بدايتنا بسم الله
مدري اول مره افكر اكثب بجورنالي
مدري يمكن عشان اغلب الي بالجورنال مو عرب وانا بالعربي ويالله اعرف يعني ماهنا فايدة من الهذره محدن فاهمن
(أًصلا مدري الهذره الي بدون سنع مسمووحه ولا لا القوانين الي بالتسجيل واجده ويالله ياله فهمت وش يبون مشكلة احادين اللغه ياليت الي يعرف يقولي)
المهم فكرت قلت مدام محدن قاريه الا الي حظه منحوس وطاح بالغلط هنا خل اكتب خرابيطي فكره حلوه والله
طيب وش دخلني الجورنال اساسا كله عشان خشش هالمسمى اكيوتا توما وكنجاني 8 ومدونه شولي الحلوه >>وهي وحدتن نص اسيوين العرب يعرفونه والله اني احبه في الله وهي ماقد شافت خشة يوزري وهذا معروف فقط للمختصين بالأسيوي العربي
المهم ماعلينا
مشكلتي ياناس بهالمدونه اني فاشله بالإنقلش امشي واغرز والله يجزى الوافي خير واذا عرفت الهرجه ماعرفت السبيلنق لدرجة عشان اصير سنعه صرت اسوي نسخ للردود الي ابي اقوله والصقه على بعض لين مايعتبره الوافي جمله مفيده واعتمده فإذا لقيتو رد مخبص فاعرفوا انه انا
يعني مثلا لو كنت داخله عند واحد منزل اسكانز وجازتلي خشه سويسه (سوبارو) مثلا والقى الي فوقي قايل ثانكيو سو متش وانسخه والصقه بردي والي قبله قايل احب سوبارو احط فاصله وانسخ اسم سوبارو واول واحد قايل ريو كيوت انسخ كيوت ولصقه وتصير جمله مفيدة شكرا ،سويسه يهبل . وقضينا تحسون قمه التعقيد صح
المهم صرت عضو بوه رجا وقلت متشكرين اوي ياسي السيد
تدرون وش اعجبني بالمدونه اولا الي فهمته انها مو خاصه بشي معين مع اني اول ماعرفتها عرفتها من الأسيوين وطقتهم بس الي فهمته ان مهما كان اهتمامك ممكن تكون هنا
كمان اذا صرت فاشل مثلا بالي مثلك بارعين فيه مثلا بالنسبه لي لا توقيت ولا ترجمه ولا تنسيق يعني الناس الي بمثل اهتمامتي فالحين فيه انا فاشله بس
ماكو مشكله هنا ممكن تخنبق مثلا تصاميم ولا صويرات وبيضحكون عليك شوي ويعطونك نصايح شوي وممكن تعرف تهرج انجلش شوي يعني تجرب والدنيا مدرسه مو :)
برضو احس هنا اذا كان في راسك شي او متضايق من شي تعال قله بمدونتك
مو ضروري تحتك بناس بالمنتديات اذا ما اعجبهم كلامك خلوك جاهل وماتسوى تراب وقلبوها حرب بتعصب ما لبوه سنع
هذي البدايه طنت براسي وانا احتري تجي صلاة الفجر يعني خرابيط وحدة ودة تنام وعجزت
ولا ادري اساس بيزبط الموضوع ولا لا اخاف ارسله لحد بس وانا مدري يالله لعل وعسى يزبط الموضوع ولا بيختفي ولا يروح لحد ويفشلتنا