Къалал-берцингун унеб бакI
Дие цIакъ рокьула магIарул мацIалда ругел советиял мультикал. Гьел къватIире ричаралго, дица щугогIаги гьезул дискал росана. Цояб диеха, цогидал гIагарал гьитIичазе.
Амма абизе ккола гьел мультикал дир гьитIинал вацасе ва яцалъе гьедиагIан рокьичIин. Вацас абуна: «Спайдермен» щай гьаз магIарул мацIалда бичачIеб?» Яцалъги тIад жубана: «Винксал» магIарул мацIалда руссинарун рукIаралани».
Дида хадуб ракIалда ккана, «херлъарал» Винни-пухалги ва Карлсоналги гьаб заманалъ ругел лъималазе интерес гьечIел ругилан.
Амма гьездаса кIудияб интерес босана дир кIубабацаги, инсуцаги, эбалалъги ва цогидал совет заманалъ гIурал гIагаразги. Гьелгун цадахъ дунги велъанхъана Дядя Федор магIарул мацIалъ Федор-даци вукIиналдаса, Пяточок - Къалал-берцин ва гь.ц.
«Куда идем мы с Пятачком -
Большой, большой секрет…».
Гьел мухъал дида тIоцере рагIаралдаса ракIалда чIана. Гьанже гьел ракIалда щвани, гьезда хадурго «рекерун рачIуна» гьалги:
«Къалал-берцингун унеб бакI -
Гьеб балъголъи нижер.
Я бицина нужее гьеб
Яги бицинаро».
Миллиял мацIазда руссинарурал мультфильмабазда гьоркьоб дие бищунго «Дюймовочка» бокьула. Гьеб магIарул мацIалъ балагьулеб мехалъ, кутакалда велъанхъизе бачIула.
«Будьте моей жжжженой, о великолепная!» - гIурус мацIалъ гьеб хIутI-хъумурил гьари рагIани щибго рекIелъ тIуркIуларо. Амма магIарул мацIалъ гьел рагIаби рагIани, чехьги ккун велъанхъула. Гьелгиха: «Дие чIужжжжун ячIа, чIчIурррканай бика!»
…Уяблъун рикIкIинеги бокьуларо, амма магIарул мацI бичIулел ва бицунел магIарулал дагьлъулел ругин. Ишги ккезехъин буго гьадин: гьел мультикал цо лъеберго-кIикъого соназдасан историялъул хIужжабилъун рукIина. Божизе бокьун гьечIониги…
Амма абизе ккола гьел мультикал дир гьитIинал вацасе ва яцалъе гьедиагIан рокьичIин. Вацас абуна: «Спайдермен» щай гьаз магIарул мацIалда бичачIеб?» Яцалъги тIад жубана: «Винксал» магIарул мацIалда руссинарун рукIаралани».
Дида хадуб ракIалда ккана, «херлъарал» Винни-пухалги ва Карлсоналги гьаб заманалъ ругел лъималазе интерес гьечIел ругилан.
Амма гьездаса кIудияб интерес босана дир кIубабацаги, инсуцаги, эбалалъги ва цогидал совет заманалъ гIурал гIагаразги. Гьелгун цадахъ дунги велъанхъана Дядя Федор магIарул мацIалъ Федор-даци вукIиналдаса, Пяточок - Къалал-берцин ва гь.ц.
«Куда идем мы с Пятачком -
Большой, большой секрет…».
Гьел мухъал дида тIоцере рагIаралдаса ракIалда чIана. Гьанже гьел ракIалда щвани, гьезда хадурго «рекерун рачIуна» гьалги:
«Къалал-берцингун унеб бакI -
Гьеб балъголъи нижер.
Я бицина нужее гьеб
Яги бицинаро».
Миллиял мацIазда руссинарурал мультфильмабазда гьоркьоб дие бищунго «Дюймовочка» бокьула. Гьеб магIарул мацIалъ балагьулеб мехалъ, кутакалда велъанхъизе бачIула.
«Будьте моей жжжженой, о великолепная!» - гIурус мацIалъ гьеб хIутI-хъумурил гьари рагIани щибго рекIелъ тIуркIуларо. Амма магIарул мацIалъ гьел рагIаби рагIани, чехьги ккун велъанхъула. Гьелгиха: «Дие чIужжжжун ячIа, чIчIурррканай бика!»
…Уяблъун рикIкIинеги бокьуларо, амма магIарул мацI бичIулел ва бицунел магIарулал дагьлъулел ругин. Ишги ккезехъин буго гьадин: гьел мультикал цо лъеберго-кIикъого соназдасан историялъул хIужжабилъун рукIина. Божизе бокьун гьечIониги…