Хто з'еў усе каштаны?
Ведаю, што ўсе вы тут вельмі назіральныя і даўно заўважылі, што ўжо некалькі год запар пры канцы ліпеня пачынаюць хварэюць нашы каштаны: лісты жоўкнуць, сохнуць і ападаюць. Глядзіш на высахшыя дрэвы, такое ўраджанне, што ў жніўне наступіла глыбокая восень.
А здарылася вось што. Завітаў да нас шкоднік з Македоніі - мініруючая каштанавая моль. Гэта дробная казурка атрада матылькоў. Дарослыя молі дасягаюць даўжыні 3-4 міліметраў. Гусеніцы развіваюцца ў тканках ліста, выядаючы яго знутры. Моцнае паражэнне вядзе да заўчаснага завядання лісця.
У Еўропе з насякомым змагаюцца ін’екцыямі, а ў Беларусі на ўколы, як вядома, няма дазволу і грошай. Адна ін’екцыя каштуе каля 20 долараў. І на кожнае дрэва іх неабходна некалькі. Для Беларусі гэта дорага. І таму нашы адмыслоўцы прапануюць свой сродак лячэння: трэба, кажуць, хаця б апалае лісце паўсюдна прыбіраць і знішчаць, бо менавіта ў іх гэты паразіт зімуе, або можна высякаць і засаджваць новымі.
Калі паглядзець на вуліцу праз мае акенцы, можна налічыць каля 6 каштанаў. Атрымоўваецца, па дзве ін’екцыі на кожнае драэва і 240 даляраў будзе каштаваць уся працэдура... за шмат-за шмат. Але вельмі шкада каштанаў, яшчэ калі малая была, шла са школы і цягнула цэлыя кішэні каштанчыкаў - прыемныя успаміны...
Так што трэба брацца за граблі і "веславаць" апалае лісце і знішчаць, знішчаць, знішчаць...