(no subject)
Ӱарня тылзын кумлымшо кечынже Марий кугыжаныш университетын студентше-влак йылмым, сылнымутым да эртыкым шымлыше марий институтын пашаеҥже Людмила Яковлевна Григорьева ден вашлийын мутланеныт. Тиде институтышто Марий Элысе документ-влакым руш гыч марий йылмыш официальнын кусарат. Кызыт тиде пашам Людмила Яковлевна шукта, садлан кőра кусарыме пашан кӱлешлыкше, ойыртемже нерген шуко оҥайым да пайдалым каласкален.
Тиде вашлиймаште студент-влакат шкеныштым тӱҥалше кусарыше семын терген кертыныт. Нуно икмыняр руш организаций вывескым марлаҥден онченыт. Студент-влакын марлаҥдыме предложенийышт кусарышылан пеш келшен. Студент-влакын шуко йодышышт лектын, молан манаш гын марла вывескылаште шуко йоҥылыш вашлиялтеш, да тиде марий-влакым моткоч тургыжландара.
Вашлиймаш годым тыгай шонымаш шочын: мемнан блогна гоч оҥайын кусарыме але йоҥылыш возымо лӱмоҥа-влакым (вывеске-влакым) чумыраш да шымлен иктешлаш. Пагалыме лудшына-влак! Теат мемнан пашакына ушнен кертыда. Тыгай вывеске-влакым блогышкына войзен (фотом ыштен) колташ йодына.
Наталья Смирнова РМ-42
Тиде вашлиймаште студент-влакат шкеныштым тӱҥалше кусарыше семын терген кертыныт. Нуно икмыняр руш организаций вывескым марлаҥден онченыт. Студент-влакын марлаҥдыме предложенийышт кусарышылан пеш келшен. Студент-влакын шуко йодышышт лектын, молан манаш гын марла вывескылаште шуко йоҥылыш вашлиялтеш, да тиде марий-влакым моткоч тургыжландара.
Вашлиймаш годым тыгай шонымаш шочын: мемнан блогна гоч оҥайын кусарыме але йоҥылыш возымо лӱмоҥа-влакым (вывеске-влакым) чумыраш да шымлен иктешлаш. Пагалыме лудшына-влак! Теат мемнан пашакына ушнен кертыда. Тыгай вывеске-влакым блогышкына войзен (фотом ыштен) колташ йодына.
Наталья Смирнова РМ-42