Асачыць, асочваць - без «д»

[filskeit]

Слоў «адсачыць», «адсочваць» не існуе ў афіцыйным стандарце. Каб я больш іх не чуў, ясна?

(Праўда, у слоўніку Яна Станкевіча слова «адсачыць» фіксуецца - са значэннем «отвести от себя след». Ну тады ў гэтым значэнні і ўжывайце, а не прыдумляйце яму новыя.)

Comments

[vital_stan]

Вы будзеце смяяцца, але я зрабіў educated guess і знайшоў вось яшчэ што:

дасачыць, -сачу, -сочыш, -сочыць; загадны лад дасачы; закончанае трыванне
1. за чым. Угледзець, унільнаваць. Дасачыць за парадкам.
2. каго-што. Выявіць чыё-н. месцазнаходжанне; высачыць. Дасачыць злачынцаў.

дасочваць, -аю, -аеш, -ае.
незакончанае трыванне да дасачыць.

[mikalai_u]

Каму піша? Адкрываем Беларускі N-корпус, бачым, што піша Паўлу Севярынцу, Юры Станкевічу, рэдактарам БелаПАН. Мо яшчэ каму.

[anonymous]

А хто такая Юра Станкевіч?

[dassax]

А як з гэтым у русязычных?

[sionnia]

А вось дзякуй.

[k_ja_ra]

І ўсё ж. З асочваць.
Гэтае слова мае абсалютна пэўнае значэнне: Знайсці, высачыць, дапільнаваць. Асачыць дзіка.(ТСБМ)
Адсочваць жа ўжывалася там, дзе яно мне сустракалася, у іншым сэнсе, блізкім да таго, які цяпер перадаецца модным словам маніторыць (рынак, сітуацыю, паведамленні і г.д.)
Наколькі правільна ўжываць у апошнім кантэксце слова "асочваць/асачыць"?

[filskeit]

Наколькі правільна ўжываць у апошнім кантэксце слова "асочваць/асачыць"?

Думаю, адказ просты. Калі патрэбна значэнне, блізкае да значэння слоў «знаходзіць», «высочваць», «дапільноўваць», можна ўжыць «асочваць». А калі не - шукаць іншае слова.

[k_ja_ra]

Вашая праўда.) А ў згаданым мной вышэй сэнсе можна банальна ўжываць "сачыць". Сачыць за рынкам, за сітуацыяй, за паведамленнямі. І не вынаходзіць ровар.:)
Усё прасцей насамрэч.)))
Дзякуй.)