Зінаіда Гіпіюс
Ісьціна ці шчасьце?
В.К.
Вам страшна за мяне - а мне за вас.
Ды розны страх мы адчуваем.
Хоць летуценьні й блізкія у нас,-
Шкадуем розным шкадаваньнем.
"Па-чалавечы" вам шкада мяне.
Цяжкі ды горкі шлях шуканьняў!
Бязвогненнай дарогі, ціхай мне
Жадалі б вы - бяз болю, без хістаньняў.
Але "па-Боску" вас шкадую я.
Каго люблю - люблю для Бога.
І тым сьвятлейшая мая душа,
Чым палымнейшай ёсьць дарога.
Вам ціхага прыстанку не хачу,
Так лёгка да самоты ўпасьці;
Я не пра шчасьце вашае прашу -
Пра тое, што вышэй за шчасьце.
Пераклад з расейскай