(no subject)

[darkbluebk]

Pahina- Allan Popa

Iniibig kong mabuhay sa loob
Ng tulang mahal sa buhay
Upang takasan ang tunay na buhay

Ngunit maligalig ang espasyong
Naninikip sa katiyakan

Una kong itinapon palabas ang mga talinhaga 
Upang umalinas ang aking paghinga
Isa-isa silang naglahong parang bula
Mula sa aking mga kamay

Walang humpay akong nagbuhat
Araw-gabi, hanggang malubos
Ang mabibigat na salita liban sa akin

Doon ako mahimbing na namahinga
Sa lihim ng blankong pahina