7 / 20 декабря - память святителя Амвросия Медиоланского
Епископ Амвросий Медиоланский (340, Августа-Треверорум (совр.Трир) - 397, Медиоланум (совр.Милан)) - автор знаменитейшего церковного гимна.
Песнь св. Амвросия Медиоланского "Тебе, Бога, хвалим"
Тебе́, Бо́га, хва́лим, / Тебе́ Го́спода испове́дуем, /
Тебе́ Преве́чнаго Отца́ вся земля́ велича́ет; //
Тебе́ вси А́нгели, / Тебе́ Небеса́ и вся Си́лы, //
Тебе́ Херуви́ми и Серафи́ми непреста́нными гла́сы взыва́ют: /
Свят, Свят, Свят Госпо́дь Бог Савао́ф, /
по́лны суть Небеса́ и земля́ вели́чества сла́вы Твоея́. //
Тебе́ пресла́вный апо́стольский лик, /
Тебе́ проро́ческое хвале́бное число́, /
Тебе́ хва́лит пресве́тлое му́ченическое во́инство. //
Тебе́ по всей вселе́нней испове́дует Свята́я Це́рковь, /
Отца́ непостижи́маго вели́чества, /
покланя́емаго Твоего́ и́стиннаго и Единоро́днаго Сы́на, //
и Свята́го Уте́шителя Ду́ха. / Ты, Царю́ сла́вы, Христе́, /
Ты Отца́ Присносу́щный Сын еси́. //
Ты, ко избавле́нию прие́мля челове́ка, /
не возгнуша́лся еси́ Деви́ческаго чре́ва. //
Ты, одоле́в сме́рти жа́ло, /
отве́рзл еси́ ве́рующим Ца́рство Небе́сное. //
Ты одесну́ю Бо́га седи́ши / во сла́ве О́тчей, /
Судия́ приити́ ве́ришися. //
Тебе́ у́бо про́сим: / помози́ рабо́м Твои́м, /
и́хже честно́ю Кро́вию искупи́л еси́. //
Сподо́би со святы́ми Твои́ми в ве́чней сла́ве Твое́й ца́рствовати. /
Спаси́ лю́ди Твоя́, Го́споди, / и благослови́ достоя́ние Твое́, //
испра́ви я́, и вознеси́ их во ве́ки: / во вся дни благослови́м Тебе́, /
и восхва́лим и́мя Твое́ во век, и в век ве́ка. //
Сподо́би, Го́споди, в день сей без греха́ сохрани́тися нам. //
Поми́луй нас, Го́споди, поми́луй нас, /
бу́ди ми́лость Твоя́, Го́споди, на нас, / я́коже упова́хом на Тя. //
На Тя, Го́споди, упова́хом, / да не постыди́мся во ве́ки. Ами́нь.
Источник: https://elitsy.ru/profile/62545/606086/
Предлагаю послушать гимн "Тебе Бога славим" в греческом распеве; исполнители иеродиакон Герман Рябцев и Александр (продолжительность звучания 4 минуты 30 секунд). Запись сделана во время богослужения, поэтому заметны посторонние звуки.
Примечание. При невозможности воспроизведения приложенной аудиозаписи - можно послушать такую же запись по адресу: https://muzebra.net/song/тебе+бога+хвалим+греческий+распев+с+исоном (Продолжительность: 4:35)