Опса - ІIІ. У цэнтры.: faccetta

faccetta

Опса - ІIІ. У цэнтры.

Feb 12, 2017 21:18

Як і ў кожным "пажондным мястэчку", у цэнтры стаіць касьцёл.(Караценька пра яго гісторыю тут: http://catholic.by/2/belarus/dioceses/vitebsk/100947.html ) Зьлева ад яго - колішняя плябань, цяпер занятая нейкай дзяржаўнай установай...

1
Пакуль я рабіў гэты здымак, нейкая жанчына паказала мне на фортку і сказала, каб я не саромеўся, а спакойна туды праходзіў...

2
...Дык я й не саромеўся...

3
Пакуль я прагульваўся ўнутры агароджы, да мяне падыйшоў тутэйшы пробашч. Мы трошкі разгаварыліся, і ён запрапанаваў адчыніць касьцёл...

4
Заходзім...

5
Паколькі 50 гадоў будынак выкарыстоўваўся калгасам у гаспадарчых мэтах, амаль нічога старога там не захавалася...

6
...Ёсьць толькі гэткі абраз Сьвятое Сям'і...

7
...ды невядома дзе знойдзены папсаваны звон...

8
У вокнах характэрныя для тутэйшых касьцёлаў вітражы 90-ых гадоў мінулага стагодзьдзя...

10
Каля ўваходу вісяць дзьве шыльды. Адна з іх мне нічога не сказала, апроч таго , што на ёй напісана...

11
Другая ж мяне зацікавіла, бо прысьвечана Станіславу, сыну вядомага авантурніка ды інтрыгана Мікалая Мануццы, а па іншых зьвестках - пазашлюбнаму сыну Станіслава Аўгуста, якому Мануццы толькі надаў сваё імя, за што атрымаў разам с цяжарнай жонкай і тутэйшае староства. Тым, хто разумее па-польску, раю пачытаць пра Мануццы-старэйшага вось тут: http://www.ipsb.nina.gov.pl/a/biografia/mikolaj-manuzzi За сваё жыцьцё Мікалай Мануццы пасьпеў узбаламуціць палову Эўропы ад Мадрыду да Санкт-Пецярбургу, і дацца ў знакі амаль усім, з кім сустракаўся, ад Казановы да суседзяў з Браслаўскага павету.
Станіслаў жа Мануццы жыў у шлюбе з Канстанцыяй Плятэр і памёр, не пакінуўшы нашчадкаў. Гэткім чынам, Опса й перайшла ў валоданьне да Плятэраў...