БИБЛЕЙСКАЯ история (в Постной триоди)
Святая Четыредесятница Первая седмица.
Понедельник
книга Бытия I. 1-13.
В начале сотвори Бог небо и землю. 2
Земля же бе невидима и неустроена, и тма верху бездны,
и Дух Божий ношашеся верху воды. 3
[Spoiler (click to open)]И рече Бог: да будет Свет. И бысть Свет. 4
И виде Бог Свет, яко добро, и разлучи Бог между Светом и между тмою. 5
И нарече Бог Свет день, а тму нарече нощь.
И бысть вечер, и бысть утро, день един. 6
И рече Бог: да будет твердь посреде воды,
и да будет разлучающи посреде воды и воды.
И бысть тако. 7
И сотвори Бог твердь,
и разлучи Бог между водою, яже бе под твердию,
и между водою, яже бе над твердию. 8
И нарече Бог твердь небо.
И виде Бог, яко добро.
И бысть вечер, и бысть утро, день вторый. 9
И рече Бог: да соберется вода, яже под небесем,
в собрание едино, и да явится суша. И бысть тако.
И собрася вода, яже под небесем, в собрания своя, и явися суша. 10
И нарече Бог сушу землю, и собрания вод нарече моря.
И виде Бог, яко добро. 1
1 И рече Бог: да прорастит земля былие травное,
сеющее семя по роду и по подобию,
и древо плодовитое творящее плод, емуже семя его в нем, по роду на земли.
И бысть тако. 12
И изнесе земля былие травное, сеющее семя по роду и по подобию,
и древо плодовитое творящее плод,
емуже семя его в нем, по роду на земли.
И виде Бог, яко добро. 13
И бысть вечер, и бысть утро, день третий.
******************************************************************************
Святая Четыредесятница
Первая седмица,
Вторник
Быт. I, 14-24.
Рече Бог: да будут светила на тверди небесней,
освещати землю и разлучати между днем и между нощию:
[Spoiler (click to open)]
и да будут в знамения и во времена,
и во дни и в лета, 15
и да будут в просвещение на тверди небесней,
яко светити по земли. И бысть тако. 16
И сотвори Бог два светила великая:
светило великое в начала дне,
и светило меншее в начала нощи, и звезды: 17
и положи я Бог на тверди небесней,
яко светити на землю, 18
и владети днем и нощию,
и разлучати между светом и между тмою.
И виде Бог, яко добро. 19
И бысть вечер, и бысть утро, день четвертый. 20
И рече Бог:
да изведут воды гады душ живых,
и птицы летающыя по земли, по тверди небесней.
И бысть тако. 21
И сотвори Бог киты великия,
и всяку душу животных гадов,
яже изведоша воды по родом их,
и всяку птицу пернату по роду.
И виде Бог, яко добра. 22
И благослови я Бог, глаголя:
раститеся и множитеся,
и наполните воды, яже в морях,
и птицы да умножатся на земли. 23
И бысть вечер, и бысть утро, день пятый.
******************************************************************
Святая Четыредесятница
Первая седмица, среда
Бытия
I, 24-II, 3.
Рече Бог: да изведет земля душу живу по роду,
четвероногая и гады, и звери земли по роду. И бысть тако. 25
И сотвори Бог звери земли по роду,
и скоты по роду их, и вся гады земли по роду их. И виде Бог, яко добра. 26
И рече Бог: сотворим человека по образу нашему и по подобию,
и да обладает
рыбами морскими, и птицами небесными, (и зверми) и скотами,
и всею землею, и всеми гады пресмыкающимися по земли. 27
И сотвори Бог Человека,
по Образу Божию сотвори его:
Мужа и Жену сотвори их. 28
И благослови их Бог, глаголя:
раститеся и множитеся, и наполните землю, и господствуйте ею,
и обладайте рыбами морскими, (и зверми) и птицами небесными, и всеми скотами,
и всею землею, и всеми гадами пресмыкающимися по земли. 29
И рече Бог:
се, дах вам всякую траву семенную сеющую семя,
еже есть верху земли всея:
и всякое древо, еже имать в себе плод семене семеннаго,
вам будет в снедь: 30
и всем зверем земным, и всем птицам небесным,
и всякому гаду пресмыкающемуся по земли,
иже имать в себе душу живота,
и всяку траву зелену в снедь.
И бысть тако. 31
И виде Бог вся, елика сотвори: и се добра зело.
И бысть вечер, и бысть утро, день шестый.(Быт.1:24-31) 1
И совершишася небо и земля, и все украшение их. 2
И соверши Бог в день шестый дела своя,
яже сотвори:
и почи в день седмый от всех дел своих,
яже сотвори. 3
И благослови Бог день седмый, и освяти его:
яко в той почи от всех дел Своих,
яже начат Бог творити.
****************************************************************
Святая Четыредесятница
Первая седмица, четверг
Быт. II, 4-19.
Сия книга Бытия небесе и земли,
егда бысть, в оньже день
сотвори Господь Бог небо и землю, 5
И всякий злак селный, прежде даже быти на земли,
и всякую траву селную, прежде даже прозябнути:
не бо одожди Господь Бог на землю,
и человек не бяше делати ю: 6
Источник же исхождаше из земли
и напаяше все лице земли. 7
И созда Бог человека, персть (взем) от земли,
и вдуну в лице его дыхание жизни:
и бысть человек в душу живу. 8
И насади Господь Бог рай во Едеме на востоцех,
и введе тамо человека, егоже созда. 9
И прозябе Бог еще от земли всякое древо
красное в видение и доброе в снедь:
и Древо Жизни посреде рая,
и древо
еже ведети разуметелное добраго и лукаваго. 10
Река же исходит из Едема напаяти рай:
оттуду разлучается в четыри начала. 11
Имя единей Фисон:
сия окружающая всю землю Евилатскую:
тамо убо есть злато. 12
Злато же оныя земли доброе:
и тамо есть анфракс и камень зеленый. 13
И имя реце вторей Геон: сия окружающая всю землю Ефиопскую. 14
И река третия Тигр: сия проходящая прямо Ассириом.
Река же четвертая Евфрат. 15
И взя Господь Бог человека, егоже созда,
и введе его в рай сладости, делати его и хранити. 16
И заповеда Господь Бог Адаму, глаголя:
от всякаго древа, еже в раи, снедию снеси: 17
от древа же,
еже разумети доброе и лукавое,
не снесте от него:
а в оньже аще день снесте от него,
смертию умрете. 18
И рече Господь Бог: не добро быти человеку единому:
сотворим ему помощника по нему. 19
И созда Бог еще от земли
вся звери селныя и вся птицы небесныя,
и приведе я ко Адаму видети,
что наречет я:
и всяко еже аще нарече Адам душу живу,
сие имя ему.
**********************************************************
Святая Четыредесятница Первая седмица, Пятница
Бытия чтение
Бытия 5, 32 - 6, 1-8
Бе ное лет пяти сот, и роди сыны три, Сима, Хама, Иафефа.1
[Spoiler (click to open)]И бысть егда начаша человецы мнози бывати на земли, и дщери родишася им: 2
видевше же сынове Божии дщери человечи,
яко добры суть, пояша себе жены от всех, яже избраша. 3
И рече Господь Бог:
не имать Дух мой пребывати в человецех сих во век,
зане суть плоть:
будут же дние их лет сто двадесять. 4
Исполини же бяху на земли во дни оны:
и потом, егда вхождаху сынове Божии к дщерем человеческим, и раждаху себе:
тии бяху исполини, иже от века, человецы именитии. 5
Видев же Господь Бог,
яко умножишася злобы человеков на земли:
и всяк помышляет в сердцы своем прилежно на злая во вся дни: 6
и помысли Бог,
яко сотвори человека на земли, и размысли. 7
и рече Бог:
потреблю человека, егоже сотворих, от лица земли,
от человека даже до скота, и от гад даже до птиц небесных:
зане размыслих, яко сотворих я.
***************************************************************
Святая Четыредесятница Первая седмица,
Суббота
послание Еверям, 303 зачало,
I, 1-12.
Многочастне и многообразне древле
[Spoiler (click to open)]Бог глаголавый отцем во пророцех, 2 в последок дний сих
глагола нам в Сыне,
Егоже положи Наследника всем,
Имже и веки сотвори. 3
Иже Сый сияние Славы и Образ ипостаси Его,
нося же всяческая Глаголом Силы Своея,
Собою очищение сотворив грехов наших,
седе одесную Престола величествия на высоких, 4
толико лучший быв ангелов,
елико преславнее паче их наследствова Имя. 5
Кому бо рече когда от ангел:
Сын Мой еси Ты, Аз днесь родих Тя?
И паки:
Аз буду Ему во Отца,
и Той будет Мне в Сына? 6
Егда же паки вводит Первороднаго во вселенную, глаголет:
и да поклонятся Ему вси ангели Божии. 7
И ко ангелом убо глаголет:
творяй ангелы Своя Духи и Слуги Своя Огнь палящь. 8
К Сыну же:
престол Твой, Боже, в век века:
жезл правости жезл Царствия Твоего: 9
возлюбил еси Правду и возненавидел еси беззаконие:
сего ради помаза Тя, Боже,
Бог Твой елеем радости
паче причастник Твоих. 10
И (паки):
в начале Ты, Господи, Землю основал еси,
и дела руку Твоею суть Небеса: 11
та погибнут,
Ты же пребываеши:
и вся, якоже риза, обетшают, 12
и яко одежду свиеши их, и изменятся:
Ты же тойжде Еси, и лета Твоя не оскудеют.
Святая Четыредесятница Первая седмица,
Суббота
от Марка, 10 зачало,
II, 23-III, 5.
Во время оно, идяше Иисус в субботы сквозе сеяния,
[Spoiler (click to open)]и начаша ученицы Его путь творити, востерзающе класы. 24
И фарисее глаголаху Ему:
виждь, что творят в субботы,
егоже не достоит? 25
И Той глаголаше им:
несте ли николиже чли, что сотвори Давид,
егда требование име
и взалка сам и иже с ним? 26
Како вниде в Дом Божий при Авиафаре архиереи,
и хлебы предложения снеде, ихже не достояше ясти
токмо иереем, и даде и сущым с ним? 27
И глаголаше им:
Суббота человека ради бысть,
а не человек Субботы ради: 28
темже
господь есть Сын Человеческий и субботе. 1
И вниде паки в сонмище:
и бе тамо человек, суху имый руку. 2
И назираху Его, аще в субботы изцелит его,
да Нань возглаголют. 3
И глагола человеку суху имущему руку:
стани посреде. 4
И глагола им:
достоит ли в субботы добро творити, или зло творити?
Душу спасти, или погубити?
Они же молчаху. 5
И воззрев на них со гневом,
скорбя о окаменении сердец их, глагола человеку:
простри руку твою.
И простре:
и утвердися рука его цела яко другая.
Понедельник
книга Бытия I. 1-13.
В начале сотвори Бог небо и землю. 2
Земля же бе невидима и неустроена, и тма верху бездны,
и Дух Божий ношашеся верху воды. 3
[Spoiler (click to open)]И рече Бог: да будет Свет. И бысть Свет. 4
И виде Бог Свет, яко добро, и разлучи Бог между Светом и между тмою. 5
И нарече Бог Свет день, а тму нарече нощь.
И бысть вечер, и бысть утро, день един. 6
И рече Бог: да будет твердь посреде воды,
и да будет разлучающи посреде воды и воды.
И бысть тако. 7
И сотвори Бог твердь,
и разлучи Бог между водою, яже бе под твердию,
и между водою, яже бе над твердию. 8
И нарече Бог твердь небо.
И виде Бог, яко добро.
И бысть вечер, и бысть утро, день вторый. 9
И рече Бог: да соберется вода, яже под небесем,
в собрание едино, и да явится суша. И бысть тако.
И собрася вода, яже под небесем, в собрания своя, и явися суша. 10
И нарече Бог сушу землю, и собрания вод нарече моря.
И виде Бог, яко добро. 1
1 И рече Бог: да прорастит земля былие травное,
сеющее семя по роду и по подобию,
и древо плодовитое творящее плод, емуже семя его в нем, по роду на земли.
И бысть тако. 12
И изнесе земля былие травное, сеющее семя по роду и по подобию,
и древо плодовитое творящее плод,
емуже семя его в нем, по роду на земли.
И виде Бог, яко добро. 13
И бысть вечер, и бысть утро, день третий.
******************************************************************************
Святая Четыредесятница
Первая седмица,
Вторник
Быт. I, 14-24.
Рече Бог: да будут светила на тверди небесней,
освещати землю и разлучати между днем и между нощию:
[Spoiler (click to open)]
и да будут в знамения и во времена,
и во дни и в лета, 15
и да будут в просвещение на тверди небесней,
яко светити по земли. И бысть тако. 16
И сотвори Бог два светила великая:
светило великое в начала дне,
и светило меншее в начала нощи, и звезды: 17
и положи я Бог на тверди небесней,
яко светити на землю, 18
и владети днем и нощию,
и разлучати между светом и между тмою.
И виде Бог, яко добро. 19
И бысть вечер, и бысть утро, день четвертый. 20
И рече Бог:
да изведут воды гады душ живых,
и птицы летающыя по земли, по тверди небесней.
И бысть тако. 21
И сотвори Бог киты великия,
и всяку душу животных гадов,
яже изведоша воды по родом их,
и всяку птицу пернату по роду.
И виде Бог, яко добра. 22
И благослови я Бог, глаголя:
раститеся и множитеся,
и наполните воды, яже в морях,
и птицы да умножатся на земли. 23
И бысть вечер, и бысть утро, день пятый.
******************************************************************
Святая Четыредесятница
Первая седмица, среда
Бытия
I, 24-II, 3.
Рече Бог: да изведет земля душу живу по роду,
четвероногая и гады, и звери земли по роду. И бысть тако. 25
И сотвори Бог звери земли по роду,
и скоты по роду их, и вся гады земли по роду их. И виде Бог, яко добра. 26
И рече Бог: сотворим человека по образу нашему и по подобию,
и да обладает
рыбами морскими, и птицами небесными, (и зверми) и скотами,
и всею землею, и всеми гады пресмыкающимися по земли. 27
И сотвори Бог Человека,
по Образу Божию сотвори его:
Мужа и Жену сотвори их. 28
И благослови их Бог, глаголя:
раститеся и множитеся, и наполните землю, и господствуйте ею,
и обладайте рыбами морскими, (и зверми) и птицами небесными, и всеми скотами,
и всею землею, и всеми гадами пресмыкающимися по земли. 29
И рече Бог:
се, дах вам всякую траву семенную сеющую семя,
еже есть верху земли всея:
и всякое древо, еже имать в себе плод семене семеннаго,
вам будет в снедь: 30
и всем зверем земным, и всем птицам небесным,
и всякому гаду пресмыкающемуся по земли,
иже имать в себе душу живота,
и всяку траву зелену в снедь.
И бысть тако. 31
И виде Бог вся, елика сотвори: и се добра зело.
И бысть вечер, и бысть утро, день шестый.(Быт.1:24-31) 1
И совершишася небо и земля, и все украшение их. 2
И соверши Бог в день шестый дела своя,
яже сотвори:
и почи в день седмый от всех дел своих,
яже сотвори. 3
И благослови Бог день седмый, и освяти его:
яко в той почи от всех дел Своих,
яже начат Бог творити.
****************************************************************
Святая Четыредесятница
Первая седмица, четверг
Быт. II, 4-19.
Сия книга Бытия небесе и земли,
егда бысть, в оньже день
сотвори Господь Бог небо и землю, 5
И всякий злак селный, прежде даже быти на земли,
и всякую траву селную, прежде даже прозябнути:
не бо одожди Господь Бог на землю,
и человек не бяше делати ю: 6
Источник же исхождаше из земли
и напаяше все лице земли. 7
И созда Бог человека, персть (взем) от земли,
и вдуну в лице его дыхание жизни:
и бысть человек в душу живу. 8
И насади Господь Бог рай во Едеме на востоцех,
и введе тамо человека, егоже созда. 9
И прозябе Бог еще от земли всякое древо
красное в видение и доброе в снедь:
и Древо Жизни посреде рая,
и древо
еже ведети разуметелное добраго и лукаваго. 10
Река же исходит из Едема напаяти рай:
оттуду разлучается в четыри начала. 11
Имя единей Фисон:
сия окружающая всю землю Евилатскую:
тамо убо есть злато. 12
Злато же оныя земли доброе:
и тамо есть анфракс и камень зеленый. 13
И имя реце вторей Геон: сия окружающая всю землю Ефиопскую. 14
И река третия Тигр: сия проходящая прямо Ассириом.
Река же четвертая Евфрат. 15
И взя Господь Бог человека, егоже созда,
и введе его в рай сладости, делати его и хранити. 16
И заповеда Господь Бог Адаму, глаголя:
от всякаго древа, еже в раи, снедию снеси: 17
от древа же,
еже разумети доброе и лукавое,
не снесте от него:
а в оньже аще день снесте от него,
смертию умрете. 18
И рече Господь Бог: не добро быти человеку единому:
сотворим ему помощника по нему. 19
И созда Бог еще от земли
вся звери селныя и вся птицы небесныя,
и приведе я ко Адаму видети,
что наречет я:
и всяко еже аще нарече Адам душу живу,
сие имя ему.
**********************************************************
Святая Четыредесятница Первая седмица, Пятница
Бытия чтение
Бытия 5, 32 - 6, 1-8
Бе ное лет пяти сот, и роди сыны три, Сима, Хама, Иафефа.1
[Spoiler (click to open)]И бысть егда начаша человецы мнози бывати на земли, и дщери родишася им: 2
видевше же сынове Божии дщери человечи,
яко добры суть, пояша себе жены от всех, яже избраша. 3
И рече Господь Бог:
не имать Дух мой пребывати в человецех сих во век,
зане суть плоть:
будут же дние их лет сто двадесять. 4
Исполини же бяху на земли во дни оны:
и потом, егда вхождаху сынове Божии к дщерем человеческим, и раждаху себе:
тии бяху исполини, иже от века, человецы именитии. 5
Видев же Господь Бог,
яко умножишася злобы человеков на земли:
и всяк помышляет в сердцы своем прилежно на злая во вся дни: 6
и помысли Бог,
яко сотвори человека на земли, и размысли. 7
и рече Бог:
потреблю человека, егоже сотворих, от лица земли,
от человека даже до скота, и от гад даже до птиц небесных:
зане размыслих, яко сотворих я.
***************************************************************
Святая Четыредесятница Первая седмица,
Суббота
послание Еверям, 303 зачало,
I, 1-12.
Многочастне и многообразне древле
[Spoiler (click to open)]Бог глаголавый отцем во пророцех, 2 в последок дний сих
глагола нам в Сыне,
Егоже положи Наследника всем,
Имже и веки сотвори. 3
Иже Сый сияние Славы и Образ ипостаси Его,
нося же всяческая Глаголом Силы Своея,
Собою очищение сотворив грехов наших,
седе одесную Престола величествия на высоких, 4
толико лучший быв ангелов,
елико преславнее паче их наследствова Имя. 5
Кому бо рече когда от ангел:
Сын Мой еси Ты, Аз днесь родих Тя?
И паки:
Аз буду Ему во Отца,
и Той будет Мне в Сына? 6
Егда же паки вводит Первороднаго во вселенную, глаголет:
и да поклонятся Ему вси ангели Божии. 7
И ко ангелом убо глаголет:
творяй ангелы Своя Духи и Слуги Своя Огнь палящь. 8
К Сыну же:
престол Твой, Боже, в век века:
жезл правости жезл Царствия Твоего: 9
возлюбил еси Правду и возненавидел еси беззаконие:
сего ради помаза Тя, Боже,
Бог Твой елеем радости
паче причастник Твоих. 10
И (паки):
в начале Ты, Господи, Землю основал еси,
и дела руку Твоею суть Небеса: 11
та погибнут,
Ты же пребываеши:
и вся, якоже риза, обетшают, 12
и яко одежду свиеши их, и изменятся:
Ты же тойжде Еси, и лета Твоя не оскудеют.
Святая Четыредесятница Первая седмица,
Суббота
от Марка, 10 зачало,
II, 23-III, 5.
Во время оно, идяше Иисус в субботы сквозе сеяния,
[Spoiler (click to open)]и начаша ученицы Его путь творити, востерзающе класы. 24
И фарисее глаголаху Ему:
виждь, что творят в субботы,
егоже не достоит? 25
И Той глаголаше им:
несте ли николиже чли, что сотвори Давид,
егда требование име
и взалка сам и иже с ним? 26
Како вниде в Дом Божий при Авиафаре архиереи,
и хлебы предложения снеде, ихже не достояше ясти
токмо иереем, и даде и сущым с ним? 27
И глаголаше им:
Суббота человека ради бысть,
а не человек Субботы ради: 28
темже
господь есть Сын Человеческий и субботе. 1
И вниде паки в сонмище:
и бе тамо человек, суху имый руку. 2
И назираху Его, аще в субботы изцелит его,
да Нань возглаголют. 3
И глагола человеку суху имущему руку:
стани посреде. 4
И глагола им:
достоит ли в субботы добро творити, или зло творити?
Душу спасти, или погубити?
Они же молчаху. 5
И воззрев на них со гневом,
скорбя о окаменении сердец их, глагола человеку:
простри руку твою.
И простре:
и утвердися рука его цела яко другая.