Qua arboro?
Uldie recente me konstatis ke ye kelka disto avan la fenestri di mea palaco krulis konifero alta plu kam kin etaji di ancien domo. Me ne savas, ka pro vento, evo o segilo. Ta trista evento vekigis en me intereso pri koniferi, e balde me audis ke tala arbori povas propagesar per stekaji. Ipsa volante kreskigar konifero me iris a parko ed ibe sur brancho di arboro vidis mi-de-ruptita sproso, di arbor branchoz ne tro granda, sat tordita, kun redeta kortico ed oranjea beratra frukteti. Furtatre me par-de-ruptis la sproso e portis adheme. Tans pingla folii havis matida, nigre verda brilo, quaze koncernus artifical imituro. Simile li ank odoris, o ... Me flaris denove: To ne esis odoro, ne di konifero ma - di morto!