kung inlab ka bobo ka!

[arrianne]

bisan kahibaw ka nga naay na siya uyab
padaun kas imong gibati nga kaanyag
magpakintahaytahay ka nga nirespetar ka sa ilang relasyon
pero sa kada away ug buwag nila pirti nimong lipaya

bisan dili na lang gani ka pasudlon sa ilang balay
hasta na lang nuon ikaw mahadlok nga "masakpan"
hala sige adto lang gihapon kada sabado
magpabuntag, bahala na, ok ra basta ka kuyog ka niya

hubgon nimo imong kaugalingon
aron naa ka ikapasangil sa imong kabagag nawng
babay' kang daku! ikaw ang manung!
ngano gud tawn gugmahon ka nga borikat man kang daku!?!

text ka niya kadagabii, way reply
tawag ka kada buntag dili tubagon
message sa friendster ug sa myspace way kwenta!
nya asa lang gihapon ka nga pwede pa mada?

hatag ka sa tanan. tanan dyud! way gibilin sa imong kaugalingon
mura kag basura ilabay nya magdahom lang gihapon nga puniton
labi pas buang nga musugot ra gamiton human gipasakitan
wa' ka makat-on! hatag lang gihapon ka sa tanan

ingon siya "love man sad kaau tika"
lushlush buli! pada sad kas atik!
nitoo sad ka!!! GAGA!
karon unsa man? asa na man siya? di ba nag-inusara man ka?