Туве Янссон. Изи тролль-влак да кугу вӱд ташлымаш / Tove Jansson. Muumit ja suuri tuhotulva
Оригинал взят у finnblogger в Туве Янссон. Изи тролль-влак да кугу вӱд ташлымаш / Tove Jansson. Muumit ja suuri tuhotulva
Тиде, очыни, сорла тылзе мучаште кечывал деч вара лийын. Муми-тролль ден аваже пич чодыран эн пычкемыш чашкерышкыже миен лектыныт. Пушеҥге коклаште шып, тымык да пычкемыш лийын, сандене кас шумо гай чучын. Тыштат-туштат шке волгыдышт дене лампе семын волгалтарыше кугу пеледыш-влак кушкыт. А чашкер кöргыштö ала-могай ошалге-ужар тамга-влак тарванылыныт.
- Тулшукш-влак, - каласыш Муми-тролльын аваже.
Но жап укелан кӧра нуно "изи тул-влакым" сайынрак ончалаш ышт шогал.
Такше Муми-тролль ден аваже чодыра коклаште шокшо да сай верым кычал коштыныт. Нуно теле шумешке пöртым чоҥаш да тушко илаш пурен шукташ шоненыт. Муми-тролль-влак йӧршынат йÿштым огыт чыте, садлан нунылан шыжа тылзе мартеак пӧртым ямдылен шуктыман.
Тыге нуно торашке да торашке, пычкемыш, шып чодырашке кӧргышкырак да кӧргышкырак пуреныт. Муми-тролльлан эркын лӱдыкшын чучаш тӱҥалын. Тудо аваж дечын ир янлык-влак тыште улыт мо манын, шыпак йодын.
- Уке дыр… Но писынрак каена гын, сайрак лиеш ыле, - манын аваже. - Адакшым ме тыгай изи улына, иктаж-могай лӱдыкшӧ годым мемнам, очыни, огытат уж.
Кенета Муми-тролль аважын кидшым руалтен кучыш. Лӱдмыж дене почшат тояла шогале.
- Ончал… - тудо шып пелештыш.
Пушеҥге шенгелне ÿмылкаште, шинчам кораҥдыде, нуным ала-кö ончен шинчен.
Мучашыже лиеш...
Финн текстым тыште лудын кертыда: http://www.wsoy.fi/sample-pages/9789510400104_lukun.pdf
Тиде, очыни, сорла тылзе мучаште кечывал деч вара лийын. Муми-тролль ден аваже пич чодыран эн пычкемыш чашкерышкыже миен лектыныт. Пушеҥге коклаште шып, тымык да пычкемыш лийын, сандене кас шумо гай чучын. Тыштат-туштат шке волгыдышт дене лампе семын волгалтарыше кугу пеледыш-влак кушкыт. А чашкер кöргыштö ала-могай ошалге-ужар тамга-влак тарванылыныт.
- Тулшукш-влак, - каласыш Муми-тролльын аваже.
Но жап укелан кӧра нуно "изи тул-влакым" сайынрак ончалаш ышт шогал.
Такше Муми-тролль ден аваже чодыра коклаште шокшо да сай верым кычал коштыныт. Нуно теле шумешке пöртым чоҥаш да тушко илаш пурен шукташ шоненыт. Муми-тролль-влак йӧршынат йÿштым огыт чыте, садлан нунылан шыжа тылзе мартеак пӧртым ямдылен шуктыман.
Тыге нуно торашке да торашке, пычкемыш, шып чодырашке кӧргышкырак да кӧргышкырак пуреныт. Муми-тролльлан эркын лӱдыкшын чучаш тӱҥалын. Тудо аваж дечын ир янлык-влак тыште улыт мо манын, шыпак йодын.
- Уке дыр… Но писынрак каена гын, сайрак лиеш ыле, - манын аваже. - Адакшым ме тыгай изи улына, иктаж-могай лӱдыкшӧ годым мемнам, очыни, огытат уж.
Кенета Муми-тролль аважын кидшым руалтен кучыш. Лӱдмыж дене почшат тояла шогале.
- Ончал… - тудо шып пелештыш.
Пушеҥге шенгелне ÿмылкаште, шинчам кораҥдыде, нуным ала-кö ончен шинчен.
Мучашыже лиеш...
Финн текстым тыште лудын кертыда: http://www.wsoy.fi/sample-pages/9789510400104_lukun.pdf