Преставление апостола и евангелиста Иоанна Богослова
Празднование 29 сентября / 9-го октября
«На Малей вечерни, на Господи воззвах, стихиры, глас 2.
Подобен: Егда от древа:
Приидите премудрости глубину и православных догматов списателя, вернии, песньми божественными днесь венчаим Иоанна славнаго и возлюбленнаго: сей бо возгреме, еже в начале бе Слово. Отонудуже громогласен показася, яко благовестие миру просияв, многомудренне приснопамятный. [Дважды.]
Воистинну ты явился еси истинен друг, наперсник велик Учителю Христу: на перси бо возлег, отонудуже почерпл еси премудрости догматы, имиже обогащаеши окрест всю землю, яко богоглагольник Божий. Темже и содержащи сия, красная Христова Церковь ныне радующися веселится.
Радуйся Богослове истинно, радуйся, Матере Господни сыне вселюбезне, ты бо предстоя при Кресте Христове божественный слышал еси глас Владыки: се ныне Мати твоя, к тебе возопившаго. Отонудуже достойно тя вси, яко апостола Христова великаго и возлюбленнаго, ублажаем.
Слава, глас 2. Самогласен:
Апостолов верх, богословия трубу, духовнаго воеводу, вселенную Богу покорившаго, приидите, вернии, ублажим Иоанна приснопамятнаго, от земли преселяющагося, и земли не отступающаго: но живуща, и ждуща страшное Владыки второе пришествие. Еже неосужденно срести нам испроси любимиче, таинниче, Христов наперсниче, любовию совершающим память твою».
Как следует из текста тропаря (самогласен), ап. Иоанн хотя и переселился на Небо, но и не покидает землю, и будет пребывать на ней до Второго пришествия Христа, из чего следует, что св. отцам было открыто, о переселение апостола на Небо телесно. И именно по этой причине он является последним живым апостолом из числа двенадцати и по сию пору главой верных христиан на земле, подтверждая тот факт, что Церковь Христова была, есть и будет Церковью Апостольской.