ЯПОНСКІЯ ХАЙКУ-ІІІ

[arashonak]

Кавахігасі Хекігодо (1873-1937)

***
Пасля абмывання
з цэбра выліў ваду ў возера...
Белыя разводы.

СІкі Масока

***
Ноч... і яшчэ адна...
Усё чакаю цябе. Вецер
халодны вяртаецца ліўнем.

***
Рака ўлетку.
Хоць мост ёсць, але мой конь
ідзе па вадзе.

***
Сполах бліскавіцы.
У лесе між дрэваў
бачыў крыніцу.

Такахама Кёсі

***
Хрызантэма ў руцэ,
імгненне... Няўжо нічога
не застанецца ад яе?

***
Ён кажа слова,
і я за ім - слова - восень
на душы кожнага.

***
Дзьмуць вятрыскі...
Адгадай, якая лісцінка з дрэва
будзе наступнай?

© Арцём Арашонак, пераклад з ангельскай мовы
© www.toyomusu.com/haiku