ՍԵՎԱԿԻ ԱՆՄԻՋԱԿԱՆ ՀՐԱՄԱՆԱՏԱՐԸ ԿԿԱՆԳՆԻ ԴԱՏԱՐԱՆԻ ԱՌԱՋ
Թուրքական դատարանը որոշել է դատավարություն սկսել 2011 թվականի ապրիլի 24-ին Բաթման նահանգում (Սասուն) սպանված հայազգի զինծառայող Սևակ Բալըքչըի անմիջական հրամանատարի դեմ: Այս մասին տեղեկացնում է «Հյուրիյեթի» անգլերեն տարբերակը:
Դատարանի առաջ կկանգնի սերժանտ Սաբրեթին Էրսյոզը, ով եղել է Սևակի անմիջական հրամանատարը զինծառայության ժամանակ:
Էրսյոզը մեղադրվում է «անփութության միջոցով պաշտոնական դիրքի չարաշահման մեջ»:
Նշենք, որ Բալըքչըի դատավարությունն ընթանում է Դիարբեքիրի ռազմական դատարանում:
Հայազգի զինծառայողի սպանությունն իրականացրած Քըվանչ Աղաօղլուն կալանավորված չէ:
Պաշտոնական շրջանակներում Սևակի սպանությունը որակվում է որպես «դժբախտ պատահար», սակայն փաստերը ցույց են տալիս, որ սպանությունը կանխամտածված է եղել և կապված է եղել Սևակի էթնիկ ինքնության հետ:
* Հետաքրքիր կլինի դիտել նաև սա