Сьнег
Ох, як прыемна зараз на вуліцы!!!Вялікі дзякуй персанальна ад мяне таму, хто прыдумаў сьнег як феномен. Ён за некалькі гадзін можа перавярнуць навакольле, ён хавае ўсё бруднае і робіць усё белым. Вы толькі паглядзіце на гэтыя дрэвы - галіны нібыта ў золаце, важныя, прыгажуны і прыгажуні. Рэфлекторна дастаеш фоцік, каб на памяць пакінуць сабе гэтую файнасьць. А што зараз адбываецца ў лесе...А як сьнег хрумсьціць пад ботамі! Няма падобных гукаў на зямлі. І адразу ўспамінаецца дзяцінства, вёска, конік і сані. І адразу становіцца цёпла і нават горача ўнутры, там якраз, дзе, як лічаць некаторыя, знаходзіцца нематэрыяльная душа.Халодная зіма сагравае...А сьнег прымушае задумацца над вартасьцю неаптымістычных думак.