Вёска Кальчычы (Кальчичи). Сядзібны дом

[artem_ablozhei]

Знаходзіцца ў Карэліцкім раёне. Вёска ўпершыню ў пісьме згадваецца ў 16 стагоддзі. У вёсцы захаваліся рэшткі сядзібнага дома, пабудаванага ў другой палове 19 стагоддзя. Без капання ў архівах, нажаль не вядома, хто жыў у гэтым доме. Мясцовы жыхар, гадоў пад 70, на маё пытанне - "як патрапіць да панскага дома", адказаў, што паны тут ніколі не жылі.. Паны не жылі, а дом застаўся. У сеціве пра вёску троху напісана на "Радзіме". Было б добра, каб сюды прыехаў Дылетант)

Будынак, стаіць на полі, добра што яго не разабралі, каб павялічыць пасяўную плошчу)



На здымку 2004 года, А.Дыбоўскага (Глобус Беларусі), відаць справага боку рэшткі даха.






Другі бок. Памятаеце мульцік "Вовка в Тридевятом царстве"? А памятаеце, як Воўка піражкі пёк у печцы? Знаёмцеся - тая самая печка)



З бакоў









Зойдзем унутр


















Падвал