miss this place
السلآم عليكم ^-^ ..
صدق منزمان عن هالمكان ، ولو أني اممم مب من النوع اللي يحب يكتب يومياته وايد ،،
بس محتاجه اكتب يومياتي وأطلع كل اللي بخآطري =) ..
بديت قبل اكتب فالآيبآد مآلي بس كل حد يستخدمه ومارتحت ><" فهذا افضل مكان أكتب فيه اللي بخآطري ..
فالبدايه معرف كيف ابدا ومن وين أبدا .. أشياء كثيره ابا اتكلم عنها ! ..
أحس اليوم نفسيتي اممم مشتآقه ، مشتآقه للأيآم اللي طآفت لحظات عشتها فحياتي أتمنى تتكرر بس صعبه ..
< يمكن أكبر عامل اني اسمع اغنية كورية حزينه الحين هههه
أشتقت لأيآم الأبتدائيه ، ايام العب فيها واطلع واسوي اللي ابيه وانا مرتااحه ومحد ينازعني ،،
أشتقت لألعابنا كل يوم العصر ننتظر اذان العصر على أحر من الجمر عشان أطلع وألعب فالحارة مع جيراني ..
أشتقت لجيرآننآ !! والله انه الحآآره بدونهم ابد مب حلووة ><
أشتقت لفترة من الفترات اللي كانت فيها مكسات من أحلى مايكون ..
أشتقت لبنآت ياما وياما رسموا الابتسامه على وجهي كل ما اشوف اسمهم بس ..
وأغلبهم ماعاد أشوفهم بسبب الدراسة ، مقدر اقول غير الله يوفقهم يارب ..
وأقولهم أشتقت لكم أشتقت لكم أشتقت لكم كثييييييير <3
أشتقت لمحآدثات ومقالب وجمعة بنات والسوآلف الحلوة ..
أشتقت لغرفتي القبلية يوم كنت وحدي ومحد يشاركني فيها @.@
اشتقت لطلعات وسفرات ورحلات عائليه حلوووة ، وأكيد ماتكمل الطلعات غير بوجودهم الله يحفظهم كلهم يارب
أشتقت لجلستنا اني واختي وبنات خالي فصور فوق السطح كل يوم بليل نقعد ونسوولف ونطلع كل الهموم ^^
أشتقت لبريطانيا ! للأسف حلمي ماتحقق بس ماني ندمانه على دخولي هالكلية
..
كل يوم تنطوي صفحه من حياتي وكل يوم يميزه شي وأشتاق له ..
فالنهاية يبقى الماضي ذكرى حلوة محفورة بقلبي ما بنساها ابد
أعيش اليوم بيومه ، وأنتظر وش يخبي لي المستقبل ..
عسآهآ ايام تتكرر وعسآهآ أحلام تتحقق ..