Рондаль / каструля
Калісь даўно тут задаваўся пытаннем, ці адрозніваецца чым-небудзь рондаль ад каструлі. Вось што маем у слоўніках.
ТСБЛМ:
КАСТРУЛЯ
(назоўнік | жаночы род)
Металічная пасудзіна для прыгатавання ежы. || памяншальная форма: каструлька. || прыметнік: каструльны.
ТСБМ:
КАСТРУЛЯ, -і, ж. Металічная пасудзіна, звычайна цыліндрычнай формы, для прыгатавання ежы. На прыпечку перад засланкай цямнеліся два невялікія чыгункі і алюмініевая каструля. Паслядовіч.
ТСБМ:
РОНДАЛЬ, -я, м. Уст. Каструля з ручкай. Тым часам каля шалаша Віктар у вялікім рондалі гатаваў над агнём [юшку]. Краўчанка.
Этымалагічны:
Як бачым, рондаль вызначаецца праз каструлю. Гэта пэўны яе від, з ручкай. Дакладней, калі трымацца Этымалагічнага слоўніка, з доўгай ручкай.
Узнікае пытанне, а хіба простая каструля не мае ручак? Ці адрозненне ў тым, што ў рондаля яна адна?
Мабыць, маецца на ўвазе гэткая пасудзіна як на здымках?
Тут, як бачым, ручка з функцыянальна-канструкцыйнага гледзішча, як чапяла, а ў каструлі (звычайнай) ручкі - дзве клямкі, якія не згадваюцца чамусь (мабыць, само сабой разумеецца).
Давайце абмяркуем.