Молитвенный вздох: Тропарь на прославление Августейших мучеников

[bezserebrenik]

Тропарь на прославление Великомученика Николая Императора Российского
и Августейших мучеников.

[Spoiler (click to open)]Днесь блажат тя мира концы,
Божественных чудес исполншеся,
и земля радуется, напившися крови твоея.
Христоименитии же людие страны Русскiя
прославлением святыя памяти твоея
радостию возвеселишася,
Страстотерпче великий царю Николае,
сосуде избранный Святаго Духа, угодниче Христов.
Егоже моли, о верных тебе и царству Русскому,
избавити от ига варварского,
дати очищение грехов,
умирити мiр и спасти души наша.

Пресветлый храме Святаго Духа,
Великомучениче императоре Николае,
благодатию Небес освяти души наша,
сопричисли нас верным тебе,
умоливший принять их под руку Пречистыя Девы,
и просвети нас светом заповедей Христа,
от Него бо приял помазание на царство Русское.
Моли благость Отца Небесного
во еже избавитися от ига безбожников и инородцев
православно чтущим Тя, даруя нам велию милость и спасение.

Мученице Императрице Александре со чадами:

[Spoiler (click to open)]Страстотерпцы Господни, Августейшии мученицы,
вкупе с державным супругом и отцом вашим пострадавшие,
блаженна земля Русская, напившаяся кровьми вашими,
и радуется отечество наше,
днесь прославляя святую память вашу.
Царским путем шедшие и за Христа пострадавшие,
того, яко блага, молите,
до скончания века царство Русское утвердити
и всех русских людей помиловати и спасти.

Господи, молитвами, святых Августейших мучеников
сотвори с нами знамение во благо и избави нас от гонителей,
да славим Тя со Отцем и Святым Духом во веки. Аминь.