Беларусь памятае! У Мінску адбыўся ўрачысты прыём у памяць беларускіх андэрсаўцаў
18 студзеня 2020 года ў рэзідэнцыі Амбасадара Польшчы ў Беларусі спадара Артура Міхальскага адбылася вечарына, прысвечаная ўшанаванню памяці жаўнераў Другога польскага корпуса пад камандаваннем генерала Уладзіслава Андэрса, якія паходзілі з Беларусі.
У мерапрыемстве ўдзельнічала Амбасадар Вялікабрытаніі ў Беларусі спадарыня Жаклін Пэркінс, а таксама вайсковыя аташэ узгаданых краін.
Выступае спадарыня Амбасадар Вялікабрытаніі ў Беларусі Жаклін Пэркінс
Выступае спадар Амбасадар Польшчы ў Беларусі Артур Міхальскі
На прыём былі запрошаныя члены сямей беларускіх андэрсаўцаў, якія на працягу апошніх гадоў пры дапамозе Амбасады Вялікабрытаніі атрымлівалі дублікаты ўзнагарод сваякоў, якія падчас Другой сусветнай вайны ўдзельнічалі ў баях супраць нацыстаў у складзе Другога польскага корпуса, які ў 1944 годзе ў складзе 8-й брытанскай арміі ўдзельнічаў у вызваленні Італіі.
У складзе гэтага вайсковага злучэння ваявалі сотні беларусаў і ўраджэнцаў нашай краіны.
Жазнер 5-й крэсавай дывізіі Аляксандр Акуліч (з правага боку)
Уручэнне брытанскіх узнагарод нашчадкам аднаго з беларускіх андэрсаўцаў
На майцы аднаго з гасце надрукавана архіўная даведка аб тым, як бальшавікі рэпрэсавалі яго сваякоў
На жаль, на Радзіме іх подзвіг на доўга забылі. Для савецкіх уладаў яны былі “ворагамі народа”. У 1951-м гэтых ветэранаў Другой сусветнай разам разам з членамі іх сямей дэпартавалі з Беларусі, а пасля смерці Сталіна беларускіх жаўнераў Андэрса не прызнавалі ўдзельнікамі Вялікай Айчыннай, не ўзнагароджвалі, не шанавалі.
Фота на памяць
Сёння памяць пра гэтых герояў барацьбы супраць нацызма паступова вяртаецца ў Беларусь.
Беларускі рэканструктар побач з вайсковым аташэ Вялікабрытаніі...
...і Польшчы
Важную ролю ў гэтым адыгрывае і Група вайскова-гістарычнай рэканструкцыі “Беларусы ў Войску Польскім”.
Вытсупае кандыдат гістарычных навук Ігар Мельнікаў
Яе кіраўнік, кандыдат гістарычных навук Ігар Мельнікаў выступіў перад гасцямі імпрэзы і распавёў пра вынікі сваіх даследаванняў па гісторыі службы беларусаў у Войску Польскім падчас Другой сусветнай вайны.
Гісторыя герояў Другой сусветнай вяртаецца ў Беларусь
Узнагароднае пасведчанне Аляксандра Акуліча
Беларускі андэрсавіц Аляксандр Акуліч
Брытанская вайсковая кніжка Аляксандра Акуліча
Брытанскія і польскія ўзнагароды Аляксандра Акуліча
Дарэчы, беларускія рэканструктары былі ў форме афіцэра і жаўнера 5-й крэсавай дывізіі і 3-й дывізіі карпацкіх стральцоў.
Абавязковае інтэрв'ю
Беларускія рэканструктары побач з Амбасарамі Польшчы і Вялікабрытаніі ў Беларусі
У 2020 годзе Амбасада Вялікабрытаніі плануе арганізаваць некалькі цікавіх гістарычных мерапрыемтсваў, прысвечаных гісторыі Другой сусветнай вайны (бітва пад Монтэ-Касіна і аперацыя “Макет-Гадэн”). Сачыце за публікацыямі ў гэтым блогу.
“Гісторыя Побач”