Нематэрыяльная культурная спадчына.

[zlobniy_monstr]

Пару пытанняў да паважанай суполкі.

Ці існуе нейкі адзіны цэнтралізаваны спіс (каталог) беларускай нематэрыяльнай спадчыны (кшталту расійскага "Каталога объектов нематериального культурного наследия народов Российской Федерации")? Калі існуе, то дзе з ім можна азнаёміцца?

Таксама цікавіць сам працэс фіксацыі і захавання аб'ектаў нематэрыяльнай культурнай спадчыны. Прыкладам этнограф, падчас экспедыцыі, знаходзіць нейкі невядомы абрад, фіксуе яго на паперы (на аўдыё, на відэа) і што з ім адбываецца далей? Адпраўляецца ў міністэрства культуры для зацвярджэння? :) Я чалавек крыху далёкі ад гэтай тэмы, таму буду вельмі удзячны за разгорнутыя адказы.

У гугле па тэме знаходзяцца толькі канвенцыя ЮНЭСКА і закон РБ аб ахове, таму спасылкі на літаратуру па тэме таксама дзюжа вітаюцца.

UPD: Аб'екты нематэрыяльнай культурнай спадчыны якія занходзяцца ў спісе нематэрыяльнай спадчыны Беларусі:

1. Калядны абрад "Цары", вёска Семежава, Клецкі раён (адзіны беларускі абрад ў спісе ЮНЭСКА);
2. Калядны абрад "Шчодрык", вёска Рок, Салігорскі раён, Мiнская вобласць (дададзены ў спіс 19 жніўня 2009г);
3. Калядная гульня " Жаніцьба Цярэшкі", Лепельскі раён, віцебская вобласць (2009 год);
4. «Наўскі Вялікдзень», вёска Аброва, Івацэвіцкі раён, Брэсцкая вобласць (2009 год);
5. Тэхналогіяй стварэння майстрамі Круглянскага раёна Магілёўскай вобласці драўляных музычных народных інструментаў (2009 год);
6. Абрад "Тураўскі карагод" на свята Юр'я, вёска Пагост, Жыткавіцкі раён (гл. таксама Юр'я)
7. Абрад "Ваджэньне стралы", вёска Казацкія Балсуны, Веткаўскі раён (2006 год)
8. Аўтэнтычныя фальклорныя калектывы “Глыбокiя крынiцы”, “Журавушка”, “Павалякі”, Любанскі раён
9. Рамяство шапавалаў Дрыбіншчыны (2009 год)

Знайшлося 8 аб'ектаў, дадавайце клалі ласка ў коменты якія яшчэ ведаеце.

UPD2: Па стане на травень 2009: Статус гісторыка-культурнай каштоўнасці ў нашай краіне нададзены 56 аб’ектам нематэрыяльнай спадчыны. З іх 50 - гербы гарадоў і 6 - фальклорна-этнаграфічныя аб’екты.

UPD3: Інвентар і ўсю актуальную інфармацыю па аб'ектах нематэрыяльнай культурнай спадчыны Беларусі можна знайсці на сайце "Жывая спадчына Беларусі".