ТIаргам

[ghalgha]

Вот такой миниатюрный Таргим и стихотворение Али Хашагульгова на ингушском языке, об этом прекрасном средневековом замке!



Алба-ерда, Iимараш.
Эсо етта голаш.
Маьлха дошо зIанараш -
ТIаргамара гIалаш.
Сигленах чакхйийннай уж,
Даьлага хьалкхаьчай.
Даьлан Iарш я ийже гуш,
из гураш ба гIалгIай.
Цунца - Малхаца мара
моаршал-хьоашал дац цар.
Лаьчан корта бола Ра
ва цар Даьра, Даьсар...
"Хьам мо, хьамсара ва из,
цун хьамара текъ тхо.
Маьлха Аза я цун оаз,
цун ерда цIи - Ткъа, Тхьа...

Маьлха Аза - маьлха оаз,
малха хоастам яхар,
тхона хьа оаз-илли хоз:
хайра де тха вахар!
Фаьрал далахь тха фуна,
ираз-аытув белахь!
Тхоаш кхеллача тхоай даьна
гарга кхоачаделахь!
Цунца мара зIи яц тха,
цунна сужне ух тхо.
ОарцагIвала тхона, Тхьа,
къе-мискачар оарцхо!"
Иштта декаш санна хет
ТIаргамара кхерий...
...Вайна, езар, наб тIагIерт...
Лачкъ хьа бIаргий чкъаьрий.

- Даьй оазаш ях укхаза.
Сона хоз уж, - оал Iа. -
Со я, гой, Маьлха Аза,
хьо ва, гой, лув гIалгIа.
ХIама хувцаденнадац.
Даим дахаргда вай.
(Аз дувцараш вай шиъ дац,
аз бувцараш - гIалгIай).
Маьлхаца хоттаденнад
вIовний ира бовхьаш.
АтагIа дохк тIаденнад.
Эсан кер ба бувхьаш.
Фордах кхета сихденна
дода лоаман шовда.
Маьлха дуне цхьа дегI да.
Из ца ховр ва Iовдал.

Хьоашал-наькъан Iаьла.