Съ праздникомъ, православные!
Днесь тварь веселиться, свобожаема отъ работы вражья, и адьская врата и верея потрясошася и бѣсовьскiя силы ужасошася. Днесь горы и холми точать сладость, удолья и поля плоды Богови приносять, горнiи въспѣвають и преисподняя рыдають, ангели дивяться, видящи на земьли Невидимаго на небесѣхъ и на жребяти сѣдяща Сущаго на престолѣ хѣрувимьстѣ, обиступаема народы Неприступнаго небеснымъ силамъ. Ныня младеньци радостно хвалимъ бываеть Егоже серафими въ вышнихъ страхомъ славять. Ныне путь съшествуеть въ Еросалимъ Измѣривый пядью небо и землю дланью, въ церковь входить Невъмѣстимый въ небеса.
Тѣмьже, братье, подобаеть намъ, яко Божиимъ сущимъ людемъ, възлюбившаго насъ Христа прославити. Придѣте, поклонимъся ему и припадемъ, яко блудница, мыслено Того пречистѣи лобызающе нозѣ; останемъ же ся, яко она, отъ злыхъ дѣлъ; излѣемъ, якоже мюро на главу Его, вѣру и любовь нашю; изыдемъ любовью, яко народи, въ срѣтенiе Ему и сломимъ гнѣводержанiе, яко и вѣтви; постелемъ Ему, яко и ризы, добрыя дѣтели; въскликнемъ молитвами и безлобьемъ, яко младеньци, предъидемъ милостынями къ нищимъ, вслѣдуемъ смиренiемъ, постомъ и бьдѣньемъ - и не погубимъ труда четырьдесятьдньвьняго поста, въ няже подвизахомъся, очищающеся отъ всякоя скверны, да въ нашь Иеросалимъ внидеть ныня Христосъ - нашего бо телесе ставленье Иеросалимъ речеться.
Тѣмьже, братье, подобаеть намъ, яко Божиимъ сущимъ людемъ, възлюбившаго насъ Христа прославити. Придѣте, поклонимъся ему и припадемъ, яко блудница, мыслено Того пречистѣи лобызающе нозѣ; останемъ же ся, яко она, отъ злыхъ дѣлъ; излѣемъ, якоже мюро на главу Его, вѣру и любовь нашю; изыдемъ любовью, яко народи, въ срѣтенiе Ему и сломимъ гнѣводержанiе, яко и вѣтви; постелемъ Ему, яко и ризы, добрыя дѣтели; въскликнемъ молитвами и безлобьемъ, яко младеньци, предъидемъ милостынями къ нищимъ, вслѣдуемъ смиренiемъ, постомъ и бьдѣньемъ - и не погубимъ труда четырьдесятьдньвьняго поста, въ няже подвизахомъся, очищающеся отъ всякоя скверны, да въ нашь Иеросалимъ внидеть ныня Христосъ - нашего бо телесе ставленье Иеросалимъ речеться.