Բրիթիշ կոնսուլն ու տիկ. Աշոտյանը
Այ քեզ խայտառակություն
Ահա այսպիսի խորագրով մի հոդված ընկավ աչքովս: Կարդացի: Իրոք որ` խայտառակություն: Երկկողմանի, ի դեպ: Բրիթիշ քոնսուլ: Թու քու անգրագետ: Լավ, ինքներդ կարդացեք, չպատմեմ: Զվարճալի է բավականին:
Հայաստանում գործող «British Consul» կազմակերպությունը «Կանայք քաղաքականության մեջ» ծրագրի շրջանակներում մարտի 9-15-ը Անգլիայում կազմակերպում է ուսումնական դասընթացներ` «Կին խորհրդարանականները» թեմայով, որի նպատակը կին օրենսդիրների ունակությունների բարձրացումն է: Ծրագրի ղեկավար Արմինա Մխիթարյանը երեկ մեր թղթակցի հետ զրույցում նշել է, որ Հայաստանի ԱԺ-ից այդ ծրագրին մասնակցելու են կոալիցիոն երեք խմբակցությունների պատգամավորները: Սակայն, որքան էլ տարօրինակ է` նրանցից ոչ ոք կին չէ: Ըստ Ա. Մխիթարյանի` «Կին խորհրդարանականները» թեմայով դասընթացներին ՀՀԿ-ից մասնակցելու է Արմեն Աշոտյանը, ՀՅԴ-ից` Արտյուշա Շահբազյանը, իսկ «Բարգավաճ Հայաստանից»` Էռնեստ Սողոմոնյանը: Բացի նրանցից, Ա. Մխիթարյանի հավաստմամբ` Անգլիա են մեկնելու նաեւ արտախորհրդարանական կուսակցությունների 20 ներկայացուցիչներ, որոնք, բարեբախտաբար, կանայք են: Մեր թղթակցի հարցին, թե ինչո՞ւ են ընտրվել ոչ թե կին պատգամավորներ, այլ` տղամարդ, Ա. Մխիթարյանը պատասխանել է. «Որովհետեւ կին պատգամավորներիցգ մենք ճիշտն ասած` այդպիսի հատուկ բաժանում չենք արել, իրենց կուսակցություններն են առաջարկել այդ պատգամավորներին: Մենք դիմել ենք` իրենք առաջարկել են»: Սակայն երեկ մենք կոալիցիոն խմբակցություններից պարզեցինք, որ իրենք «British Consul» կազմակերպությունից այդ հրավերները ստացել են կոնկրետ տղամարդ պատգամավորների անունների առաջարկներով: Այսինքն` նամակում նշված է եղել, որ իրենք առաջարկում են, որպեսզի հենց այդ պատգամավորները մասնակցեն «Կին խորհրդարանականները» թեմայով ուսումնական դասընթացներին: Իսկապես այստեղ ինչ-որ տեղ ինչ-որ բան այնպես չէ: Հաստատ: Խնդիրն այն է, որ տարբեր երկրներից այդ ուսումնական դասընթացներին մասնակցող պատգամավորների շարքում միայն մեր երկիրը ներկայացնող պատգամավորներն են ներկայացված լինելու տղամարդու տեսքով: Ուշագրավը, սակայն, այն է, որ մեր պատգամավորներից ոչ ոք այդպես էլ չի հարցրել, թե ինչո՞ւ են իրենց հրավիրում այդ դասընթացներին:
Աղբյուրը` 168 Ժամ
Ահա այսպիսի խորագրով մի հոդված ընկավ աչքովս: Կարդացի: Իրոք որ` խայտառակություն: Երկկողմանի, ի դեպ: Բրիթիշ քոնսուլ: Թու քու անգրագետ: Լավ, ինքներդ կարդացեք, չպատմեմ: Զվարճալի է բավականին:
Հայաստանում գործող «British Consul» կազմակերպությունը «Կանայք քաղաքականության մեջ» ծրագրի շրջանակներում մարտի 9-15-ը Անգլիայում կազմակերպում է ուսումնական դասընթացներ` «Կին խորհրդարանականները» թեմայով, որի նպատակը կին օրենսդիրների ունակությունների բարձրացումն է: Ծրագրի ղեկավար Արմինա Մխիթարյանը երեկ մեր թղթակցի հետ զրույցում նշել է, որ Հայաստանի ԱԺ-ից այդ ծրագրին մասնակցելու են կոալիցիոն երեք խմբակցությունների պատգամավորները: Սակայն, որքան էլ տարօրինակ է` նրանցից ոչ ոք կին չէ: Ըստ Ա. Մխիթարյանի` «Կին խորհրդարանականները» թեմայով դասընթացներին ՀՀԿ-ից մասնակցելու է Արմեն Աշոտյանը, ՀՅԴ-ից` Արտյուշա Շահբազյանը, իսկ «Բարգավաճ Հայաստանից»` Էռնեստ Սողոմոնյանը: Բացի նրանցից, Ա. Մխիթարյանի հավաստմամբ` Անգլիա են մեկնելու նաեւ արտախորհրդարանական կուսակցությունների 20 ներկայացուցիչներ, որոնք, բարեբախտաբար, կանայք են: Մեր թղթակցի հարցին, թե ինչո՞ւ են ընտրվել ոչ թե կին պատգամավորներ, այլ` տղամարդ, Ա. Մխիթարյանը պատասխանել է. «Որովհետեւ կին պատգամավորներիցգ մենք ճիշտն ասած` այդպիսի հատուկ բաժանում չենք արել, իրենց կուսակցություններն են առաջարկել այդ պատգամավորներին: Մենք դիմել ենք` իրենք առաջարկել են»: Սակայն երեկ մենք կոալիցիոն խմբակցություններից պարզեցինք, որ իրենք «British Consul» կազմակերպությունից այդ հրավերները ստացել են կոնկրետ տղամարդ պատգամավորների անունների առաջարկներով: Այսինքն` նամակում նշված է եղել, որ իրենք առաջարկում են, որպեսզի հենց այդ պատգամավորները մասնակցեն «Կին խորհրդարանականները» թեմայով ուսումնական դասընթացներին: Իսկապես այստեղ ինչ-որ տեղ ինչ-որ բան այնպես չէ: Հաստատ: Խնդիրն այն է, որ տարբեր երկրներից այդ ուսումնական դասընթացներին մասնակցող պատգամավորների շարքում միայն մեր երկիրը ներկայացնող պատգամավորներն են ներկայացված լինելու տղամարդու տեսքով: Ուշագրավը, սակայն, այն է, որ մեր պատգամավորներից ոչ ոք այդպես էլ չի հարցրել, թե ինչո՞ւ են իրենց հրավիրում այդ դասընթացներին:
Աղբյուրը` 168 Ժամ