С праздником свв. первоверховных Апостолов Петра и Павла!
Петре апостолов основание, каменю Христовы Церкве, христианов начало, паси овцы твоего двора славно: агнцы твоя сохрани от волков льстивых, избави стадо твое от напастей лютых. Тя бо молитвенника к Богу неусыпна стяжахом воистинну, и о тебе хвалящеся спасаемся вси.
Павле языков ловче, христиан предстателю, вселенныя светильниче, уста немолчна Христа Живаго Бога, обтекий якоже солнце концы вся проповеданием Божественныя веры, разреши от уз греховных вся восхваляющия тя, и красящияся молитвами твоими.
Петре верховный ученииче, Павле апостолов исполнение, первии проповедницы, ныне со дерзновением молитеся к Богу прилежно: и скорую помощь, и разрешение бед, вкупе низпослите скорбящим нам, яко да похвалимся верою и ныне в сени вашей, делы проявляюще покров ваш.