Адыгэ лъэпкъгъэк1одым епхыгъэ хэбзэгъэуцугъэр Украинэ Парламентым щагъэпытагъ. Законопроект по черке
Адыгэ лъэпкъгъэк1одым епхыгъэ хэбзэгъэуцугъэр Украинэ Парламентым щагъэпытагъ.
Законопроект по черкесскому геноциду зарегистрирован в Парламенте Украины.
Моё интервью Черкесской Редакции Радио Свобода.
Аудиофайл http://www.khutynygharadio.com/audio/audio/1151703.html (7:37 - 11:26).
17 июня 2014 г. в 19:22
Адыгэ лъэпкъгъэк1одым икъэштэн теуфэгъэ хэбзэгъэуцугъэр Украинэ Радэм щагъэпытагъ. Хэбзэгъэуцугъэм хэплъэнхэу Парламентым хэзылъхьагъэр украинэ депутатэу Ляшко Олег. Фэдэ къэбарыр къыхигъэщыгъ Фитыныгъэ радиом игущы1эгъугъэ израиль политологэу Шмулевич Авраам. Ащ игущы1эхэмк1э, 1офыр украинэ Парламентым щежьагъ. Ляшко Олег иш1уагъэк1э, хэбзэгъэуцугъэм ихэплъэнхэ 1офыр къэблэгъэрэ зэхэсыгъом щы1энк1и хъун, ар зэпхыгъэр ежь Парламентым и1эк1оц1 1оф къеку1ок1ыныр зэрагъэпсрэр ары. Мэкъэ хэхыныгъэк1э ар аштэнэу къэблэгъэрэ уахътэм къэт, е1о Шмулевич Авраам.
Фитыныгъэ радиом игущы1эгъугъэ Шмулевич Авраам:
- Ляшко Олег - украинэ политикэи идэк1оерэ жъуагъу. Къэралыгъо 1эшъхьэтет хэдзынхэм ащ я 3 ч1ып1эр щиубытыгъ. Арышъ, хэбзэгъэуцугъэр аштэнымк1э зэш1ок1хэр зэк1э щы1эх. Ар къызыхъушъущтыр къэ1огъуае. Ар елъытыгъ, Украинэм къыщек1ок1рэ щытык1эм.
Фитыныгъэ радио: Авраам, Украинэ Парламентым фэжъугъэк1огъэ фэгъэзэныгъэмк1э адыгэ бэдаушхэми, бэдауш купхэми еплъык1э зэфэшъхьафхэр къыхагъэщыгъэх. Зыхэм дырагъэштагъ, зыхэм яемызэгъ къыхагъэщыгъ. О мы 1офым сыдэущтэу уеплъыра?
Фитыныгъэ радиом игущы1эгъугъэ Шмулевич Авраам:
- Лэпкъ пэпчъ ежь яеплъык1э я1. Урыс-Кавказ заом игъом щы1агъэх адыгэхэу урысыдзэм готхэу зэуагъэхэри, ащ пыщытыгъэхэри. Мы 1офымк1и джащ фэд. Адыгэ лъэпкъгъэк1одым икъэштэн пыщытхэри щы1эх, Ар ежьхэм янамыс и1оф.
Фитыныгъэ радио: Джыри сыд къыхэбгъахъомэ пш1оигъор, Авраам...
Фитыныгъэ радиом игущы1эгъугъэ Шмулевич Авраам:
- Сэ зэрэслъытэрэмк1э, мы 1офыр - тарихъ шъыпкъэныгъэм игъэк1эжьын. Мыр умыгъэк1эжьэу зыпкъитыныгъэр щы1эшъущтэп, адыгэ упч1эм изэш1охын къэхъушъущтэп. Урысыем ыгъэфедэхэрэ амалхэу Урысые-Кавказ заом игъом ыгъэфедэщтыгъэхэм афэдэхэр ыгъэт1ылъыжьын фае. Дэи, Урысыем иц1ыфхэр ежь яхькумэт нэсынхэм пае, егъэзыгъэ мэхъух нэмык1 къэралыгъохэм яхьыкумэтхэм зафагъэзэнэу. Урысыем иПарламент ары апэрэеу а тхьамык1эгъошхор къэзыштэн фэягъэр.
Фитыныгъэ радио: Авраам, о зэрэплъытэрэм1э, Украинэм ыуж сыд фэдэ къэралыгъуа зызфэбгъазэнэу щытыр?
Фитыныгъэ радиом игущы1эгъугъэ Шмулевич Авраам:
-Сэ сэлъытэ, къэралыгъохэм зэк1эм зафэбгъэзэн фае. Гъэш1эгъоны, адыгэхэу, гущы1эм пае Израиль исхэр Израиль зызэрэфамыгъазэхэрэр, Тыркум исхэр Тыркум зызэрэфамыгъазэрэр. К1эух и1энэу сэлъытэ Европэ Парамным зыфэбгъазэмэ адыгэ лъэпкъгъэк1одыр къаштэнымк1э, Америкэ Штат Зэкъотхэм яСенат, Скандинав къэралыгъохэм яПарламент, Къохьап2эм икъэралыгъо пэрытхэм. Мы 1оф-ек1ок1ыныр зежьэк1э, къэгъэуцугъуае хъущт.
Фэгъэзэныгъэу Украинэ Парламентым фырагъэхьыгъэр жъоныгъуак1эм и 16 ат1упщыгъ. К1элъэ1ум к1этхагъэхэм ащыщ Адыгеим щыщ журналистэу Щэш1э Аслъан, тарихълэжьэу Абрэдж Альмир, израиль щыщ политологэу Шмулевич Авраам, Дунэе Къушъхьэ Конгрессым икоординаторэу Дагъстан щыщ Магомедов Магомед, Къохьэпэ хэхыныгъэ зыфи1орэ партым хэт Кулокова Эльвира, Адыгэ дунэе лъэпкъ-культурэ гупчэу «Фитыныгъэр».
Фитыныгъэ радио, Щэрджэс Ларис.
