Воздвижение Честного и Животворящего Креста Господня
С праздником!
Радуйся живоносный Кресте, благочестия непобедимая победа, дверь райская, верных утверждение, Церкве ограждение, имже тля разорися и упразднися, и попрася смертная держава, и вознесохомся от земли к небесным, oружие непобедимое, бесов сопротивоборче: слава мучеников, преподобных яко воистинну удобрение: пристанище спасения, даруяй миру велию милость.
Тропарь праздника
Спаси, Господи, люди Твоя и благослови достояние Твое, победы на сопротивныя даруя и Твое сохраняя Крестом Твоим жительство.
Кондак праздника
Вознесыйся на Крест волею, тезоименитому Твоему новому жительству щедроты Твоя даруй, Христе Боже, возвесели нас силою Твоею, победы дая нам на сопостаты, пособие имущим Твое оружие мира, непобедимую победу.