Часам
Часам адчуваеш час,
Бягучы па тваіх венах,
Міжволі крывёю на сьценах
Малюеш аскелкі ягоных фраз.
Цябе правяраюць на годнасьць,
Напрамак твайго руху
Мяжуецца скрыўленым кругам,
Надвор’ем, небам і модай.
Твае спарахнелыя крылы
Схаваны пад покрывам зораў,
Чакаюць вачыма анёлаў
Патрэбнай і вартай ў табе сілы.
Часам становяцца яснымі
Твой сэнс і тваё прызначэньне,
Між іншым, між іншымі ценямі
Знаходзяцца рэчы прыўкрасныя.
І час, што бяжыць няўмольна
Ракой па тваіх венах,
Рыхтуе новыя ролі…
Ўсё зьменна.