господа Саваофа видех очима моима. 6
И послан бысть ко мне един от Серафимов,
и в руце своей имяше угль горящь,
егоже клещами взят от олтаря, 7
и прикоснуся устнам моим
и рече:
Се, прикоснуся сие устнам твоим,
и отимет беззакония твоя
и грехи твоя очистит. 8
И слышах глас Господа глаголюща:
кого послю, и кто пойдет к людем сим?
И рекох:
се, аз есмь, посли мя. 9
И рече:
иди и рцы людем сим:
слухом услышите, и не уразумеете:
и видяще узрите, и не увидите:10
Одебеле бо сердце людий сих,
и ушима своима тяжко слышаша,
и очи свои смежиша,
да не когда узрят очима и ушима услышат,
и сердцем уразумеют и обратятся,
и изцелю я. 11
И рекох: Доколе, Господи?
И рече:
Дондеже опустеют гради,
от еже ненаселеным быти,
и домы, от еже ненаселеным быти,
и домы от еже не быти человеком,
и земля останется пуста. 12
И посем продолжит Бог человеки,
и умножатся оставльшиися на земли.
Прокимен, глас 6:
Возстани, Господи, и вонми суду моему
Стих: Суди, Господи, обидящии мя.
https://i-malinin-a.livejournal.com/55596.html
*****************************************************
Святая Четыредесятница,
седмица вторая,
https://i-malinin-a.livejournal.com/86316.html
Пятница
На 6-м часе:
Тропарь пророчества, глас 1:
В нощи и во дни припадаем Тебе, Господи, подати оставление грехов душам нашим, да в мире поклонимся Тебе, и славословим Человеколюбче.
Прокимен, глас 4:
Господи, да не яростиюТвоею обличиши мене, ниже гневом Твоим накажеши мене.
Стих: Яко стрелы Твоя унзоша во мне.
Ис. VII, 1-14.
Пророчества Исаина, чтение.
Бысть во дни Ахаза сына Иоафамля, сына Озии, царя Иудина, взыде Расин царь Арамль, и Факей сын Ромелиев, царь Израилев, на Иерусалим, воевати на него, и не возмогоша разорити его. 2
И возвестися в дому Давидове, глаголя:
совещася Арам со Ефремом, и ужасеся душа его и душа людий его, якоже в дубраве древо ветром возколеблется. 3
И рече Господь ко Исаии:
изыди во сретение Ахазу ты и оставшийся Иасув сын твой, к купели горняго пути села белилнича,4
и речеши ему:
блюди, еже молчати, и не бойся,
ниже душа твоя да изнеможет от двою древу главень дымящихся сих:
егда бо гнев ярости Моея будет, паки изцелю. 5
Сын же Арамль и сын Ромелиев яко совещаста совет лукавый на тя, глаголюще:6 взыдем во Иудею, и собеседовавше с ними отвратим я к нам и воцарим в ней сына Тавеилева: 7
сия же глаголет Господь Саваоф:
не пребудет совет сей, ниже сбудется, 8 но глава Араму Дамаск, и глава Дамаску Расин: но еще шестьдесят и пять леть, оскудеет царство Ефремово от людий, 9 глава же Ефремови Соморон, и глава Соморону сын Ромелиев: и аще не уверите, ниже имате разумети. 10
И приложи Господь глаголати ко Ахазу, рекий: 11
проси себе знамения от Господа Бога твоего во глубину, или в высоту. 12
И рече Ахаз: не имам просити, ниже искушу Господа. 13
И рече (Исаиа): слышите убо, доме Давидов: еда мало вам есть труд даяти человеком, и како даете Господеви труд? 14
Сего ради даст Господь сам вам знамение. (Ис.7:1-14)
прокимен глас 6: Услыши молитву мою, Господи, и моление мое внуши.
Стих: Рех: сохраню пути моя, еже не согрешати ми языком моим.
https://i-malinin-a.livejournal.com/86316.html
Понедельник
https://i-malinin-a.livejournal.com/54830.html
На 6-м часе:
Тропарь пророчества, глас 5:
Создавый наедине сердца наша, помяни, яко персть есмы, не осуди нас в преисподних земли Безгрешне
Прокимен, глас 6: Боящиеся Господа восхвалите Его
Стих: Боже, Боже мой, вонми ми, вскую оставил мя еси;
книга пророка Исаии
IV, 2-6 V, 1-7.
Тако глаголет Господь: в День Оный
возсияет Бог в Совете со Славою на земли,
еже вознести и прославити останок Израиля. 3
И будет останок в Сионе и останок во Иерусалиме,
святи нарекутся вси написаннии в Жизнь во Иерусалиме: 4
яко отмыет Господь скверну сынов и дщерей сионских
и кровь Иерусалимску очистит от среды их
Духом суда и Духом зноя. 5
И приидет Господь,
и будет все место горы Сиони, и вся яже окрест ея
осенит облак во дни,
и яко дыма и света огненна горяща в нощи, всею славою покрыется: 6
и будет в сень
от зноя и в покров и в сокровение от жестости и дождя. 1
Воспою ныне возлюбленному
песнь возлюбленнаго моего винограду моему:
виноград бысть возлюбленному в розе, на месте тучне: 2
и ограждением оградих и окопах,
и насадих лозу избранну,
и создах столп посреде его,
и предточилие ископах в нем,
и ждах,
да сотворит гроздие,
и сотвори терние. 3
И ныне, живущии во Иерусалиме и человече иудин,
судите между Мною и виноградом Моим. 4
Что сотворю еще винограду Моему, и не сотворих Ему?
Занеже ждах, да сотворит гроздие, сотвори же терние. 5
Ныне убо возвещу вам,
что Аз сотворю винограду Моему:
отиму ограждение его, и будет в разграбление:
и разорю стену его, и будет в попрание. 6
И оставлю виноград Мой,
и ктому не обрежется, ниже покопается,
и взыдет на нем, якоже на лядине, терние:
и облаком заповем, еже не одождити на него дождя. 7
Виноград бо Господа Саваофа, Дом Израилев есть,
и человек иудин Новый Сад возлюбленный:
ждах, да сотворит суд,
сотвори же беззаконие, и не правду,
но вопль.
Прокимен глас 6: Жезл Твой палица Твоя, та мя утешиста.
Стих: Господь пасет мя, и ничтоже мя лишит
https://i-malinin-a.livejournal.com/54830.html
*******************************************************
Святая Четыредесятница, вторая седмица,
Вторник
https://i-malinin-a.livejournal.com/55150.html
На 6-м часе:
Тропарь пророчества, глас 6:
Достойно воспети Тя не можем, но просим молящеся:
не погуби нас со беззаконьми нашими, Благопременителю Господи
Прокимен, глас 4:
Господи, возлюбих благолепие Дому Твоего, и место селения Славы Твоея.
Стих: Суди ми, Господи, яко аз незлобою моею ходих.
Книга пророка Исаии V, 7-16.
Виноград Господа Саваофа, Дом Израилев есть,
и человек иудин новый сад возлюбленный:
ждах, да сотворит суд,
сотвори же беззаконие, и не правду, но вопль.8
Горе совокупляющым дом к дому и село к селу приближающым,
да ближнему отимут что:
еда вселитеся едини на земли? 9
Услышашася бо во ушесех Господа Саваофа сия:
аще бо будут домове мнози,
в запустение будут велицыи и добрии,
и не будут живущии в них: 10
Идеже бо возъорют (вспашут) десять супруг волов,
сотворит корчаг един,
и сеяй артавас шесть сотворит меры три. 11
Горе востающым заутра
и сикер гонящым, ждущым вечера:
вино бо сожжет я:12
С гусльми бо и певницами, и тимпаны и свирельми вино пиют,
на дела же Господня не взирают
и дел руку Его не помышляют. 13
Убо пленени быша людие Мои,
за еже не ведети им Господа,
и множество бысть мертвых глада ради
и жажди водныя. 14
И разшири ад душу свою и разверзе уста своя,
еже не престати:
и снидут
славнии и велицыи и богатии и губителие их и веселяйся в нем: 15
и смирится человек, и обезчестится муж,
и очи высокоглядающии смирятся.16
И вознесется Господь Саваоф в суде,
и Бог Святый прославится в правде.
Прокимен, глас 3:
Господь просвещение мое, и Спаситель мой, кого убоюся.
Стих: Господь Защитетель живота моего, кого устрашуся;
https://i-malinin-a.livejournal.com/55150.html
*****************************************************
Святая Четыредесятница, седмица вторая,
Среда
https://i-malinin-a.livejournal.com/55549.html
На 6-м часе:
Тропарь пророчества, глас 6:
Вышний на небесех живый: Создавый всякое дыхание,
спаси ны, Боже: на Тя бо уповахом Спасе наш.
Прокимен, глас 5:
К Тебе, Господи, воззову, и к Тебе, Богу моему помолюся.
Стих: Вознесу Тя, Господи, яко подъял мя еси.
Книга пророка Исаии V, 16-25.
Вознесется Господь Саваоф в суде,
и Бог святый прославится в правде: 17
и упасутся расхищеннии яко юнцы,
и пустыни плененных агнцы поядят. 18
Горе привлачающым грехи яко ужем долгим,
и яко ига юнична ременем беззакония своя, 19 глаголющым:
скоро да приближатся, яже сотворит,
да видим, и да приидет Cовет Cвятаго Bзраилева,
да разумеем. 20
Горе глаголющым лукавое доброе,
и доброе лукавое,
полагающым тму свет,
и свет тму,
полагающым горькое сладкое,
и сладкое горькое. 21
Горе, иже мудри в себе самих и пред собою разумни. 22
Горе крепким вашым, вино пиющым,
и вельможам растворяющым сикер, 23
оправдающым нечестива даров ради,
и еже есть праведное праведнаго вземлющым от него.24
Сего ради якоже сгорит трость от углия огненнаго
и сожжется от пламене разгоревшагося,
корень их яко персть будет,
и цвет их яко прах взыдет:
не восхотеша бо Закона Господа Саваофа,
но Слово Святаго Израилева раздражиша. 25
И возярися гневом Господь Саваоф на люди Своя,
и наложи руку Свою на них, и порази их:
и раздражишася горы,
и быша трупи их яко гной посреде пути.
И во всех сих не отвратися ярость Его,
но еще рука Его высока.
Прокимен, глас 6: На тя, Господи, уповах, да не постыжуся во век.
Стих: Правдою Твоею избави мя, и изми мя.
https://i-malinin-a.livejournal.com/55549.html
*************************************************************
Святая Четыредесятница, седмица вторая,
Четверг
https://i-malinin-a.livejournal.com/55596.html
На 6-м часе:
Тропарь пророчества, глас 1:
Падшия возстави ны, отвращшыяся обрати к Тебе, Боже, яко Человеколюбец, земныя содержай концы.
Прокимен, глас 6:
Взысках Господа, и услыша мя, и от всех скорбей моих избави мя.
Стих: Благословлю Глспода на всякое время.
Книга пророка Исаии VI, 1-12.
Бысть в лето, в неже умре Озиа царь,
видех Господа седяща
на престоле высоце и превознесенне, и исполнь Дом Славы Его. 2
И Серафими стояху окрест Его,
шесть крил единому и шесть крил другому:
и двема убо покрываху лица своя,
двема же покрываху ноги своя и двема летаху.3
И взываху друг ко другу и глаголаху:
Свят, Свят, Свят Господь Саваоф:
исполнь вся земля Славы Его. 4
И взяся наддверие от гласа, имже вопияху,
и Дом наполнися дыма. 5
И рекох:
о, окаянный аз, яко умилихся,
яко человек сый и нечисты устне имый,
посреде людий нечистыя устне имущих аз живу:
и Царя Господа Саваофа видех очима моима. 6
И послан бысть ко мне един от Серафимов,
и в руце своей имяше угль горящь,
егоже клещами взят от олтаря, 7
и прикоснуся устнам моим
и рече:
Се, прикоснуся сие устнам твоим,
и отимет беззакония твоя
и грехи твоя очистит. 8
И слышах глас Господа глаголюща:
кого послю, и кто пойдет к людем сим?
И рекох:
се, аз есмь, посли мя. 9
И рече:
иди и рцы людем сим:
слухом услышите, и не уразумеете:
и видяще узрите, и не увидите:10
Одебеле бо сердце людий сих,
и ушима своима тяжко слышаша,
и очи свои смежиша,
да не когда узрят очима и ушима услышат,
и сердцем уразумеют и обратятся,
и изцелю я. 11
И рекох: Доколе, Господи?
И рече:
Дондеже опустеют гради,
от еже ненаселеным быти,
и домы, от еже ненаселеным быти,
и домы от еже не быти человеком,
и земля останется пуста. 12
И посем продолжит Бог человеки,
и умножатся оставльшиися на земли.
Прокимен, глас 6:
Возстани, Господи, и вонми суду моему
Стих: Суди, Господи, обидящии мя.
https://i-malinin-a.livejournal.com/55596.html
*****************************************************
Святая Четыредесятница,
седмица вторая,
https://i-malinin-a.livejournal.com/86316.html
Пятница
На 6-м часе:
Тропарь пророчества, глас 1:
В нощи и во дни припадаем Тебе, Господи, подати оставление грехов душам нашим, да в мире поклонимся Тебе, и славословим Человеколюбче.
Прокимен, глас 4:
Господи, да не яростиюТвоею обличиши мене, ниже гневом Твоим накажеши мене.
Стих: Яко стрелы Твоя унзоша во мне.
Ис. VII, 1-14.
Пророчества Исаина, чтение.
Бысть во дни Ахаза сына Иоафамля, сына Озии, царя Иудина, взыде Расин царь Арамль, и Факей сын Ромелиев, царь Израилев, на Иерусалим, воевати на него, и не возмогоша разорити его. 2
И возвестися в дому Давидове, глаголя:
совещася Арам со Ефремом, и ужасеся душа его и душа людий его, якоже в дубраве древо ветром возколеблется. 3
И рече Господь ко Исаии:
изыди во сретение Ахазу ты и оставшийся Иасув сын твой, к купели горняго пути села белилнича,4
и речеши ему:
блюди, еже молчати, и не бойся,
ниже душа твоя да изнеможет от двою древу главень дымящихся сих:
егда бо гнев ярости Моея будет, паки изцелю. 5
Сын же Арамль и сын Ромелиев яко совещаста совет лукавый на тя, глаголюще:6 взыдем во Иудею, и собеседовавше с ними отвратим я к нам и воцарим в ней сына Тавеилева: 7
сия же глаголет Господь Саваоф:
не пребудет совет сей, ниже сбудется, 8 но глава Араму Дамаск, и глава Дамаску Расин: но еще шестьдесят и пять леть, оскудеет царство Ефремово от людий, 9 глава же Ефремови Соморон, и глава Соморону сын Ромелиев: и аще не уверите, ниже имате разумети. 10
И приложи Господь глаголати ко Ахазу, рекий: 11
проси себе знамения от Господа Бога твоего во глубину, или в высоту. 12
И рече Ахаз: не имам просити, ниже искушу Господа. 13
И рече (Исаиа): слышите убо, доме Давидов: еда мало вам есть труд даяти человеком, и како даете Господеви труд? 14
Сего ради даст Господь сам вам знамение. (Ис.7:1-14)
прокимен глас 6: Услыши молитву мою, Господи, и моление мое внуши.
Стих: Рех: сохраню пути моя, еже не согрешати ми языком моим.
https://i-malinin-a.livejournal.com/86316.html