Акафист о.Даниилу Сысоеву на церковнославянском
[заметка на время прикреплена]
Перевод с русского, который в свою очередь сделан с румынского (см. "Заметки по теме")
Кондак 1
Христу истинный последователю, святый священномучениче Данииле, слово Его распространяя во вси народы, просвещал еси всех чистотой учения Христова, щедро одаривая им, сего ради удостоился мученической кончины, юже восхвалял еси, и ныне за труды свои, от Бога удостоивыйся райскаго упокоения, не престаеши молитися за ны, поющих ти:
Радуйся, священномучениче Данииле, Церкве Православныя новое украшение!
Икос 1
Яко на земли Евангелие Христово выну проповедуя, благодатию священства окриленный, отче Данииле, не убоявыйся иже плоть убити можаху, даже до смерти Христа исповедуя, молися за ны, прославляющи тя и поющих:
Радуйся, от Бога златоусте,
Радуйся, неустанный проповедниче,
Радуйся, паче всех Христа возлюбивый;
Радуйся, яко людие любяй и ко Христу тех приводивый;
Радуйся, супротив заблуждений труждающийся;
Радуйся, на Бога надежду возложивший;
Радуйся, дела врагов Православия разрушивший;
Радуйся, подобно апостолу Фоме рабом Христа соделавшийся;
Радуйся, яко пророк Даниил Бога исповедующий;
Радуйся, в Церковь Христа множество людей приведший;
Радуйся, во Христе радость обретший;
Радуйся, за Него жизнь свою принесший;
Радуйся, священномучениче Данииле, Церкве Православныя новое украшение!
P.S. Автор перевода orthis
ВНИМАНИЕ: в течении, как минимум, месяца, акафист будет проходить стадию утряски - черновика. Если будут введены серьезные изменения, это будет отображено в истории изменения в самой заметке, или в комментариях, если не вместятся.
Кондак 2
Издетска к Богу устремился еси и опричь слов Его ничесоже искавый, послушая прежде всего Писание и выну желая служити Христу. Дар священства, иже ты возжелел еси всем сердцем своим, дарова ти Христос, добрым пастырем стаду своему показался еси, за Него же жизнь свою положил еси, прославляя Бога: Аллилуиа.
Икос 2
Ум свой сохраняя, святый отче Данииле, от юности неврежден от скверн заблуждений безбожных богоборцев, и посреди людей служение выну совершая, слово Божие проповедал и помогал еси всем, на стогнах, в школах и церквях, желая спасения братии твоей. Сего ради, тии, ихже привел и обратил еси ко Христу, ныне воспевают ти:
Радуйся, радость во Христе обретший;
Радуйся, свет Его под спудом не утаивший;
Радуйся, истинным гражданином неба соделавшийся;
Радуйся, по земли от края до края проповедующий;
Радуйся, ко Христу детей зовущий;
Радуйся, посреди людей непрестанно трудивыйся;
Радуйся, подобно Спасителю грешных не отвративыйся;
Радуйся, яко любовь твоя к людям, плодами добрыми в них проросла;
Радуйся, пред лицем Божиим выну ходивший;
Радуйся, яко путь твой Бог ти указал;
Радуйся, с пути сего не отклонивыйся;
Радуйся, за свою любовь, Его благодать получивший;
Радуйся, священномучениче Данииле, Церкве Православныя новое украшение!
Кондак 3
Святому Василию Великому последуя, уразумел еси ты, священномучениче Данииле, яко истинное знание есть смертная память, и сим знанием вооружен, искал еси добрый свой удел в лике Христа, и детей научая, яко младость не есть забвение смерти и Суда Божиего, непрестанно воспевал еси: Аллилуиа.
Икос 3
Добрым учителем был еси, святый, детям и всем лишенным слова Божиего, с любовию проповедуя Евангелие Христа, словом и писаниями, помогал еси людям из всех ересей и расколов возвратитися ко Единой, Святой, Соборной и Апостольской Церкви, сего ради, благодаря Бога, священномучениче Данииле, христиане поют ти,:
Радуйся, добрый пастырю;
Радуйся, любвеобильный учителю;
Радуйся, Истины проповедниче ;
Радуйся, во Христе людей собиравший;
Радуйся, против ересей борющийся;
Радуйся, заблудших в Церковь возвративший;
Радуйся, лживые мудрования разрушивший;
Радуйся, сокровище на небесах собравший;
Радуйся, за Христом последовавший;
Радуйся, в сладчайшей любви Христовой пребывавший;
Радуйся, для людей истинное дарование;
Радуйся, духовнаго неутомимый искателю;
Радуйся, священномучениче Данииле, Церкве Православныя новое украшение!
Кондак 4
Уразумевши, святый отче, яко Церковь Христова, прирастает проповедию посреде языков, любовию и живым словом, Богом вдохновенным, проповедовал еси посреди непросвещенных Истиною, многих приводя к жизни новой через баню крещения. Мы же вкупе с тобою просвещенными, поим Богови: Аллилуиа.
Икос 4
Злому учению лжепророка Мухаммеда противодействовал еси непрестанно, святый отче, языческой ереси буддистов, и выводил еси уловленных в диавольския сети оккультизма, любя братию свою и желая, да бы к истинному познанию Христа вси пришли. Темже от всех концев ныне возносится ти пение:
Радуйся, многим народам проповедующий;
Радуйся, Евангелие Христа распространяющий;
Радуйся, татаром на их родном языке служащий;
Радуйся, многия из киргизов ко Христу обративший;
Радуйся, в Центральной Азии слово Божие несущий;
Радуйся, людям Кавказа любовию обратившийся;
Радуйся, фанатиков ваххабистов ко Христу привлекший;
Радуйся, муфтиев препревший и победивший;
Радуйся, Африке своим даром послуживший;
Радуйся, и Таиланду рвение свое проявивший;
Радуйся, многих от поклонения сатанинскаго спасший;
Радуйся, многих от неверия ко крещению приведший;
Радуйся, священномучениче Данииле, Церкве Православныя новое украшение!
Кондак 5
Под сению любви Христовой, презревал еси болезни телесныя и страданиям не преклонивыйся, святый отче Данииле, выну священнодействовал с любовию, всех соединяя со Спасителем, Коего выну в душе нося, воспевал еси: Аллилуиа.
Икос 5
Любовию духовной движимый, святый отче Даннииле, воздвиг еси в стольном граде Москве храм святому апостолу Фоме, и тамо не токмо литургии, обаче и наставление истинам православной веры совершал еси и о раздавленных от несчастий и духовных страданий возимел еси заботу, направляя их ко Христу, Иже во всякой нужде утешение подает и обремененных упокоевает, мы же поем ти:
Радуйся, святому апостолу Фоме храм воздвигший;
Радуйся, святому пророку Даниилу собор воздигнути замысливший;
Радуйся, московским людом любимый;
Радуйся, посреде него выну пребывавый;
Радуйся, заблудшим верное вспоможение;
Радуйся, бедным помогающий;
Радуйся, о своей семье добре пекийся;
Радуйся, детей своих во христианском благочестии возрастивший;
Радуйся, людям Святое Писание изъясняющий;
Радуйся, колдунью к покаянию приведший;
Радуйся, молодой буддистке Христа показавший;
Радуйся, всех любовию обнимающий;
Радуйся, священномучениче Данииле, Церкве Православныя новое украшение!
Кондак 6
Во времена смутныя учений лживых, внегда в Церковь Православную заблуждения и повреждения святых догматов проникнути стремятся, ты, святый отче Данииле, сему твердо противостал еси, и благодатию Божией осеняемый, просвещал еси и, отгоняя нечестие от сердец многих, Христа истиннаго проповедовал еси, воспевая Ему: Алллилуиа.
Икос 6
Не вредился еси, святый отче, заблуждениями потрясающими Церковь, и с непоколебимой верою в евангельскую истину, тщетность их показал еси, не убоявшись никогоже, одному лишь Христу следовати желая, от лжепророков и хищных волков, защищал еси стадо свое, мы же поем ти:
Радуйся, пастырю верный и истинный;
Радуйся, на Бога надеющийся;
Радуйся, верно обман разпознавающий;
Радуйся, лжесмирения отвративыйся;
Радуйся, боязнь Конца Света постыдивший;
Радуйся, экуменическим заблуждениям не следовавший;
Радуйся, эволюцию яко хулу разоблачивший;
Радуйся, нумерологии отпор дающий;
Радуйся, частое причащение проповедующий;
Радуйся, в духе и истине Христу поклоняющийся;
Радуйся, христианское мужество показавший;
Радуйся, на истинный путь вдохновляющий;
Радуйся, священномучениче Данииле, Церкве Православныя новое украшение!
Кондак 7
В мире скобрни будете, но дерзайте, яко Аз победих мир, рече Христос Спаситель, и ты, священномучениче Данииле, сему слову последовав, не убоялся еси угроз, страданий, невзгод, и искушениям мужественно противостал еси, ища помощи Божией, Богородицы и святых, с радостию прославляя Бога: Аллилуиа.
Икос 7
Мужественно носил еси крест болезни и боли, святый, сторонясь, да не увидит кто страдания твоя, ища выну во Христе радость и силу, и с нападками невидимых врагов проводил еси непрестанную брань, ведая, яко человек не един, но с Богом, и токмо посредством Его благодати возможет их отражати; и с помощию Христа и молитвами Богородицы искушения победил еси, мы же поем ти:
Радуйся, на Христа надеющийся;
Радуйся, под покровом Богородицы укрывшийся;
Радуйся, истинным смирением искусителя обуздавший;
Радуйся, от креста страданий не отстранивыйся;
Радуйся, боль свою от иных утаивший;
Радуйся, мирскую суету ради Христа презревший;
Радуйся, чрез сие Божественный мир стяжавший;
Радуйся, пред угрозами убийц не отступивший;
Радуйся, яко лживым наветам не поддавшийся;
Радуйся, человеческую праздность в ревность превративший;
Радуйся, злобу и нападки без смущения терпящий;
Радуйся, вся невзгоды с радостию о Бозе прошедший;
Радуйся, священномучениче Данииле, Церкве Православныя новое украшение!
Кондак 8
От Бога чести мученической удостоитися быти, любовию Христовою движимь, открыто сретил еси убийцу, чая истиннаго дома и сокровища на небесех, ихже всю жизнь желал и искал еси непрестанно, до смертнаго часа славя Христа: Аллилуиа.
Икос 8
Бодрствующим и молящимся в алтаре храма бе, внегда явился еси твой убийца прервати жизнь твою земную, священномучениче Данииле, и ты, перейдя в жизнь вечную, среди повенчанных со Христом, не престаеши молитися в лике мучеников, прославляя Бога и призывая Его дары на людей, поющих ти:
Радуйся, ради Христа смерть приявший;
Радуйся, исповедник безстрашный;
Радуйся, от пуль убийцы не отстранившийся;
Радуйся, врага спасения победивший;
Радуйся, Христа до самоотречения любящий;
Радуйся, и чрез смерть Его исповедующий;
Радуйся, ныне в Церкви торжествующей Его прославляющий;
Радуйся, ныне воистину гражданином неба являющийся;
Радуйся, из рук Христа венец получивший;
Радуйся, через твою жертву Церковь укрепилася;
Радуйся, в безсмертном свете упокоивыйся;
Радуйся, посреде праведников, яко звезда сияющий;
Радуйся, священномучениче Данииле, Церкве Православныя новое украшение!
Кондак 9
Мученичество твое, священномучениче Данииле, подтверждено бысть палачами твоими, ибо сии засвидетельствали тебе врагом быти их лжеучения, и рекли, яко смерти предаде тя за ревность твою, с коею ты боролся супротив лжи сарацинской и проповедовал еси Христа без страха, воспевая Ему: Аллилуиа.
Икос 9
Человеколюбивый Бог, на тебе, священномучениче Данииле, яко пожерт ты быша, подобно Пожертому нас ради на Кресте, показа славу и честь на погребении твоем, яко живу ти сущу, ибо руце крест сжимали еста яко живы и кровь, яже на крест наперсный излияся, бе красна. Се бо радуяся новому защитнику на небесех, воспеваем ти:
Радуйся, истинным другом Божиим показавыйся;
Радуйся, в стократ от добраго семени плод принесший;
Радуйся, вечнаго блаженства достигший;
Радуйся, выну за людей до ныне молящийся;
Радуйся, поют ко Христу, тобою приведенные;
Радуйся, речет ти Александр чеченец;
Радуйся, поит ти женщина ся убити хотевшая;
Радуйся, рекут ти татары и киргизы православные;
Радуйся, преданный слуго Христовый;
Радуйся, свои таланты преумноживший;
Радуйся, слабых во Христе укрепивший;
Радуйся, будучи со Христом, сильных не убоявыйся;
Радуйся, священномучениче Данииле, Церкве Православныя новое украшение!
Кондак 10
Вси хотящие креститися, еще же вернутися ко Православной вере, чрез тебе, святый священномучениче Данииле, получают помощь, ибо своею жизнию святой и мученической кончиной обретши дерзость пред лицем Божиим, за проповедь Евангелия, сотворяеши о них Богоугодную молитву, воспевая: Аллилуиа.
Икос 10
Стала явной помощь твоя, священномучениче Данииле, ибо и по смерти привел еси к истинной вере, множество людей, чрез твое мученичество паки победив лживые учения язычников, атеистов и еретиков, тии же, яже с твоею помощию узнали Христа, благодарно поют ти:
Радуйся, в нужде сущим, друже любви исполненный;
Радуйся, православных миссионеров опора непоколебимая;
Радуйся, в заблуждении пребывающих кроткий исправителю;
Радуйся, диавольскаго отчаяния расточителю;
Радуйся, желающих узнать догмы Православия просветителю;
Радуйся, чрез твои книги люди просвещаются;
Радуйся, образом твоего мученичества слабые утверждаются;
Радуйся, по твоим молитвам вси помощь получают;
Радуйся, пред Богом скорый предстателю;
Радуйся, России крине благоуханный;
Радуйся, татарскаго народа славо;
Радуйся, Вселенския Церкви самоцвете;
Радуйся, священномучениче Данииле, Церкве Православныя новое украшение!
Кондак 11
Дивен Бог во святых Своих, чрез оных бо подает Он помощь человеческому роду во вся времена; тако же и чрез святаго мученика Даниила, показася милость Божия к нам, под бременем множества греха пребывающим, ибо рече Бог устами пророка: "не хощу смерти грешника, но еже обратитися нечестивому от пути своего и живу быти ему", темже, благодаря о даре сем, поим Богови: Аллилуиа.
Икос 11
Тебе соработая, Боже, святые Твои стяжавают обожение и являют миру безграничное богатство любви Твоей к человекам. Темже, получив Твою благодать, мучениче Данииле усердно священнодействал ею, Боже, Тебя даруя людям, и к Тебе их приводя; темже, прославляя Тя, поем освященному в Тебе:
Радуйся, православящий мучениче;
Радуйся, иереев украшение;
Радуйся, мудрый во Христе;
Радуйся, ибо ревность твоя не ожидала старости;
Радуйся, жизнь за Христа положивший;
Радуйся, в свете вечном поселившийся;
Радуйся, радостию о Бозе щедро делящийся;
Радуйся, яко тобою Православие укрепляется;
Радуйся, яко чрез тебя злыя учения разрушаются;
Радуйся, благодатию Божией победителю;
Радуйся, свет православной проповеди;
Радуйся, дара наполненнаго во Христе образе.
Радуйся, священномучениче Данииле, Церкве Православныя новое украшение!
Кондак 12
С Богом соединившись, человек приобретает силу победити всякую злобу диаволю, тако и ты, священномучениче, со смирением, обаче с дерзостью и смелостию, послужил еси сим даром Божиим, полностью разрушая козни противника спасения. Ныне же подвига твоего паче трепещут падшие ангелы, внегда на небесех поеши Пресвятой Троице: Аллилуиа.
Икос 12
Благословен был еси Богом, священномучениче Данииле, поработати, да бы привести к вере истинной истинно желающих сего, и потщитися ко очищению Церкви от вредоносных учений и тщетной суеты; и увенчав сие святое тружение мученическим венцем, вступил еси в жизнь вечную возле Христа; мы же с любовию поем ти:
Радуйся, с Тем, Иже мир победил, дерзавший;
Радуйся, со Христом вкупе работающий;
Радуйся, яко божественная любовь к людям тя освятила;
Радуйся, диавольских дел разрушителю;
Радуйся, христиан помощниче и исправителю;
Радуйся, злаго суждения и пустословия порицателю;
Радуйся, множеством людей Божий дом наполняющий;
Радуйся, чистый глас истиннаго богословия;
Радуйся, живущий посреди людей и со Христом соединивыйся;
Радуйся, воин Царствия Небеснаго, за Него жизнь отдавший;
Радуйся, пред Властелином всего, песни прославления возносящий;
Радуйся, дарующий нам радость и со Христом соединяющий;
Радуйся, священномучениче Данииле, Церкве Православныя новое украшение!
Кондак 13
О, святый священномучениче Данииле, ради спасения людей усердно потрудивыйся, и смерть за Христа мужественно приявший, услыши ныне сие наше моление малое, иже приносим ти, почитая мученичество твое и славя Бога, Иже укрепил еси тя, и принял еси в Свои небесные обители. Твоими горячими молитвами к Всесильному Богу, ходатайствуй за ны и испроси прощение грехов наших, помощь, да бы и мы могли победити искушения и, утвержденные и просвещенные, поработали ради спасения нашего и других, темже, внегда окончим наше земное странствование, удостоитися и нам вечной жизни во Христе с тобою, всеми святыми и ликом праведников, идеже возможем вечно прославляти Бога победною песнию: Аллилуиа.
--------------------------------------
30 янв. 2015г
"Записки мирянина"
dralexmd.livejournal.com
Рубрика:
Православные молитвы
Заметки по теме:
Акафист о.Даниилу Сысоеву на русском (перевод с румынского)
"Св.Серафим Саровский о канонизации. Канонизация о.Даниила Сысоева"
"Мы плохо, слабо, неумело, просим Господа Бога, чтобы Он прославил Своего угодника о.Даниила"
о.Даниил Сысоев. Когда уходят праведники, в душе рождается Пасха.
"Чудесные совпадения: как по молитвам к о.Даниилу я стал алтарничать. Акафист "Слава Богу за все"
доп.теги:
о.Даниил Сысоев
Православие
мученики