СПБ vs "Наша Ніва"

[dzenik_kravina]

 "Як толькі быў утвораны Саюз пісьменнікаў Беларусі, русафобы ды іншыя радыкальныя культураасветнікі, супрацоўнікі розных замежных радыёхваляў пачалі шальмаванне ідэі і праграм створанага саюза, асабліва накінуліся на старшыню М.Чаргінца, грэбліва так заўсёды называючы “гэнерал”, “сенатар”, “пагромшчык беларускай літаратуры”. Мы чакалі, што гэты

Comments

[alex_poetry]

На пана Міхася наехалі дарма - ужо за складанне "Галасоў з-за небакраю" і "Красы і сілы" яму можна помнік ставіць.

Сёння па праграме нават Я.Купалу і Я.Коласа вывучаюць меньш за У.Караткевіча. А ці правільна гэта?
Правільна.

таленавітых паэтаў... Т.Гусачэнкі, Р.Сакалоўскага, Т.Лейкі
Ось, халера, хто ўсе гэтыя людзі?!

Хаця агульная думка правільная - пакрысе трэба мяняцца. Толькі вектар не ў той бок накіраваны.

[vitaly68]

>> Сёння па праграме нават Я.Купалу і Я.Коласа вывучаюць меньш за У.Караткевіча. А ці правільна гэта?
Правільна.
Чаму ты лічыш, што гэта правільна?

>> таленавітых паэтаў... Т.Гусачэнкі, Р.Сакалоўскага, Т.Лейкі
Ось, халера, хто ўсе гэтыя людзі?!
Вось і беларускія школьнікі іх таксама ня ведаюць)

[dzenik_kravina]

там хапае звышталенавітых паэтаў, праўда, толькі на паперцы.

[alex_poetry]

Чаму лічу правільным? Усё даволі проста. Мне асабіста здаецца, што школьная праграма па літаратуры мусіць быць храналагічна больш-менш блізкай да сучаснасці. Канечне, класікаў вывучаць трэба, першыя гады літаратурнай адукацыі без класікі немагчымыя. Але ж калі не ісці далей, спачатку у 60-70-ыя гады (Караткевіч, Барадулін), далей у 80-90-ыя (Шніп, Сыс, Арлоў) і ў наш час, то ў школьнікаў будзе толькі замацоўвацца стэрэатып, што беларуская літаратура - гэта нешта такое пра вайну і вёску, што нічога цікавага і сучаснага ў ёй няма і г.д. Таму трэба крыху мяняць шкалу часу. Без гвалту, натуральна.

[dzenik_kravina]

Проста трэба болей часу даваць на вывучэньне беларускай літаратуры. Тады можна паспець пазнаёміцца з усімі творцамі ў роўным маштабе.

[alex_poetry]

Асабіста я быў бы толькі за. Але ж я нічога не вырашаю.

[dzenik_kravina]

вось і я, і людзі маіх думак нічога не вырашаюць. А "чаргінцы" вырашаюць(

[alex_poetry]

Чаргінцы - прыстасаванцы. Калі Лукашэнка пачне ліберальнічаць, каб наладзіць стасункі з Еўропай, генерал першым стане ў шэрагі прыхільнікаў Еўрасаюзу разам са сваімі калегамі. Калі раптам Лукашэнка захоча праз Мінадукацыі павялічыць колькасць гадзін па беларускай літаратуры ў школах, "чаргінцы" выгукнуць "ура". Калі б усё залежала толькі ад такіх людзей, было бы прасцей, я думаю.

[dzenik_kravina]

"як ёсьць, так ёсьць", на жаль

[vitaly68]

Вы так добра ведаеце таварыша Чаргінца?

[alex_poetry]

На вялікі жаль, магу меркаваць толькі па яго выказваннях у СМІ. Таму магу памыляцца.

[vitaly68]

Шануючы ўсіх пазначаных вышэй аўтараў, хачу ўсё-ж запытацца: што-ж такога сучаснага знойдуць беларускія школьнікі ў творах Караткевіча, Барадуліна, Шніпа, Сыса, Арлова?

[alex_poetry]

Пра "знойдуць сучаснага" я і не казаў, у Арлова, напрыклад, асноўны жанр творчасці - гістарычная проза, часам з пэўным адсоткам фэнтэзі. Але ж у дадзеным выпадку храналагічнае набліжэнне да сучаснасці - гэта яшчэ і піяр-ход, патрэбны для паказу навучэнцам працэсаў развіцця айчыннай літаратуры. Важна, каб яны дакладна ўсведамлялі, што беларуская літаратура не спынілася на паваеннай і пасляваеннай прозе, што развіваюцца традыцыі гістарычнага апавядання, гарадской лірыкі і г.д.

[dzenik_kravina]

На жаль, уся вартая сучасная літаратура знаходзіцца ў апазіцыі да ўлады, таму яна ніколі не з'явіцца ў кніжках...пакуль краінай правіць гэтая ўлада

[dzenik_kravina]

Гэта СПБ трэба змяняцца, імха. Чаргінец - галоўны "вычварэнец" сучаснага культурнага жыцьця Беларусі.

[alex_poetry]

І СПБ таксама трэ'. Рух мусіць быць двухбаковым. Нічога кепскага ў існаванні праўладнага СП няма. А вось тое, што частка ягоных чальцоў займае адкрытую антыбеларускую пазіцыю - гэта, вядома ж, блага.