Всем Поста приятного
Если против кого чем согрешил прошу прощения. Всех кто в чем-то мне виновен прощаю.
Всем Поста приятного
И немного о неприятном посте.
Услы́шите сло́во Госпо́дне, кня́зи Содо́мстіи; внемли́те зако́ну Бо́жію, лю́діе Гомо́ррстіи! Что́ ми́ мно́жество же́ртвъ ва́шихъ? - глаго́летъ Госпо́дь. - Испо́лненъ е́смь всесожже́ній о́внихъ; и ту́ка а́гнцовъ и кро́ве юнцо́въ и козло́въ не хощу́. Ниже́ приходи́те яви́тися Ми́, кто́ бо изыска́ сія́ изъ ру́къ ва́шихъ? Ходи́ти по двору́ Моему́ не приложите́. И а́ще принесе́те Ми́ семида́лъ, всу́е; кади́ло - ме́рзость Ми́ е́сть. Новомѣ́сячій ва́шихъ, и суббо́тъ, и дне́ вели́каго не потерплю́. Поста́, и пра́здности, и новомѣ́сячій ва́шихъ, и пра́здниковъ ва́шихъ ненави́дитъ душа́ Моя́. Бы́сте Ми́ въ сы́тость, ктому́ не стерплю́ грѣхо́въ ва́шихъ. Егда́ простре́те ру́ки (ва́ша) ко Мнѣ́, отвращу́ о́чи Мои́ отъ ва́съ; и а́ще умно́жите моле́ніе, не услы́шу ва́съ: ру́ки бо ва́ша испо́лнены кро́ве. Измы́йтеся (и) чи́сти бу́дите, отыми́те лука́вства отъ душъ ва́шихъ предъ очи́ма Мои́ма, преста́ните отъ лука́вствъ ва́шихъ. Научи́теся добро́ твори́ти, взыщи́те суда́, изба́вите оби́димаго, суди́те си́ру и оправди́те вдови́цу. И пріиди́те и истя́жимся, - глаго́летъ Госпо́дь, - и а́ще бу́дутъ грѣси́ ва́ши, я́ко багря́ное, я́ко снѣ́гъ убѣлю́; а́ще же бу́дутъ, я́ко червле́ное, я́ко во́лну, убѣлю́. И а́ще хо́щете и послу́шаете Мене́, блага́я земли́ снѣ́сте. Аще же не хо́щете, ниже́ послу́шаете Мене́, ме́чь вы́ поя́стъ, - уста́ бо Госпо́дня глаго́лаша сія́.