Արձակուրդներ Ծաղկաձոր լեռնադահուկային հանգստավայրում
Ցանկանո՞ւմ եք անցկացնել ձմեռային արձակուրդները լեռնադահուկային հանգստավայրում: Դրա համար ամենևին էլ պետք չէ ահռելի գումար ծախսել և մեկնել եվրոպական երկրներ: Հայաստանում՝ գեղատեսիլ Ծաղկաձորում, ձեզ սպասում են բոլոր տեսակի ձմեռային հանգիստը։
Ծաղկաձոր լեռնադահուկային և կլիմայական հանգստավայրը գտնվում է Երևանից մոտ մեկ ժամ հեռավորության վրա և ամբողջ տարի հյուրեր է ընդունում աշխարհի տարբեր ծայրերից։ Ծաղկաձորը զարմանալիորեն գեղեցիկ լեռնային լանդշաֆտներ է, բացօթյա զբաղմունքներ և տեղական հաստատությունների հյուրընկալություն, որտեղ դուք, «բացելով» ձեր ախորժակը, կարող եք վայելել հայկական խոհանոցի համեղ ուտեստներ:
Ձմռանը Ծաղկաձորը ձեզ առաջարկում է տարբեր տեսակի զբաղմունքներ բնության գրկում, գործում է հարմար ծրագիր ինչպես երեխաներ ունեցող ամուսնական զույգերի, այնպես էլ փորձառու էքստրեմալ մարզիկների համար: Ձեր ընտրությամբ՝ զբոսանք տեսարժան վայրերով, փչովի սահնակներ, «վատռուշկներ» և ձնագնացներ, սնոուբորդ և, իհարկե, լեռնադահուկային լանջեր ցանկացած մակարդակի սպորտային պատրաստվածություն ունեցող մարդկանց համար: Ի դեպ, հենց տեղում կարելի է վարձակալել այն ամենը, ինչն անհրաժեշտ է՝ դահուկներից մինչև մարզագույք։
Ժամանակակից «LEITNER» սարքավորումներով հագեցած ճոպանուղին ձեզ կտանի դեպի Թեղենիս լեռան լանջին գտնվող լեռնադահուկային արահետների տարածք։ Տեղ հասնելուն պես կարող եք ընտրել դահուկային գոտի՝ ըստ ձեր պատրաստվածության մակարդակի: Լանջի վերին մասում կան բարդ «կարմիր» և «սև» լանջեր ամենափորձառուների համար, կան անձեռնմխելի վայրեր՝ էքստրեմալ ֆրիռայդերների համար։ Լանջի մեջտեղում կան «կապույտ» արահետներ միջանկյալ դահուկորդների համար և «կանաչ» ուղիներ՝ սկսնակների համար։ Ներքևի հատվածին ավելի մոտ կա զառիթափ օձաձև ճանապարհ պրոֆեսիոնալ մարզիկների համար: Ծաղկաձորի լեռնադահուկային լանջերի ընդհանուր երկարությունը 30 կմ է, իսկ ամենաերկարը՝ 8 կմ։
Կարդալ ավելին >>>