"Каля сэрца завіло"

[filskeit]

У адным з тэкстаў знайшоў "засмактала пад лыжачкай". Пашукаў у даступных мне фразеалагічных і перакладных слоўніках, але не знайшоў такога фразеалагізма. Узяў на сябе адказнасць выкрасліць яго і паставіць замест яго "каля сэрца завіло". Але праблема ў тым, што і "каля сэрца завіло" я ў даступных крыніцах не знайшоў

Comments

[shupa]

забалела пад грудзьмі
заціснула пад сэрцам
занудзіла каля сэрца

[filskeit]

Ідзецца пра эквівалент да "захацелася есці".

[vitaly68]

Калі моцна хочацца есьці, у нас (Акцябрскі раён Гомельскай вобласьці) кажуць "кішкі граюць марш". Знайшоў адпаведны выраз і ў польскай: kiszki komuś marsza grają - ktoś jest bardzo głodny. "Od dwóch godzin nie miałem nic w ustach, kiszki marsza mi grają i wzywają na odsiecz hamburgera z colą". Гэта, здаецца, ня зусім тое, што "сосать под ложечкой", але нічога іншага ў голаў нешта не прыходзіць.

[filskeit]

Дарма што фразеалагізм "каля сэрца завіло", здаецца, па-за літаратурнай мовай, мне здаецца, ён абазначае той самы фізіялагічны працэс, што і "сосание под ложечкой".

[vital_stan]

Першы фразеалагізм ў ТСЛБМ вылучаны як устойлівы выраз, а ў ТСБМ проста згадны сярод прыкладаў да слова "лыжачка". Пра другі не змог нічога знайсці ў сваіх слоўніках.

[filskeit]

Дзякую.

[vushasti]

А як можна моцнае жаданне есці замяніць на боль пад сэрцам?

[filskeit]

Па-мойму, гэта поўнасцю аналагічны выраз:

- Куды гэта ты прэсся цераз агароды?
- Хачу збегаць да гасподы. Штось асца сліну гоніць, - схлусіў ён і пачаў пляваць.
«Брэша», - падумаў той ды і кажа:
- От і ў мяне штось каля сэрца завіло, - тут ён пачаў рукою круціць на грудзях.
- Хіба хадзем, куме, ды заморым чарвяка, бо гэта, мабыць, рабакі, - прыбавіў ён.

http://old.knihi.com/ananim/smacna.html