Спас Нерукотворный. Музей имени Андрея Рублева
Тропарь Нерукотворному Образу Господа нашего Иисуса Христа, глас 2:Пречистому образу Твоему покланяемся Благий, /просящее прощения прегрешений наших Христе Боже:/ волею бо благоволил еси плотию взыти на Крест,/ да избавиши, яже создал еси, от работы вражия./ Тем благодарственно вопием Ти:/ радости исполнил еси вся Спасе наш,// пришедый спасти мир.
Кондак Нерукотворному Образу Господа нашего Иисуса Христа, глас 2:
Неизреченнаго и Божественнаго Твоего к человеком смотрения,/ неописанное Слово Отчее,/ и образ неписанный,/ и богописанный победителен,/ ведуще неложнаго Твоего воплощения,// почитаем, того лобызающе.
Величание Нерукотворному Образу Господа нашего Иисуса Христа:
Величаем Тя,/ Живодавче Христе,/ и почитаем вси Пречистаго Лика Твоего// преславное воображение.
Молитва Нерукотворному Образу Господа нашего Иисуса Христа:
О Преблагий Господи Иисусе Христе, Боже наш! Ты древле человеческаго естества Твоего лице пресвятою водою омыв и убрусом отер, чудесне оное на том же убрусе изобразити и Едесскому князю Авгарю во исцеление недуга его послати благоволил еси. Се и мы ныне, грешнии раби Твои, душевными и телесными недуги нашими одержимии, лица Твоего, Господи, ищем и с Давидом во смирении душ наших зовем: не отврати лица Твоего от нас, и уклонися гневом от рабов Твоих, Помощник нам буди, не отрини нас и не остави нас. О Всемилостивый Господи, Спасителю наш! Вообрази Сам Себе в душах наших, да во святыне и правде жительствуеши, будем сынове Твои и наследницы Царствия Твоего, и тако Тебе, Премилостиваго Бога, нашего, купно со Безначальным Отцем Твоим и Пресвятым Духом, славити не престанем во веки веков.
Оригинал взят у expertmus в Спас Нерукотворный из Андроникова монастыря: расследование одной «сенсации»
Спас Нерукотворный.
Рубеж XIV-XV вв.
165 х 113.
КП 146.
Икона происходит из Тверской староообрядческой общины (Москва), откуда была взята в МИРА, а затем передана в Музей имени Андрея Рублева в 1965 г.
Сохранность: мелкие осыпи красочного слоя на стыке досок, а также следы множественных чинок. В левой части утрачены верхние разделки живописного слоя.
© Блог научного коллектива Музея имени Андрея Рублева.