Браславы - што паглядзець, акрамя саміх азёраў?

[dasha_lis]

Едзем у чацвер на пару дзён:) Маленькі адпачынак каля возера Дрывяты:))
Вось насамрэч - недалёка, а не былі ні разу. Што паглядзець? Касцёл у самім Браславе, а што яшчэ?

Comments

[zalgiris]

калі на машыне, то у Друю цікава падскочыць.

[dasha_lis]

на машыне, дзяк, паспрабуем

[zalgiris]

толькі гэта памежная зона, хаця мы спакойна ездзілі - ніхто нічо не пытаўся. але на ўсялякі праверце, ці трэба які аўсвайс спецыяльны. калі што, кажуць, можна казаць, што ў паставы едзем. на гары ў друі можна сфоткацца з сапраўдным пагранічным слупом.

[dasha_lis]

ок! па шчырасці, сёння ў мяне вялікае жаданне проста глядзець на ваду і неба - і на ўсё забіць:)))

[1tokyo]

Музей. В Браславе. Много чего интересного можно увидеть.

[dasha_lis]

1000 год не была ў музеях:)) дзяк

[annettika]

У Браславе знаходзіцца замкавая гара, старадаўні каменны касцёл і царква 19 стагоддзя. Непадалёк ад Браслава маюцца вальеры з дзікімі жывёламі. У раёне знаходзіцца шмат архітэктурных і гістарычных славутасцяў. Працуе гісторыка-краязнаўчы музей з багатай археалагічнай экспазіцыяй.

У вёсцы Мосар каля касцёла святой Ганны на некалькіх гектарах зямлі створана цудоўная паркавая кампазіцыя.

[dzienn]

*ну толькі ад Браславу да Мосару - паўдарогі да Менску ;)

[annettika]

ну, дык яны ж не на адзін дзень едуць... Гэта, калі цікава. Калі не - можна сядзець на адным месцы...

[dzienn]

на пару дзён едуць - малавата :)
хай потым у бок Глыбокага паедуць - пра тыя мясьціны раскажам :)

[dzienn]

Ну на Замкавую гару можна залезьці. на ёй нічога асаблівага - але віды добрыя.
і на Маяк, вядома. Маст сі :)

Іказнь непадалёку (па трасе на Мёры) - там касьцёльчык прывабны, цэркаўка па суседзтву.
Яшчэ крыху далей Пераброддзе - з цудоўным возерам, і проста мясьціны душэўныя.

[dasha_lis]

ок:)

[dzienn]

амаль да вяршыні Маяка вядзе дарога. на фінішы стаянка. да самой вяршыні неабавязкова караскацца па прыступках што зробленыя - можна абыйсьці зьлева, як раз да возера дыйсьці, - і падняцца адтуль проста па зямле.

[g_rub]

У Слабодцы вялікі касьцёл ёсьць. Калі на машыне, то можна яшчэ й проста па дарогах паездзіць, падзівіцца на краявіды, лясы-палі-горкі, буслоў.

Там усюды прыгожа.

[dasha_lis]

думаю, так і атрымаецца - паглядзець на буслоў-пагоркі ды паездзіць:) экспромт:))