23.02.10 - "СЬВЯТА ГЕРОЯЎ" ад IQ48, ZM99 (Зьмяя) і Hasta La Fillsta ў Jolly Roger Cafe
23 лютага ў сталічным клубе Jolly Roger Cafe адбудзецца “Свята герояў”.
У свята абаронцаў Айчыны і сапраўдных мужчын выступяць вашыя любімыя рок-гурты: IQ48, ZM99 (Зьмяя) і Hasta La Fillsta!
Вось што кажуць самі музыкі.
Яўген Бузоўскі, гітарыст гурту IQ48, паабяцаў, што “Здаровыя лосі” зайграюць сэксуальна нястрыманыя хіты і сучасныя гарадскія ракенролы і зробяць усё, каб у дзяўчат блішчэлі вочы, а хлопцы пакрываліся сёмым потам. Таксама музыкі рыхтуюць прыемныя сюрпрызы і нават новыя песні! На пытанні: “Хто для Вас “сапраўдны герой”? Які вобраз асацыятыўна ўзнікае ў сувязі з гэтымі словамі?” Яўген адказаў наступным чынам: “Сапраўдныя героі для нас - гэта, па-першае, шчырыя моцныя людзі, для якіх, нават зараз, галоўнае тое, што ў сэрцы і галаве, а не ў кішэні! А 23 лютага для нас з’яўляецца вясёлым святам, такім мужчынскім рэваншам за 8 сакавіка. Калі адкінуць ідэялагічны пафас, то абарона Айчыны - ва ўсіх сэнсах справа правільная, і ня важна, дзе ты яе абараняеш - у акопе ці на сцэне”.
ZM99 (Зьмяя) прэзентуе інтэрнэт-альбом “ZM99.NET”, які выкладзены ў вольны доступ у сеціва 11 студзеня. Лідар гурта Ўладзімір Сахончык распавёў, што музыкі падрыхтавалі песню, прысвечаную тэме “сапраўдны герой”. А да свята гурт ставіцца з павагай і разуменнем. Наогул, палова калектыву аддавала абавязак Радзіме. Ад гурта мы пачуем старыя песні і шмат новых.
А гурт Hasta La Fillsta пасля вяртання на сцэну дасць першы канцэрт. Вольга Самусік, спявачка гурта, распавяла пра тое, што гурт падрыхтаваў да “Свята герояў”: “На канцэрце 23 лютага будзем граць новыя песні, якія ўвайшлі ў наш інтэрнэт-рэліз, узгадаем некалькі хітоў гурта. І канешне, некалькі дуэтаў - гэта наш сюрпрыз”. Для Hasta La Fillsta “сапраўдны герой” - гэта чалавек, які неадступна ідзе па сваім шляху да сваёй мары. Айчыну заўсёды павінен нехта абараняць. Мы абараняем культуру сваёй Айчыны, без культуры не будзе Айчыны”.
У праграме свята: шчырыя віншаванні моцнай паловы сусвету ад музыкаў, добры настрой, лепшыя песні, драйв і рок-н-рол.
Чакаем вас, сапраўдныя героі!
Забраніраваць чалавека-месца на танцпляцы можна па тэлефоне
+375 295 64 55 81.
Забраніраваць чалавека-месца за столікам можна па тэлефоне
+375 333 13 00 01.
Даведкі па тэлефоне +375 296 20 53 68.
Канцэрт адбудзецца 23 лютага ў 19.00.
Кошт уваходу: 15 000 (танцпляц),
20 000 (столік).
Месца: клюб “Jolly Roger Cafe”,
бул. Талбухіна, 4.
=='''Сябры, забраніраваць чалавека-месца на канцэрт магчыма праз нумар, які напісаны вышэй і таксама, даслаўшы мне паведамленне ў лічку!!! ''' http://vkontakte.ru/id3951324