Анатоль Плескачэўскі. Людзі БКА
Плескачэўскі Анатоль
Нарадзіўся 28-га лютага 1911 года ў Глыбокім, памёр у 1980. Працаўнік Беларускай народнай самапомачы, афіцэр Беларускай краёвай абароны (1944), ад’ютант Прэзыдэнта Беларускай Цэнтральнай Рады Радаслава Астроўскага. З лета 1944 г. на эміграцыі, жыў у ЗША.
Анатоль Плескачэўскі ў мундзіры і кепі, падобныя на строй ОТ, з германскімі наплечнікамі старшога лейтэнанта (адна зорка).
Кепі і мундзір ОТ. Прыкладна такі мундзір і кепі карычневага колеру насіў Плескачэўскі і іншыя афіцэры БКА.
Наплечнікі малодшых афіцэраў Вермахту, якія насіў Плескачэўскі
Выпіска з Паслужнога Сьпіску Старшага Лейтэнанта Беларускай Краёвай Абароны Анатолія Плескачэўскага, народж. 28-га лютага 1911 г. у Глыбокім.
1. Дэкрэтам Прэзыдэнта Беларускай Цэнтральнай Рады з дня 12.1.44 г. Анатолі Плескачэўскі вызначаны асабістым ад'ютантам Прэзыдэнта Беларускай Цэнтральнай Рады.
2. Дэкрэтам Прэзыдэнта Беларускай Цэнтральнай Рады з дня 15.III.44 г. Плескачэўскаму Анатолію прызначана ранга лейтэнанта Беларускай Краёвай Абароны з старшынствам, з адначасным назначэньнем шэфам інтэндантуры Галоўнага Штабу Беларускай Краёвай Абароны.
3. Дэкрэтам Прэзыдэнта Беларускай Цэнтральнай Рады з дня 1.VII.44 г. лейтэнант Анатолі Плескачэўскі вызначаны другім ад'ютантам Прэзыдэнта Беларускай Цэнтралнай Рады, з адначасным паўненьнем абавязкаў галоўнага касіра Беларускай Краёвай Абароны.
4. Дэкрэтам Прэзыдэнта Беларускай Цэнтральнай Рады з дня 4.VII.44 г. лейтэнанту Анатолію Плескачэўскаму за выдатнае выкананьне баявога заданьня надана ранга старшага лейтэнанта Беларускай Краёвай Аабароны з старшынствам.
5. Загадам Камандуючага Беларускіх Войск, Гэнэрал-маёра К. Езавітава, з дня 13.1.45 г., старшы лейтэнант Анатолі Плескачэўскі адкамандыраваны афіцэрам сувязі Гэнэральнага Штабу Беларускай Краёвай Абароны пры 1-й Беларускай Дывізыі.
6. Загадам Камандуючага Беларускіх Войск, Гэнэрал-Маёра К. Езавітава, з дня 10.IV.45 г., старшы лейтэнант Анатолі Плескачэўскі прызначаны афіцэрам сувязі Гэнэральнага Штабу Беларускай Краёвай Абароны з Кватэрай Прэзыдэнта Беларускай Цэнтральнай Рады.
Р. Астроўскі , Прэзыдэнт
Літаратура
1) За Дзяржаўную Незалежнасць Беларусі. Выданьне БЦР. Лёндан. 1960. Англія