Пошкырт вел гыч увер
Марий талешке кечым 26 апрельыште палемдышна. Пайремлан шуко мероприятий пӧлеклалтын. Теве Пошкырт кундем Мишкан районысо Чорай кыдалаш школышто "Шӱдыр шагат" модыш эртен.
Марий йылмым да литературым туныктышо Анжела Борисовна Ялаева 6-8 класслаште тунемше-влакым чумырен да мереприятийым тыгай почеламут корныла дене почын:
"Марий талешке кече шочшыж-влакым
Йыр чумыра да шарналташ ӱжеш.
Ӱжеш лияш куатле. Тӧрсыр лакым
Сеҥен эрташ пырля, товат, лиеш.
Кӱлеш лияш Акпатыр семын чулым
Да аралаш кугезе мландынам,
Саклаш лыҥ курым дене толшо тулым,
Шижаш акрет вож ден кылнам".
Модышышто шке мастарлыкыштым куд еҥ да нунын полышкылашышт ончыктеныт.
Чылаже вич тур лийын. Икымше ден кокымшышто вӱдышӧ посна талешке нерген каласкален, а модшо тудын лӱмжым каласышаш ыле.
"Эртыше жапым ончалаш гын, талешке-влак кажне курымышто лийыныт. Пеш чот ожно илышыжым ме калык ойпого гыч гына палена, а эртыше курымын талешкыже-влакым лӱм дене посна радамлен кертына. Теве - Сергей Чавайн, Сергей Суворов, Иван Ключников-Палантай, Василий Мосолов да тулеч молат. Чынже дене талешке - тиде сарыште кредалше гына огыл, тыгак ме талешкылан тыгай еҥым шотлена, кӧ пашашаж дене ойыртемалтеш, тӱняште посна кышам кода», - палемдыш туныктышо Анжела Борисовна.
Правил почеш, кумшо турыш вич участник куснен. Тыште марий йӱла дене кылдалтше йодыш-влак вученыт.
Ты шотышто А.Б. Ялаева ешарыш: "Марий калык ожно тале сонарзе лийын. Пӱртӱс лоҥгаште илымыжлан кӧра янлык, кушкыл тӱням сайын пален да умылен. Пӧрьеҥ эргыжымат изинек сонар паша дене палдарен, пеленже чодырашке коштыктен, пӱртӱс деке чакамден. Ойлат, пуйто ача эргыжлан кажне гана, кочкаш шичме деч ончыч, пикш ден умдым пуэн, палемдыме верыш лӱяш кӱштен. От логал - кочкыш деч посна кодат. Садланак марий рвезе-влак тура пикшызе лийыныт".
Визым тур марте кок тунемше миен шуын. Нуно ик минутышто марий талешке-влакын лӱмыштым посна кагазыш возеныт. Кажныже чолгалыкым, сай уш-акылым ончыктен, но таҥасымаште эре сеҥыше лийшаш - икымше верыш 8-ше классыште тунемше Валентин Шамиев лектын. "Чолга шӱдыр" лӱмым сулышо мучашлан палемдыш: «Марий калыкна талешкыже-влакым эре шарнаш да пагалаш тӱҥалеш. Меат, самырык тукым, лӱмыштым шӱмыштына аралена, да илышыште нунын гаяк лӱддымӧ да тале айдеме лияш тыршена».
А туныктышо иктешлен: "Кажне марий еҥ марий улмыжым шижшаш, кажне марий еҥ тӱвыранам, историйнам палышаш да тыгак йымыжан, моторын марла ойлен колтышаш".
Марий йылмым да литературым туныктышо Анжела Борисовна Ялаева 6-8 класслаште тунемше-влакым чумырен да мереприятийым тыгай почеламут корныла дене почын:
"Марий талешке кече шочшыж-влакым
Йыр чумыра да шарналташ ӱжеш.
Ӱжеш лияш куатле. Тӧрсыр лакым
Сеҥен эрташ пырля, товат, лиеш.
Кӱлеш лияш Акпатыр семын чулым
Да аралаш кугезе мландынам,
Саклаш лыҥ курым дене толшо тулым,
Шижаш акрет вож ден кылнам".
Модышышто шке мастарлыкыштым куд еҥ да нунын полышкылашышт ончыктеныт.
Чылаже вич тур лийын. Икымше ден кокымшышто вӱдышӧ посна талешке нерген каласкален, а модшо тудын лӱмжым каласышаш ыле.
"Эртыше жапым ончалаш гын, талешке-влак кажне курымышто лийыныт. Пеш чот ожно илышыжым ме калык ойпого гыч гына палена, а эртыше курымын талешкыже-влакым лӱм дене посна радамлен кертына. Теве - Сергей Чавайн, Сергей Суворов, Иван Ключников-Палантай, Василий Мосолов да тулеч молат. Чынже дене талешке - тиде сарыште кредалше гына огыл, тыгак ме талешкылан тыгай еҥым шотлена, кӧ пашашаж дене ойыртемалтеш, тӱняште посна кышам кода», - палемдыш туныктышо Анжела Борисовна.
Правил почеш, кумшо турыш вич участник куснен. Тыште марий йӱла дене кылдалтше йодыш-влак вученыт.
Ты шотышто А.Б. Ялаева ешарыш: "Марий калык ожно тале сонарзе лийын. Пӱртӱс лоҥгаште илымыжлан кӧра янлык, кушкыл тӱням сайын пален да умылен. Пӧрьеҥ эргыжымат изинек сонар паша дене палдарен, пеленже чодырашке коштыктен, пӱртӱс деке чакамден. Ойлат, пуйто ача эргыжлан кажне гана, кочкаш шичме деч ончыч, пикш ден умдым пуэн, палемдыме верыш лӱяш кӱштен. От логал - кочкыш деч посна кодат. Садланак марий рвезе-влак тура пикшызе лийыныт".
Визым тур марте кок тунемше миен шуын. Нуно ик минутышто марий талешке-влакын лӱмыштым посна кагазыш возеныт. Кажныже чолгалыкым, сай уш-акылым ончыктен, но таҥасымаште эре сеҥыше лийшаш - икымше верыш 8-ше классыште тунемше Валентин Шамиев лектын. "Чолга шӱдыр" лӱмым сулышо мучашлан палемдыш: «Марий калыкна талешкыже-влакым эре шарнаш да пагалаш тӱҥалеш. Меат, самырык тукым, лӱмыштым шӱмыштына аралена, да илышыште нунын гаяк лӱддымӧ да тале айдеме лияш тыршена».
А туныктышо иктешлен: "Кажне марий еҥ марий улмыжым шижшаш, кажне марий еҥ тӱвыранам, историйнам палышаш да тыгак йымыжан, моторын марла ойлен колтышаш".