Маленькі цуд
Некалькі дзён назад каля пад'езду заўважыла сабаку - маленькага забаўнага пухнаціка-пэкінэса, які адразу падбег церціся аб ногі. Гаспадара нідзе відаць не было. Маленькае сьледзтва паказала, што пёс ня з нашага дому. Знайшла яму ператрымку, некалькі дзён абклейвала раён абвесткамі аб знаходцы, раскідвала аб'яўкі ў нэце. Ніхто не адгукаўся. І тут адна дзяўчына скінула спасылкі на паведамленьні аб зьнікненьні пэкінэсаў. На здымках адзін зь іх быў вельмі падобны да знайдзёныша. Вось толькі з тэксту вынікала, што згубіўся ён амаль год назад у вёсцы пад Менскам, дык надзея на супадзеньне была вельмі кволай. Але ж прыехала сямейная пара (якая, трэба адзначыць, увесь гэты час шукала свайго гадаванца!) і апазнала свайго Ская! Яны мяркуюць, што сабака быў скрадзены зь іхнага двара (вельмі даверлівы, дурашка) і зьвезены ў невядомым кірунку. Як ён пасьля аказаўся на вуліцы: ці зьбег, ці яго выставілі - невядома. Галоўнае, пёсік узьяднаўся з гаспадарамі і ўсе шчасьлівыя :)
Апынуўшыся дома, пухнаты зьвер, нібыта нікуды не зьнікаў на цэлы год, адразу пабег на сваё некалі ўлюбёнае месца адпачываць.
Апынуўшыся дома, пухнаты зьвер, нібыта нікуды не зьнікаў на цэлы год, адразу пабег на сваё некалі ўлюбёнае месца адпачываць.