Тикшай - эрзянь кезэрень коесь
Эрьва раськенть улить эсензэ коензе. Саемга, татаронь - сабантуй, чуважонь - акатуй, рузонь - масленница. Эрзянь раськентькак кезэрень шкасто саезь ульнесть коензе, конатне ютавтневсть иень кодамояк шкастонть. Саемга. Тавуня - тельня, Бабань каша - кизна ды лият. Ламотнень ютавтома коест неень шкас самс стувтовсть. Ансяк кадовсть сынст лемест. Кой кува улить истят таркат, косо ванстовсть кезэрень койтнень ютавтома лувост. Саемга, Эрзянь Масторсо - Раськень озкс, Саратовань ёнксо - Балтай. А вана Оренбургонь ёнксо Кузла велесэ, (тесэ чачсь Россиянь шеназь артыцясь А. Алешкин) - Тикшай. Вишка эйкакшокс улемстэ мон неия(теде сермады куляньдеесь(журналистесь)- монь текшстесь!), кода сон ютавтневсь. Но колоньгемень иень ютазь монень стувтовсь ютавтома лувось. Ды ней вана сентябрясто, редакторонть мереманзо коряс, мон таго понгинь чачома велезэнь. Ды васенцекс мельсэм ульнесь, кевкстемс ломантнень, кода ютавтневсь те кезэрень эрзянь коесь.
Ютыть зярыя кемень иеть, ды сон стувтови. Эряви меремс, сон ютавтневсь Троицянь васенце чистэнть. Теде икеле од ломантне ледильть тикше ды сравтнилизь сонзэ кудо потмова. Весе кудотне ушо ендо мазылгавтневсть килеень тарадсо. Велень эрицятне артнесть саразонь алт ожо цецясо. Тейнильть прясуреть (каштазт). Синтрильть килеень тарадт. Сезнильть паксянь цецят ды молильть калмо лангс, косо сынь калмотнень лангс пезнавтнесть килеень тарадтнэнь, а крестнэнь лангс понгавтнесть прясуретнень (каштазтнэнь).
Те чистэнть зярыя тейтерь-ават валскень шкане сыргильть вирев. Тосо сынь теильть прясуреть (каштазт), конатнень путылизь прязост. Эряви меремс, сынст тейнесть килеень тарадсто. Вейке тейтеренть оршавтовкшнызь Тикшаекс. Сон ульнесь вельтязь прясто пильгс килеень тарадсо. Эрявсь истя сонзэ наряжамс,- чамазояк аволь неяво. Зярдо Тикшаесь ульнесь анок, тейтерь-аватне стякшность кирькска, а Тикшаенть аравтнилизь сонзэ куншкас ды киштезь-моразь сыргильть велев. Те шкане весе велесь (эйсэнзэ кавто порядкат) лисиль ведь ведра марто ды учильть Тикшаенть самонзо. Зярдо киштицятне-морыцятне, лиякс меремс, Тикшаень ванстыцятне совильть велес, весе бажильть валомс ведьсэ Тикшаенть ды варштамс, кие тосо наряжазь. Сонде ванстыцятне бажасть тень а нолдамс. Истя киштезь-моразь сынь молильть веленть кувалт. Мейле ялатеке ломантне штавтылизь Тикшаенть чаманзо. Ды озавтылизь ведьс. Прянзо лангс валыльть ведь ведра. Ведьсэ валнылизь сонзэ марто молицятненьгак. Теде мейле уставильть велень эрицятне вейке-вейкест валномо.
Тикшаесь ванстыцянзо марто молиль велень куншкантень, косо ульнесть киштемат-морамот. Сынст прядомадо мейле весе сыргильть кудова ды ойсильть столь экшка.
Вана кодамо мазый эрзянь кезэрень кой ютавтневсь Оренбургонь ёнксо Пономарень буесе Вере Кузла велесэнть 20-це пингень 80-це иетнестэ.
сермадовскось сезь "Эрзянь правда" кулялопастонть
Пек моли рузонь "Купало" коенть ланкс. Паро содамс - ней Тикшай коенть ютавтнить? Кие соды...
Ютыть зярыя кемень иеть, ды сон стувтови. Эряви меремс, сон ютавтневсь Троицянь васенце чистэнть. Теде икеле од ломантне ледильть тикше ды сравтнилизь сонзэ кудо потмова. Весе кудотне ушо ендо мазылгавтневсть килеень тарадсо. Велень эрицятне артнесть саразонь алт ожо цецясо. Тейнильть прясуреть (каштазт). Синтрильть килеень тарадт. Сезнильть паксянь цецят ды молильть калмо лангс, косо сынь калмотнень лангс пезнавтнесть килеень тарадтнэнь, а крестнэнь лангс понгавтнесть прясуретнень (каштазтнэнь).
Те чистэнть зярыя тейтерь-ават валскень шкане сыргильть вирев. Тосо сынь теильть прясуреть (каштазт), конатнень путылизь прязост. Эряви меремс, сынст тейнесть килеень тарадсто. Вейке тейтеренть оршавтовкшнызь Тикшаекс. Сон ульнесь вельтязь прясто пильгс килеень тарадсо. Эрявсь истя сонзэ наряжамс,- чамазояк аволь неяво. Зярдо Тикшаесь ульнесь анок, тейтерь-аватне стякшность кирькска, а Тикшаенть аравтнилизь сонзэ куншкас ды киштезь-моразь сыргильть велев. Те шкане весе велесь (эйсэнзэ кавто порядкат) лисиль ведь ведра марто ды учильть Тикшаенть самонзо. Зярдо киштицятне-морыцятне, лиякс меремс, Тикшаень ванстыцятне совильть велес, весе бажильть валомс ведьсэ Тикшаенть ды варштамс, кие тосо наряжазь. Сонде ванстыцятне бажасть тень а нолдамс. Истя киштезь-моразь сынь молильть веленть кувалт. Мейле ялатеке ломантне штавтылизь Тикшаенть чаманзо. Ды озавтылизь ведьс. Прянзо лангс валыльть ведь ведра. Ведьсэ валнылизь сонзэ марто молицятненьгак. Теде мейле уставильть велень эрицятне вейке-вейкест валномо.
Тикшаесь ванстыцянзо марто молиль велень куншкантень, косо ульнесть киштемат-морамот. Сынст прядомадо мейле весе сыргильть кудова ды ойсильть столь экшка.
Вана кодамо мазый эрзянь кезэрень кой ютавтневсь Оренбургонь ёнксо Пономарень буесе Вере Кузла велесэнть 20-це пингень 80-це иетнестэ.
сермадовскось сезь "Эрзянь правда" кулялопастонть
Пек моли рузонь "Купало" коенть ланкс. Паро содамс - ней Тикшай коенть ютавтнить? Кие соды...