АПОШНІ БЕЛАРУС?
Адзін з былых супрацоўнікаў амбасады Францыі ў РБ выдаў кнігу "Le crépuscule de Yakoub". Раман, як паведамляе аўтар у лісьце-рассылцы, "наўпрост зьвязаны зь Беларусіяй" (аўтар ужывае састарэлую назву la Biélorussie замест Belаrus ). У вельмі цьмяным апісаньні на сайце выдаўца кідаецца ў вочы, што галоўнага героя клічуць Якуб Конан (наколькі я памятаю, адзін з герояў Монтэ Касіна) і што ён, Якуб, аказваецца, "le dernier Biélorusse" ("апошні беларус"). Як гэта разумець, пакуль няясна.
Дарэчы, аўтар падпісаў кнігу псэўданімам Edgar HATZFELD, але рассылку зрабіў ад сапраўднага імя). А назву раману можна перакласьці як "Прыцемкі Якуба".